Չորեքշաբթի թւականիս մայիսի 25-ին, Թեմական խորհրդի ատենապետ ճրտպ. Նորայր Արամեանը ընկերակցութեամբ Կրթական խորհրդի ատենապետ Ալֆրէդ Կարապետեանի, հրաւէրով՝ Իրանի Իսլ. Խորհրդարանում Թեհրանի եւ Հիւսիսային Իրանահայութեան պատգամաւոր Արա Շահվերդեանի, հանդիպում ունեցան Պատգամաւորի գրասենեակում:

Հանդիպման հիմնական օրակարգում, աշակերտութեան թւային պատկերից ելնելով, քննարկւեցին յառաջիկայ նոր ուսումնական տարեշրջանի կրթական հարցերն ու հաւանական դժւարութիւնները եւ այն միջոցները, որոնցով հնարաւոր կը լինի մասամբ մեղմացնել առկայ մտահոգութիւնները:

Նկատի ունենալով պայմաններից պարտադրւող դպրոցների վերադասաւորման հիմնահարցը նշւեց, որ հարկ է այս ուղղութեամբ առաւել քան երբեւէ խորհել եւ գործնական քայլեր ձեռնարկել:

Մատնանշւեց նաեւ դպրոցներում առկայ անհրաժեշտ շինարարական աշխատանքներին, որոնց վերահասութիւն է տրւելու ամառային արձակուրդի ընթացքին:

Ազգային Առաջնորդարանի Հանրային կապ