Կրօնական Տօն՝

Thursday, 24 August 2023

Տօն՝ Երեմիա մարգարէի

Տօն՝ Երեմիա մարգարէի

Երեմիա անունը նշանակում է« Աստւած կը բարձրացնի»։

Նա Հին Կտակարանի մեծագոյն դէմքերից է։ Ծնւել է Երուսաղէմից ոչ շատ հեռու գտնւող Անաթովթ գիւղում։ Նրա հայրը՝ Քեղկեան, քահանայ էր։
Երիտասարդ տարիքից Երեմիան Աստծու հրաւէրով կանչւում է մարգարէութեան․Աստւած ասում է նրան․« Ահաւասիկ իմ խօսքը դրեցի քո բերանը․ ահաւասիկ այսօր հեղինակութիւն տւեցի քեզ ազգերի եւ թագաւորների վրայ»։(Երեմիա Ա 4։10)

Երեմիան 23 տարի շարունակ ապաշխարութեան կոչ է անում, կանխատեսում է Երուսաղէմի եւ տաճարի կործանումը՝ որպէս հետեւանք իր ժամանակի կռապաշտութեան եւ ընկերային անարդարութիւնների։Նա իր համարձակ խօսքի համար անգամներ բանդարկւում է։
Երեմիային են պատկանում Հին Կտակարանի երկու գրքեր՝« Երեմիայի մարգարէութիւն» եւ «Ողբ Երեմիայի»որտեղ հայրենասէր մեծ մարգարէն սրտառուչ կերպով ողբում է իր ժողովրդի գլխին եկած դժբախտութիւններն ու թշւառւոթիւնները։

Երեմիա մարգարէն նաեւ մարգարէացել է Հայոց միջոցով Բաբելոնեան ուժերի համակարգը տապալւելու մասին։
Աստւած ասում է․«Դրոշ բարձրացրէք երկրի վրայ, բոլոր ազգերի մէջ փող հնչեցրէք, զօրագնդեր կանչեցէք նրա (Բաբելոնի) դէմ, նրա վրայ կանչեցէք Արարատեան թագաւորութիւններին ու Ասքանազեան գնդին»։

Նա մարգարէանում է Աստծու անջնջելի Նոր Ուխտի մասին։