«Ա.ՄԱՆՈՒԿԵԱՆ» ԹԱՆԳԱՐԱՆՈՒՄ ՆԵՐԿԱՅԱՑՒԵՑ ԵՒ ՇՆՈՐՀԱՆԴԷՍԸ ԿԱՏԱՐՒԵՑ ԻՐԱՆԻ ԳԻՒՏԱՐԱՐՆԵՐԻ ԽՄԲԻ ՆԱԽԱԳԾԱԾ ՍԱՐՔԻ

Կիրակի թւականիս դեկտեմբերի 12-ին, «Ա.Մանուկեան» թանգարանում ներկայացւեց եւ շնորհանդէսը կատարւեց Իրանցի երեք գիւտարարներ՝ Մահմուդ Ռեզա Գորջիի, Սալար Բասիրին եւ Մարջան Հաջի Ռահիմիի միջոցով նախագծւած եւ պատրաստւած՝ Թանգարանը խելացի դարձնելու սարքի, որի միջոցով ստուգւում են պատմական իրերի եւ ձեռագիր գրքերի պահպանման համար անհրաժեշտ պայմանները: ԻՍՆԱ-ի համաձայն՝ այս գիւտը գաղափարի ստեղծման պահից 4 ամիս անց անցել է փորձարարական փուլերը, ինչպէս նաեւ գիւտերի համաշխարհային մրցոյթից երկու ոսկէ մեդալ նւաճելուց յետոյ, որպէս փորձարկման առաջին կենտրոն տեղադւել է «Ա.Մանուկեան» Ազգային թանգարանում:

Սոյն ծրագրին Թեմիս Առաջնորդ Գերշ. Տ. Սեպուհ Ս. Արք. Սարգսեանին, ընկերակցում էին Թեմական խորհրդում Թանգարանի կապ Ռաֆիկ Մելիքսէթեանը եւ Տէր Յակոբ Քհնյ. Քեշիշեանը նաեւ ներկայ էին Իրանում թանգարանների ազգային կոմիտէի ԻԿՈՄ-ի նախագահ՝ Ահմադ Մոհիթ Թաբաթաբային, Իրանի պատմական եկեղեցիների պետական կենտրոնի տնօրէնուհի Շերլի Աւետեանը նաեւ «Ա.Մանուկեան» թանգարանի տնօրէնուհի Ալիս Շահմուրադեանը եւ աշխատակցուհի Սէրինէ Ռոստամլուն:

Համավարակային պայմաններում առողջապահական պրոտոկոլները յարգելու բերումով, տարբեր ժամերի կտրւածքով, թանգարան այցելեցին պետական հիւրեր նաեւ Ժնեւից՝ գիւտարարների համաշխարհային Ֆեդերացիայի գլխաւոր քարտուղարի տեղակալ դոկտ. Մասուդ Թաջբախշը:

Թեմակալ Առաջնորդը մեծապէս գնահատեց մտայղացումն եւ իրագործւած աշխատանքը ընդգծելով, որ դա արդիւնքն է Իրանում պատմամշակութային արժէքների նկատմամբ ցուցաբերւած ուշադրութեան:

Ազգային Առաջնորդարանի Հանրային Կապ