Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Եռօրեայ Կրօնական Արարողութիւն՝ Ս. Աստւածածին Եկեղեցու Անւանակոչութեան Տօնի Առթիւ

Արդարև անցեալ տարւայ նման, այս տարի ևս Ս. Աստւածածնայ Երից ամաց ի տաճարն Ընծայման Տօնի առիթով, եռօրեայ ուխտագնացութիւն և կրօնական յատուկ  արարողութիւններ կատարւեցին Թեհրանի Ս. Աստւածածին եկեղեցում, նոյեմբերի 19, 20 և 21-ին:

 

Եկեղեցին ողողւել էր ուխտաւորներով և հաւատացեալ ժողովրդով, որոնք եկել էին վերակենսաւորելու իրենց քրիստոնէական հաւատն ու կապւածութիւնը եկեղեցուն, նաև լսելու օրւայ պատգամը:

Հինգշաբթի և ուրբաթ երեկոներին, հսկումի արարողութիւններին, քարոզեց Առաջնորդական փոխանորդ՝ Գերշ. Տ. Մակար Ս. Եպս. Աշգարեանը:

Շաբաթ առաւօտեան ժամերգութիւնից յետոյ, Սուրբ և Անմահ Պատարագը մատուցեց Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը: 

Իր խօսքերի սկզբում, Առաջնորդ Սրբազանը նախ բացատրեց տօնակատարութեան առիթը՝ «Քրիստոնէական եկեղեցին նոյեմբերի 21-ին մեծ հանդիսութեամբ, աղօթքով և պատարագի մատուցմամբ, տօնում է Ս. Աստւածածնի տաճարին ընծայման օրը:  Աստւածամայրը քրիստոնէական եկեղեցու կեանքում այն բացառիկ և իւրայատուկ անձնաւորութիւնն է, որ արժանացած է մեծագոյն պատիւների, որին ընծայւած են ամենագեղեցիկ աղօքթները և ամենայայտնի տաղերն ու հոգևոր երգերն ու շարականները:  Քանի որ Աստւածամայրը եղաւ Աստծոյ օրէնքի մարմնացումը, Աստծոյ կենդանի խօսքի կրողը. եղաւ նաև Աստւածային շնորքն և օրհնութեան դրսևորողը, որով նա իր շրջապատի մէջ սփռեց՝ սէր, յոյս, հաւատք և նախանձախնդրութիւն»: 

Սրբազան Հայրը շեշտեց թէ՝ հէնց սկզբից, բոլոր կանանց մէջ ամէնից օրհնեալն և ընտրեալն է եղել Մարիամ Աստւածածինը և քրիստոնեայ եկեղեցու լուսաւոր այն տաճարը՝ որ իր մէջ բովանդակում է նաև լոյս, Աստծոյ խօսքին առընթեր: 

Իր քարոզի միւս մասում Առաջնորդ Սրբազանն աւելացրեց՝ «Երբ մեր հոգևոր հայրերը Մարիամ Աստւածածնին «Տապանակ» տիտղոսով են բնորոշում, այդ պատճառով է, որ ինքը մեզ փոխանցեց և ծնունդ տւեց Աստծոյ խօսքին՝ Քրիստոսին, ծնունդ տւեց Աստւածային օրհնութեան և եղաւ օրինակելի անձնաւորութին և հաւատքի մարմնացում»: 

Իր քարոզի վերջում, Սրբազան Հայրն ասաց՝ «Երբ այսօր մենք ուխտի ենք եկել, մեր նւիրական պարտականութիւնն է ամէն մի վայրկեան մտադրել Աստւածամայրը իր ամբողջ պատկերով և իր ամբողջ կեանքով, իր հաւատքի և սիրոյ, յոյսի, նւիրումի և զոհողութեան կեանքով, նաև երկինք բարձրացւելու իրողութեամբ:  Մտաբերենք և փորձենք այդ մտաբերումով մեր կեանքն ապրել, այն ժամանակ մենք կը լինենք Աստւածամօր իրական ու վաւերական հաւատակիցները»:

ՏՕՆԵՐ

Կրօնական Տօների Օրացոյց


Կիրակի 09 Փետրւարի 2025;
Առաջաւորաց Պահքի Բարեկենդան

Հինգշաբթի 13 Փետրւարի 2025;
Տօն՝ Յովնան մարգարէի եւ նախատօնակ Տեառն ընդառաջի

Ուրբաթ 14 Փետրւարի 2025;
Տեառնընդառաջ

Շաբաթ 15 Փետրւարի 2025;
Տօն Սուրբ Սարգիս Զօրավարի եւ նրա որդի մարտիրոսի ու 14 զինւորների

Երկուշաբթի 17 Փետրւարի 2025;
Տօն Ատովմեանց զօրավարաց

Երեքշաբթի 18 Փետրւարի 2025;
Տօն՝ Սրբոց Սուքիասեանց վկայիցն

Հինգշաբթի 20 Փետրւարի 2025;
Սրբոց Ոսկեանց

Շաբաթ 22 Փետրւարի 2025;
Տօն՝ Սրբոյն Իսահակայ Պարթեւի հայրապետին մերոյ

Երեքշաբթի 25 Փետրւարի 2025;
Ղեւոնդեանց, Տօն` Ս. Ղևոնդեանց քահանաների

Հինգշաբթի 27 Փետրւարի 2025;
Սրբոց Վարդանանց տօն

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Շաբաթ 15 Փետրւարի 2025;
Տօն՝ Սուրբ Սարգիս Զօրավարի եւ նրա որդու Մարտիրոսի

Կիրակի 16 Փետրւարի 2025;
Եսայի 63.7-18, Բ Տիմոթէոս 3.1-12։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 6.22-32

Երկուշաբթի 17 Փետրւարի 2025;
Տօն Ատովմեանց, Իմաստութիւն Սողոմոնի 6.12‐21։ Եսայի 18.7‐19.7։ Բ Կորնթացիներ 4.10‐5.5։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 16.1‐4։

Երեքշաբթի 18 Փետրւարի 2025;
Տօն՝ Սրբոց Սուքիասեանց վկայիցն

Չորեքշաբթի 19 Փետրւարի 2025;
Բ Տիմոթէոս 3.16-4.8։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 7.1-13։

Հինգշաբթի 20 Փետրւարի 2025;
Սրբոց Ոսկեանց, Առակներ 24.1‐12։ Երեմիա 30.18‐22։ Բ Տիմոթէոս 3.10‐12։ ԱՒԵՏԱՐԱՆ ԸՍՏ ՄԱՏԹԷՈՍԻ 5.1‐12։

Ուրբաթ 21 Փետրւարի 2025;
պահք, Բ. Տմ. 4.9-22։ Յհ. 7.14-23։

Շաբաթ 22 Փետրւարի 2025;
Տօն՝ Սրբոյն Իսահակայ Պարթեւի հայրապետին մերոյ

Կիրակի 23 Փետրւարի 2025;
վեցերրորդ կիրակի Սուրբ Ծննդեան,

Երկուշաբթի 24 Փետրւարի 2025;
Տօն՝ Սրբոցն Մարկոսի եպիսկոպոսին, Պիոնի քահանային, Կիւրղի եւ Բենիամինի սարկաւագացն, եւ սրբոց վկայիցն Աբդլմսեհի, Որմզդանայ եւ Սայենի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ