Թ.Հ.Թ. Կրթական խորհուրդը ուրախութեամբ տեղեկացանում է, որ Հայոց ազգային «Սասուն» մանկապարտէզը ստացել է աշխատանքային/գործունէութեան արտօնագիր։

Ինչպէս գիտէք Իրանի նպատակայարմարութեան խորհրդի վերջին որոշման համաձայն մանկապարտէզների վերահսկողութիւնը Բարեկեցութեան կազմակերպութեան (سازمان بهزیستی) հսկողութիւնից անցել է Իրանի կրթադաստիարակչութեան նախարարութեան, «Երեխայի կրթութեան եւ դաստիարակութեան ազգային կազմակերպութեան» (سازمان ملی تعلیم و تربیت کودک) վերահսկողութեան ներքոյ։

Նոր արտօնագիր ստանալու նպատակով Կրթական Խորհուրդը տեւական ժամանակ է, որ հետամուտ է այս գործընթացին, որպէսզի լրացնելով համապատասխան պահանջւած փաստաթղթերը, ստանալ մանկապարտէզների աշխատանքը շարունակելու թոյլտւութիւն։ Այս ընթացքում մանկապարտէզների տեսչուհիներն եւս իրենց անվերապահ համագործակցութիւնն են ցուցաբերել։

Նշելի է «Սասուն» մանկապարտէզի տեսչուհի` Մադլէն Քեշիշեանը, հետեւել եւ մասնացել է «Երեխայի կրթութեան եւ դաստիարակութեան ազգային կազմակերպութեան» դասընթացներին, հարցազրոյցներին ու քննութիւններին եւ յաղթահարելով դրանք նշանակւել է, որպէս մանկապարտէզի արտօնագրւած տնօրէն։

Այժմ երկարատեւ աշխատանքներից յետոյ ուրախութեամբ յայտնում ենք, որ «Սասուն» մանկապարտէզն ստացել է իր աշխատանքային արտօնագիրը եւ մանկապարտէզի մուտքին փակցւել է համապատասխան ցուցատախտակը։

Այս առիթով Կրթական Խորհրդի ատենապետ Կարինէ Բալըքճեանը եւ մանկապարտէզների կապ' Կարինէ Մանուչարեանը դեկտեմբերի 10-ին, այցելեցին «Սասուն» մանկապարտէզ եւ Խորհրդիս շնորհաւորանքն, շնորհակալութիւնն ու բարեմաղթանքները փոխանցեցին մանկապարտէզի տնօրէնին՝ Մադլէն Քեշիշեանին։

Հարկ է նշել Կրթական խորհուրդը եւ միւս մանկապարտէզների տեսչուհիները հետեւում են պատկան արտօնութիւնները ստանալ։

Թ.Հ.Թ. ԿՐԹԱԿԱՆ ԽՈՐՀՈՒՐԴ