Թւականիս դեկտեմբեր 27 եւ 28-ին ընթացքին Իրանի իսլամական հանրապետութեան կարգապահական ուժերի յատուկ ջոկատայինները Սուրբ Ծննդեան եւ Ամանորի առիթով իրենց հրամանատարութեան եւ հոգեւոր քաղաքական կազմակերպութեան պատասխանատուների ընկերակցութեամբ այցելեցին Սուրբ Աստւածածին եւ Սուրբ Սարգիս Մայր եկեղեցի, որոնց ընդունեցին Արժ. Տ. Յակոբ Քահանայ Քէշիշեանն ու Արժ. Տ. Գրիգորիս Քահանայ Ներսէսեանը:
Քահանայ հայրերը իրենց հերթին բարեգալստեան մաղթանքներից յետոյ անդրադարձան այն իրողութեան, որ Իրանի Իասլամական հանրապետութիւնում բոլոր կրօնների հետեւորդներն ու ժողովուրդները հակառակ իրենց տոհմական եւ հաւատալիքների տարբերութիւնների, եղբայրաբար ապրելով ամբողջ աշխարհում հանդիսանում են որպէս սիրոյ, փոխընբռման եւ փոխզիջման ռահվիրաներ: Ազգային առաջնորդարնի հանրային կապի հոգեւոր խորհրդատու Արժ. Տ. Գրիգորիս Քահանայ Ներսէսեանը ի շարս իր խօսքերի, Սուրբ Սարգիս եկեղեցում կատարւած այցելութեան ընթացքին, կառոյցիս կողմից շնորհակալութիւն յայատնեց կարգապահական ուժերի ներկայացուցիչներին մեր ազգային եւ կրօնական տօների ընթացքին մեզ պարգեւաց անվտանգութեան համար: Քահանայ հայրը նաեւ ակնարկելով Իրան Իրաք պատերազմի ընթացքին համայնքիս կատարած ներդրումներին, ասաց՝ Հայ նահատակները եւ անձնուրացներն Իրանեան հայրենիքի հողային ամբողջականութիւնը իրենց նպատակակէտը դարձնելով, առաջնագծում յայտնւելով սխրանքներ են գործել ու իրենց կեանքն ու առողջութիւնն զոհելեն ի խնդիր իրենց հայրենակիցների ապահովութեան: Նա յաւելեց, որ եւ է արտաքին թշնամի այդ միսանականութիւնը տեսնելով երբեք չի համարձակւելու վտանգել Իրանի հողային ամբողջականութիւնը:
Վերջում ակնարկեց այն իրողութեան, որ Քրիստոնեայ համայնքի ի մասնաւորի հայ ժողովրդի Իրանաում կատարած ծառայութիւնների եւ անձնազոհութիւնների դրդապատճառը Քրիստոսի կողմից մեզ կտակւած նոր պատւիրանն է եղել, որը ասում է Աւելի մեծ սէր ոչ ոք չունի, քան այն, որ մէկն իր կեանքը տայ իր բարեկամների համար:
Յատուկ ջակատայինների հրմանատարն եւս իր հերթին արտայայտւելով ասաց. Բոլոր կրօնների հետեւորդների անվտանգութեան ապահովումը իրենց գերագոյն պարտականութիւնն է, քանի որ իրենց հաւատքը եւս բոլոր մարդկութեան հետ եղբայրութիւն է ակնկալում: Զոյգ այցելութիւնների աւատրին կատարւեցին բարեմաղթանքներ, որից յետոյ տեղի ունեցաւ համեստ ընդունելութիւն:
Ազգային Առաջնորդարանի Հանրային կապ
https://tehranprelacy.com/news-am/9-content-hy/news-hy/3581-2021122902?tmpl=component&print=1#sigProId140eba27df