Երեքշաբթի երեկոյեան, սուրբ Ծննդեան տօների նախօրէին, դոկտ. Մասուդ Փեզեշքեանն այցելել է Իրան-Իրաք 8-ամեայ պատերազմի, ինչպէս նաեւ ահաբեկչական գործողութեանը զոհ գնացած երկու իրանահայ նահատակի ընտանիքներին:

Երկուշաբթի, 23 դեկտեմբեր 2024 թւականին, Ամանորի եւ Ս. Ծննդեան տօների առիթով, Իրանի Հանր. նախագահի Ռազմավարական հարցերով տեղակալ դոկտ. Ջաւադէ Զարիֆը, իր տիկնոջ եւ նրանց ուղեկցող պատւիրակութեան ընկերակցութեամբ այցելեցին Ազգ. Առաջնորդարան եւ հանդիպում ունեցան Հոգշ. Տ. Առաքել Աբղ. Գատեհճեանի, Իրանի Իսլ. խորհրդարանում իրանահայութեան զոյգ Պատգամաւորների եւ Ազգ. Իշխանութեան ու Հոգեւոր Դասի ներկայացուցիչների հետ:

Ամանորի եւ Յիսուս Քրիստոսի Ս. Ծննդեան ու Մկրտութեան տօների առիթով, երէկ՝ դեկտեմբերի 24-ի երեկոյեան, մտերմիկ հանդիպում էր կազմակերպւել Հանր. նախագահ Մասուդ Փեզեշքիանի եւ Իրանում քրիստոնեայ համայնքների՝ հայերի եւ ասորիների հոգեւոր եւ ազգային ներկայացուցիչների միջեւ:

Այսու տեղեկացնում ենք, որ նախաձեռնութեամբ՝ Թ.Հ.Թ. Թեմական խորհրդի եւ համագործակցութեան՝ Թեհրանի Կուսակալութեան (فرمانداری تهران) եւ Նոտարական գրասենեակի (ثبت احوال استان تهران)՝
համայնքիս անդամների հին ինքնաթղթերի վերանորոգման (تعویض شناسنامه قدیم)
համար յատուկ դիւրութիւն ընծայելու նպատակով, կազմակերպւել է «Սպասարկման Սեղան» (میز خدمت)

Հետեւաբար ցանկացողները կարող են՝
Շաբաթ՝ 28 դեկտեմբեր 2024 թւականին (مورخ شنبه 8 دی 1403)
Ժամը 8:30-ից 13:00-ը դիմել՝ Ազգային Առաջնորդարան

Դիմողները հարկ է իրենց հետ ունենան՝
Հին ինքնաթղթի բնօրինակը
2 հատ 3*4 չափսի նոր լուսանկար
Ընտանիքի անմիջական անդամների ազգային համարները

همراه داشتن مدارک زیر الزامی است
اصل شناسنامه قدیم
عکس 3*4 جدید (2 قطعه)
کد ملی پدر، مادر، همسر و فرزندان

Թ.Հ.Թ. ԹԵՄԱԿԱՆ ԽՈՐՀՈՒՐԴ

Թ.Հ.Թ. Թեմական խորհրդի հրաւէրով, նոյեմբեր եւ դեկտեմբեր ամիսների ընթացքին, ատենապետութեամբ Վարուժ Յովհաննիսեանի եւ ներկայութեամբ Թեմական խորհրդի դիւանի ներկայացուցիչների՝ գումարւեցին 17-րդ Պատգամաւորական ժողովի նոյեմբերի 13 եւ 26-ի նիստերում հաստատւած Ազգային մարմինների եւ Եկեղեցական խորհուրդների Անդրանիկ նիստերը, որոնց ընթացքում կատարւեցին դիւանների ընտրութիւնները եւ փոխանցւեցին ապագայ գործունէութեան ուղեցոյցերը, որոնք կարելի է ամփոփել ըստ հետեւեալի՝

Հինգշաբթի, 19 դեկտեմբեր 2024 թւականին, Պատգամաւորական Ժողովի դիւանի հրաւէրով՝ համատեղ նիստում, խորհրդակցական հանդիպում կայացաւ Թեմական խորհրդի դիւանի եւ Պատգամաւորական ժողովի Տնտեսական յանձնաժողովի հետ:

Այսու տեղեկացնում ենք, որ նախաձեռնութեամբ՝ Թ.Հ.Թ. Թեմական խորհրդի եւ համագործակցութեամբ՝ Իրաւաբանների Կենտրոնի, Պաշտօնական Փորձագէտների եւ Դատական Իշխանութեան Ընտանեկան Խորհրդատուների (مرکز وکلا، کارشناسان رسمی مشاوران خانوادۀ قوه قضائیه) կազմակերպւել է «Սպասարկման Սեղան» խորագրով ժողովրդական հանդիպում:

Հանդիպումը կայանալու է՝
Չորեքշաբթի՝ 25 դեկտեմբեր 2024 թւականին,
Առաւօտեան՝ Ժամը 10:00-ից 12:00-ը
Ազգային Առաջնորդարանում:

Ուստի համայնքիս անդամները հնարաւորութիւն ունեն, ներկայացնելու դատական ոլորտում ունեցած հարցերը եւ օգտւելու պաշտօնական փորձագէտների եւ ընտանեկան խորհրդատուների ծառայութիւններից:

Թ.Հ.Թ. ԹԵՄԱԿԱՆ ԽՈՐՀՈՒՐԴ

Այսու Թեհրանի թեմի մեր հաւատացեալ ժողովրդի զաւակներին յայտնում ենք, որ յառաջիկայ երեքշաբթի 24 դեկտեմբեր 2024 թւականին, Սրբոյն Ստեփանոսի նախասարկաւագի եւ առաջին մարտիրոսի տօնն է: Այս տօնը մեր թեմում յայտարարւած է որպէս Սարկաւագաց եւ դպրաց դասերի օր:

Արդարեւ, երեքշաբթի 24 դեկտեմբեր 2024-ի առաւօտեան Ս. Գէորգ Եկեղեցում հանդիսաւոր Ս. պատարագ է մատուցւելու:
Սկիզբ ժամերգութեան ժամը 9:00
Սկիզբ ս. պատարագի ժամը 10:00
Քարոզ ժամը 11:00

Յաւարտ Ս. պատարագի տեղի է ունենալու հոգեհանգստեան յատուկ արարողութիւն ի տէր հանգուցեալ սարկաւագների, դպիրների եւ երգեցիկ խմբերի հանգուցեալ անդամ-անդամուհիների հոգիների խաղաղութեան համար:

Մեր հաւատացեալ ժողովրդի զաւակներին հրաւիրում ենք, ներկայ լինելու Ս. պատարագին, հաղորդւելու համար Ս. Ստեփանոսի նահատակութեան խորհուրդով:

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Հինգշաբթի, 19 դեկտեմբեր 2024 թւականին, Ազգային Առաջնորդարան այցելեցին Հայաստանից Թեհրան ժամանած՝ Yerkir.am-ի գլխաւոր խմբագիր՝ Վահէ Սարգսեանը, Politik.am-ի գլխաւոր խմբագիր՝ Բորիս Մուրազին, 24News.am-ի գլխաւոր խմբագիր՝ Նարեկ Գալստեանը, TV5-ի լրատւական բաժնի գլխաւոր խմբագիր՝ Մարիաննա Ղահրամանեանը, ABC Media-ի գլխաւոր խմբագիր՝ Բեթխեհէմ Արաբեանը եւ օպերատոր՝ Սերոպ Չերչէքեանը:

Երկուշաբթի, 16 դեկտեմբեր 2024 թւականին, Ի. Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը ընկերակցութեամբ Թեմական խորհրդի ատենապետ Վարուժ Յովհաննիսեանի պաշտօնական հանդիպում է ունեցել Կրթադաստիարակչութեան նախարար՝ դոկտ. Ալիրէզա Քազէմիի հետ: