Շաբաթ, 22 յուլիս 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց ՀՀ «Պարի եւ սպորտային պարերի համահայկական խորհրդի» նախագահ Մարիաննա Մամեանին եւ գլխաւոր քարտուղար Սաթի Աթոյեանին, ընկերակցութեամբ «Զարթօնք» պարախմբի ղեկավար Լորետա Աւետիսեանի:
Շաբաթ, 22 յուլիս 2023 թւականի երեկոյեան, Ազգ. Առաջնորդարանի դահլիճում Թեմական խորհրդի հրաւէրով՝ ատենապետութեամբ ճրտպ. Նորայր Արամեանի եւ ներկայութեամբ Ի. Իսլ. Խորհրդարանում Թեհրանի եւ Հիւսիսային իրանահայութեան պատգամաւոր Արա Շահվերդեանի հանդիպում կայացաւ Համահայկական 8-րդ ամառային խաղերի Գործադիր յանձնախմբի հետ:
ԽՈՐՀՐԴԱԿՑՈՒԹԵԱՆ ԸՆԹԱՑՔԻՆ ԲՈԼՈՐ ՄԱՍՆԱԿԻՑՆԵՐԸ ՆԱԵՒ ԴԱՏԱՊԱՐՏԵՑԻՆ ԱՐՑԱԽԻ ՇՐՋԱՓԱԿՈՒՄԸ
Կիրակի, 23 յուլիս 2023 թւականի երեկոյեան, Սաման ընկերութեան շէնքում կայացաւ միաստւածեան կրօնների մամլոյ ասուլիսը, որի ընթացքին դատապարտւեց կեղծ խօսքի ազատութեան պիտակի տակ կրօնների սրբութիւնների հանդէպ անյարգալից վերաբերմունքը ու նաեւ Պաղեստինում եւ Արցախում Սիոնիստական վարչակարգի անմարդկային վարած քաղաքականութիւնը։
Կիրակի 23 յուլիս 2023-ին, Կրօնական արարողութիւնից յետոյ, Ազգային Առաջնորդարանի դահլիճում, գլխաւորութեամբ Թեմիս Առաջնորդ Գերշ․ Տ․ Սեպուհ Ս․ Արք․ Սարգսեանի տեղի ունեցաւ մամլոյ ասուլիս՝ ի դատապարտութիւն Շւէդիայում Ղուրանի այրման անյարիր գործողութեան։
կիրակի 23 Յուլիս 2023-ին, յընթացս Ս. եւ Անմահ պատարագի Թեհրանի մեր բոլոր եկեղեցիներում, ընթերցւեց Ս. Աթոռիս Վեհափառ Հայրապետ Ն.Ս.Օ.Տ.Տ. Արամ Ա. կաթողիկոսի Կոնդակը՝ նւիրւած Հայ եկեղեցու մեծանուն Հայրապետ Ս. Ներսէս Շնորհալու վախճանման 850-ամեակին:
Երեքշաբթի,18 յուլիս 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, ընկերակցութեամբ Թեմական խորհրդի ատենապետ ճրտպ. Նորայր Արամեանի, փոխատենապետ Վահէ Թարոյեանի, Հանրային կապի հոգեւոր խորհրդատու Արժ․ Տ․ Գրիգորիս Քհնյ. Ներսէսեանսի եւ Ազգ. Առաջնորդարանի դիւանապետ Զօրիկ Կարապետեանի, Իր մասնակցութիւնը բերեց դոկտ. Յովիկ Բեհբուի հեղինակած «Մահմեդականը եւ այլադաւանների ժառանգութիւնը» գրքի քննարկմանը նւիրւած նիստին:
Իսլամական մշակոյթի եւ առաջնորդութեան նախարարութեան մշակութային աշխատանքների, համագումարների եւ կազմակերպութիւնների գերատեսչութեան նախաձեռնութեամբ եւ Թեհրանի հայոց թեմի ազգային իշխանութեան համագործակցութեամբ չորեքշաբթի 19 յուլիս 2023 թւականի երեկոյեան ազգային առաջնորդարանի դահլիճում կայացաւ Աստւածային կրօնների միջեւ երկխօսութեան այս տարւայ ընթացքում երկրորդ համագումարը՝ «Աստւածային կրօնների դիտանկիւնից հաւատքը եւ հասարակութեան բարեկարգումը» խորագրով:
Չորեքշաբթի, 19 յուլիս 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց համայնքիս մի խումբ հայրենասէր կանանց ներկայացուցիչներին, ովքեր Արցախում տիրող իրավիճակից եւ ժողովրդի հանդէպ կիրառւող Ադրբէյջանի անմարդկային վերաբերմունքից ազդւած ու մտատանջ, դիմել էին Սրբազան Հօրը յանձնել տեսակէտներ պարունակող մի նամակ, Արցախին զօրակցելու եւ Արցախի անպաշտպան ժողովրդի ձայնը միջազգային կազմակերպութիւնների առջեւ բարձրացնելու ուղղութեամբ:
Չորեքշաբթի, 19 յուլիս 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց՝ շրջանաւարտ Պատգամաւորական Ժողովի Դիւանի գործօն ներկայացուցիչներ՝ պրն. Վահիկ Աղաքեանին եւ պրն. Յարութիւն Եղնազարեանին, ովքեր քաղաքավարական ացելութեամբ Սրբազան Հօրը հանդիպեցին եւ իրենց երախտագիտութիւնն ու շնորհակալութիւնը յայտնեցին վեց տարիների գործունէութեան ընթացքում Սրբազան Հօր հայրական հոգածութեան եւ խորհուրդների համար, որոնք օգտակար հանդիսացան աշխատանքների սահուն ընթացքին:
Երեքշաբթի, 18 յուլիս 2023 թւականի երեկոյեան, Ազգային Առաջնորդարանի դահլիճում գումարւեց 17-րդ շրջանի նորընտիր Պատգամաւորական ժողովի Անդրանիկ նիստը, հրաւէրով եւ նախագահութեամբ Թեմիս Առաջնորդ Գերշ. Տ. Սեպուհ Ս. Արք. Սարգսեանի: