Սրբազան Հայր՝ «Դուք սիրելի սկաուտներ, ձեր տունն էք եկել, որովհետեւ եկեղեցին մեր տունն է, որտեղ մենք առիթ ենք ունենում Աստծու հետ խօսելու»

Ուրբաթ 4 դեկտեմբեր 2015-ի առաւօտեան Հ. Մ. Արարատ Կազմակերպութեան Սկաուտական Միաւորի նախաձեռնութեամբ Միաւորի սկաուտների մի խումբ (50 հոգի), Ս. Սարգիս եկեղեցին եկան, ներկայ գտնւեցին Ս. պատարագին եւ ստացան Ս. հաղորդութիւն:

Թեմիս առաջնորդ Գերշ. Տ. Սեպուհ Ս. Արք. Սարգսեան, ուրբաթ օրւայ իր քարոզի մէջ, ջերմօրէն ողջունեց սկաուտների ներկայութիւնը, գնահատեց պատասխանատուներին յաւելելով որ «Դուք սիրելի սկաուտներ ձեր տունն էք եկել, որովհետեւ եկեղեցին մեր տունն է, որտեղ մենք առիթ ենք ունենում Աստծու հետ խօսելու»:

Պատարագից յետոյ Սրբազան հայրը Առաջնորդարանի դահլիճը հրաւիրեց սկաուտներին, իր ուրախութիւնը յայտնեց իրենց եկեղեցի եւ Ազգային Առաջնորդարան գտնւելու առիթով, ասելով որ ինքն էլ ժամանակին սկաուտ է եղել եւ շատ բան է սովորել սկաուտական կեանքից. ապա Սրբազանը բոլորին մէկական «Աստւածաշունչը Ամենափոքրիկներին» գրքից եւ Յիսուսի կեանքից  DVD-ից բաժանեց իբրեւ քաջալերանք եւ գնահատանք:

Վերջում Սրբազան հայրը Պահպանիչ» մաղթանքով ճանապարհեց իր «հիւրերին»: