Երեքշաբթի, 9 դեկտեմբեր 2025 թւականին, Ազգ. Առաջնորդարանում հանդիպում կայացաւ, Ռաշտի քաղաքապետարանի մշակութային, սոցիալական եւ սպորտային կազմակերպութեան սոցիալական հարցերով տեղակալ դկտր. Մոհմադ Ռեզա Ալիզադէյի (معاون اجتماعی سازمان فرهنگی، اجتماعی و ورزشی شهرداری رشت), Հեռուստատեսային պրոդիւսեր՝ պրն. Աբդուլ Ռեզա Ասղարթաշի եւ Հետազօտող, ռեժիսոր եւ վաւերագրական ֆիլմարտադրող՝ պրն. Նադեռ Մասումիի հետ:

Հանդիպմանը ներկայ էին Պատգամաւորական ժողովի Անզալի եւ Ռաշտ շրջանների պատգամաւոր Իսակ Իւնանէսեանը, Թեմական խորհրդի ատենապետ Վարուժ Յովհաննիսեանը, նոյն խորհրդի նիւթականի պատասխանատու Արին Ալեքսանդրեանը եւ ազգ. առաջնորդարանի դիւանապետ Զօրիկ Կարապետեանը:

Հանդիպման ընթացքում մատնանշւեց հայ-իրանական վաղեմի բարեկամութեան եւ մշակութային կապերին եւ այս առումով անդրադարձ կատարւեց հայերի ներդրումը Իրանում՝ մասնաւորապէս Գիլանում, ներկայացնելու վաւերագրական ֆիլմի պատրաստման նախագծին: Յիշատակւեց նաեւ հայերի ակնառու դերը Իսլամական յեղափոխութեան յաղթանակում եւ Սրբազան պաշտպանութեան գործում:

Հանդիպման աւարտին, հիւրերի կողմից գեղեցիկ շրջանակ նւիրւեց Թեմական խորհրդին եւ յարգոյ հիւրերին նւիրւեցին «Իրանի հայկական եկեղեցիներ» խորագրով՝ պարսկերէն եւ անգլերէն լեզւով հրատարակւած գիրքը եւ «ارمنیان ایران و نام آوران ارمنی» եւ «کلیسای ارمنی» խորագրով գրքերը:

Նշելի է, որ նմանօրինակ նախաձեռնութիւնները հպարտալի առիթներ են իրանահայութեան համար:

Ազգային Առաջնորդարանի Հանրային կապ