Կրօնական Տօն՝

Tuesday, 08 October 2024

Տօն՝ կուսանացն Թէղկիի,Վառվառայի եւ Պեղիգեայի

Տօն՝ կուսանացն Թէղկիի,Վառվառայի եւ Պեղիգեայի

Ա) Թեկղը ապրում էր առաջին դարում եւ շատերին  ի Քրիստոս դարձի բերելու համար կոչւել է առաքելահաւասար: Ծննունդով  լինելով  Իկոնիայից , 12 տարեկան հասակում դարձի է գալիս Պօղոս առաքեալի  կողմից,որից յետոյ որոշում է չամուսնանալ եւ նւիրել իր կեանքը Աւետարանի քարոզչութեանը: Թեկղիի մայրը գանահարում է նրան եւ անհնազանդութեան պատճառով՝ մատնում այրման։ Ուժեղ յորդառատ անձրեւի միջոցով կրակը հանգչում է։Ապա Պօղոս առաքեալի հետ ուղեւորւում է Անտիօք։Այստեղ Քրիստոնէութեան քարոզչութեան համար մատնւում է գազանների բզկտմանը,բայց նրանք ձեռք չեն տալիս նրան։ Այնուհետեւ Թեղկին առանձնանում է Իասվրեան Սելեւկիայի մօտակայքում գտնւող մենաստանում եւ ճգնողական կեանքով ձեռք բերեում  հրաշագործութեան շնորհ։ Մահանաում է կեանքի  90-ամեայ հասակում, բնական մահով։

Բ) Վառվառայ կոյս

  Ապրել է շուրջ 306 թւականին, նահատակւել է Մաքսիմիանոսի ժամանակ Փիւնիկեան Իլիոպոլիս քաղաքում։ Հեթանոսի դուստր Վառվառան,ծանօթանալով Քրիստոնեաների հետ, նրանցից մկրտութիւն է ընդունում։Զայրացած հայրը նրան մատնում է տանջանքների։ Տեսնելով Վառվառայի տանջանքները, քրիստոնեայ Յուլիանէն բացայատօրէն մեղադրում է տանջողներին դաժանութեան մէջ, որի համար ենթակւում է սարսափելի  տանջանքների,իսկ այնուհետեւ գլխատւում։ Վառվառան գլխատւում է սեփական հօր կողմից ։ Շուտով նա եւս դաժանասիրտ դատաւորը այրւում են կայծակից։

Գ) Պեղագիա Տարսոնացի

     Ապրել է 290-ական թւերին, նահատակւել է Դիոկղետիանոսի ժամանակ Կիլիկիան Տարսոն քաղաքում։ Հաւատալով Քրիստոսին՝ հրաժարւում է ամուսնանալ կայսրի ժառանգորդ եւ որդեգիր հեթանոսի հետ։ Իր յոյսերի մէջ խաբւած լինելով՝ նրա մայրը Դիոկղետիանոսի դատին է յանձնում կոյսին, որը առաջարկում է նրան  դառնալ կայսրուհի։ Մերժում ստանալով հրամայում է շիկացած երկաթէ ցուլի վրայ այրել նրան։