Իրանում կրօնների համակեցութիւնը պատմական փաստ է

Իսլամական Հանրապետութեան Գերագոյն առաջնորդի խորհրդական Մոհամմադ Մոխբերը Սուրբ Ծննդեան տօների կապակցութեամբ այցելել է իրանահայ նահատակ Անուշաւան Այւազեանի ընտանիքին։

Գերագոյն առաջնորդի խորհրդականին այցի ընթացքում ընկերակցել է Իրանի Իսլամական խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը:

Մոխբերը հանդիպմանը նշել է, որ Իրանը պատմութեան ընթացքին եղել է տարբեր միաստւածային կրօնների խաղաղ եւ համերաշխ համակեցութեան օրրանը։

Նա ընդգծել է նաեւ, որ կրօնական փոքրամասնութիւնների, այդ թւում՝ քրիստոնեայ նահատակների ընտանիքների նկատմամբ Գերագոյն առաջնորդի շարունակական ուշադրութիւնը՝ միասնութեան, եղբայրութեան եւ փոխադարձ յարգանքի յստակ պատգամ է պարունակում:

Մոխբերը նաեւ շեշտել է, որ քրիստոնեայ եւ այլ կրօնական փոքրամասնութիւնների նահատակների զոհողութիւնները Իսլամական յեղափոխութեան եւ պարտադրւած պատերազմի տարիներին ազգային համերաշխութեան եւ երկրի անկախութեան հանդէպ միասնական նւիրումի վառ վկան է:

Լուրը՝ «Ալիք»-ից