
Կարիքաւորներին Օժանդակող մարմինն ըստ իր առաքելութեան՝ բարեսիրական աշխատանքների շարանում՝ շաբաթ, թւականիս սեպտեմբերի 13-ին, իր հովանաւորութեան ներքոյ գտնւող՝ թւով 50 աշակերտ-ուհիներին նւիրեց դպրոցական պարագաներ՝ ուսապարկեր, գրենական պիտոյքներ նաեւ կօշիկներ։
Սոյն նախաձեռնութեան նպատակն էր աջակցել ընտանիքներին եւ խանդավառութիւն ստեղծել աշակերտների մօտ՝ նոր ուսումնական տարեշրջանի վերսկսման համար:
Մեծապէս գնահատելի են Կարիքաւորներին Օժանդակող մարմնի, ինչպէս նաեւ բոլոր բարերարների ջանքերը, ովքեր համագործակցում են նմանօրինակ ծառայութիւնների իրականացման գործում:
Ազգային Առաջնորդարանի Հանրային Կապ