Իրանահայ երեք թեմերի առաջնորդներ՝ գերշ. Տ. Սեպուհ Ս. Արք. Սարգսեանի, գերշ. Տ. Սիփան Եպս. Քէչէճեանի եւ գերշ. Տ. Գրիգոր Արք. Չիֆթճեանի գլխաւորութեամբ, շաբաթ թւականիս յուլիսի 2-ին, Անթիլիասի մայրավանքում տեղի ունեցող Սրբալոյս Միւռոնի օրհնութեանը մասնակից ուխտաւորներ՝ Ի. Իսլ. Խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, Թ.Հ.Թ. Թեմական խորհրդի ներկայացուցիչ Արմէն Նազարեանը, Թեհրանի համայնքի ազգային-բարերարներից Յովսէփ Աւետեանը, ինչպէս նաեւ Սպահանի հայոց թեմի Կրօնական խորհրդի ատենապետ Զաւէն Սիմոնեանը, Լիբանանում Իրանի իսլ. հանրապետութեան դեսպանութիւն կատարած այցի ընթացքում հանդիպում են ունեցել Լիբանանում Ի.Հ. դեսպան Մոհամմադ Ջալալ Ֆիրուզնիայի հետ:
Հանդիպման ընթացքում անդրադարձ է եղել իրանահայերի ունեցած առանցքային դերակատարութեանը Իրանի կեանքի տարբեր ոլորտներում եւ ընդգծւել է Իրան-Հայաստան սերտ յարաբերութիւնների եւ համագործակցութեան կարեւորութեանը:
Ազգային Առաջնորդարանի Հանրային կապ