Սոյն թւականի հոկտեմբերի 2-ին եւ 3-ին, Կրթական խորհուրդը աշակերտների կրթական մակարդակի բարձրացման նպատակով կազմակերպել էր հանդիպում միջնակարգ օղակի աշակաերտների եւ իրենց ծնողների հետ՝ հինգշաբթի, հոկտեմբերի 2-ին «Սողոմոնեան» դպրոցի սրահում 120 հոգու մասնակցութեամբ, իսկ ուրբաթ՝ հոկտեմբերի 3-ին «Շանթ-Մարիամեան» դպրոցի սրահում 30 հոգու մասնակցութեամբ:

Կրթական խորհրդից հանդիպմանը մասնակցում էին փոխատենապետ՝ Քլարա Աղախանեանը եւ Կ.Խ. անդամ՝ Սերժ Եղիազարեանը:
Քլարա Աղախանեանը ներկայացրեց Կրթական խորհրդի մտահոգութիունը, ուսման նկատմամբ աշակերտների անտարբերութեան կապակցութեամբ եւ փոխանցեց, որ Կրթական խորհուրդը աշակերտների կրթական մակարդակի բարձրացման նպատակով ձեռնարկել է օժանդակ, կողմնակի ծրագիր:
Խորհուրդը փորձում է կրթական հաստատութիւններից մէկի հետ համագործակցելով կանգնել աշակերտների եւ ծնողների կողքին, աւելի լաւ արդիւնք ստանալու համար:
Նշելի է, որ դասերն ու քննութիւնները կազմակերպւել են 7-րդից 12-րդ դասարանի աշակերտների համար:

Ծնողները ներկայացրին իրենց մտահոգող հարցերն ու առաջարկները: Նրանց հիմնական մտահոգութիւնը նոյնպէս վերաբերում էր երեխայի դասի ու գիտութեան նկատմամբ անտարբերութեանը, հարկ եղած մղումն ու նախանձախնդրութիւնը չունենալու վերաբերեալ:

Կրթական խորհուրդը յոյս է յայտնում, որ նման ծրագրերի իրականացմամբ կը նպաստեն աշակերտների ուսման հանդէպ հետաքրքրութեան եւ մակարդակի բարձրացմանը:

Թ.Հ.Թ. ԿՐԹԱԿԱՆ ԽՈՐՀՈՒՐԴ