Սիրելի հայրենակցներ, կանգնած ենք Տարեմուտի շեմին

Թեհրանի Հայոց Թեմի Պատգամաւորական Ժողովի եւ Թեմական Խորհրդի անունից շնորհաւորում ենք 2025 թւականը եւ Ս. Ծնունդն ու Աստւածայայտնութիւնը: Հայցում ենք առ Աստւած ջերմութեամբ, սիրով ու բարութեամբ լցւեն Ձեր օջախները եւ մեր համայնքը մնայ կայուն եւ հզօրանայ ու բարգաւաճի:

Այսօր մեր հայրենիքը կանգնած է մասամբ անկախատեսելի վտանգի առջեւ, որը քողարկւած է տօնական օրերի, շքեղ տօնածառի եւ զարդարանքների ներքոյ։ Հայի ամանորեայ իղձն է արցախահայութեան վերադարձը` պապենական հող եւ առաւել եւս` գերեվարւած հայորդիների ազատ արձակումը։

Այսօր աշխարհը դիմագրաւում է տագնապներ, ճգնաժամեր, հակամարտութիւններ, որոնցից տուժում է նաեւ մեր համայնքը, սիրելի Իրանն ու մեր Հայաստանը: Այսօր Լիբանանում եւ Սիրիայում մեր հայրենակիցները ծանր պահեր են ապրում, հետեւաբար մեր ազգային պարտքն է թեւ ու թիկունք կանգնել մեր հայորդիներին` դիմագրաւելու դժւարին պայմանները։

Թող անցեալում մնան բոլոր դժւարութիւններն ու հոգսերը, թող Նոր տարին նոր յաջողութիւնների ու ձեռքբերումների սկիզբ լինի, թող խաղաղութիւն ու բարօրութիւն բերի մեր հայրենիք Իրանին, Մայր Հայաստանին ու մեր համայնքին:

Շնորհաւոր Ամանոր եւ Սուրբ Ծնունդ

Թ.Հ.Թ. ՊԱՏԳԱՄԱՒՈՐԱԿԱՆ ԺՈՂՈՎ ԵՒ
Թ.Հ.Թ. ԹԵՄԱԿԱՆ ԽՈՐՀՈՒՐԴ
31 դեկտեմբերի, 2024 թ.

Այսու գրով յայտնում ենք մեր սիրելի ժողովրդի զաւակներին, որ կիրակի՝ դեկտեմբեր 29-ի երեկոյեան ժամը 18:30-ին, Մեծի Տանն Կիլիկիոյ Կաթողիկոսութեան արժանընտիր Գահակալ Ն.Ս.Օ.Տ.Տ. Արամ Ա. Վեհափառ Հայրապետը հեռաձայնային կապ է հաստատել Թեհրանի Հայոց Թեմում ծառայող Առաջնորդի օգնական Հոգշ. Տ. Առաքել Աբղ. Գատեհճեանի հետ:

Նորին Սրբութեան հեռաձայնի նպատակն էր հետաքրքրւել Թեհրանի Հայոց Թեմի Թեմակալ Առաջնորդի՝ Տ. Սեպուհ Ս. Արք. Սարգսեանի առողջութեամբ, Թեհրանի Հայոց Թեմը յուզող խնդիրներով եւ Հայր Սուրբի կատարած աշխատանքներով: Հայր Սուրբն իր կարգին Վեհափառ Հօր տեղեկութիւններ է փոխանցել Թեմակալ Առաջնորդի առողջութեան բարելաւման եւ վերջին օրերի իր կատարած ծառայութիւնների մասին: Հայր Առաքելը նաեւ ներկայացրել է թեմի դիմագրաւած մատրահրաւէրները, Նորին Ս. Օծութեան վստահեցնելով թէ՛ Թ.Հ.Թ. Պատգամաւորական ժողովի, եւ թէ՛ Թ.Հ.Թ. Թեմական խորհրդի ջանքերով ու աշխոյժ գործունէութեամբ, բոլոր մարտահրաւէրները պիտի հարթւեն: Հայոց Հայրապետը Սրբազան Հօրը շուտափոյթ ապաքինում եւ Հայր Սուրբի գործերին յաջողութիւն է մաղթել:

Կարեւորութեամբ ուզում ենք յայտնել, որ Արամ Ա Կաթողիկոսը Թեհրանի Հայոց Թեմի գործունէութեանը միշտ յատուկ ուշադրութեան է արժանացնում եւ մնայուն կերպով կապի մէջ է Թեմակալ Առաջնորդի եւ նրա օգնական Հայր Սուրբի հետ:

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Այսու ուրախութեամբ Թեհրանի Հայոց Թեմի մեր հաւատացեալ ժողովրդի զաւակներին յայտնում ենք, որ յառաջիկայ երեքշաբթի 31 դեկտեմբեր 2024-ին, Նոր Տարւայ գիշերւայ առիթով, Ս. եւ Անմահ Պատարագ պիտի մատուցւի Թեհրանի հետեւեալ եկեղեցիներում.-
Ս. Սարգիս Առաջնորդանիստ Մայր եկեղեցի
Ս. Գրիգոր Լուսաւորիչ եկեղեցի
Սրբոց Թարգմանչաց եկեղեցի
Սրբոց Վարդանանց եկեղեցի
Ս. Մարիամ Աստւածածին եկեղեցի

Հինգշաբթի, 26 դեկտեմբեր 2024 թւականին, Ազգ. Առաջնորդարանի դահլիճում տեղի ունեցաւ Նոր տարւայ դիմաւորման հանդիսութիւն եւ Ազգ. Առաջնորդարանի պաշտօնէութիւնը մտերմիկ մթնոլորտում հրաժեշտ տւեց 2024 թւականին:

Սուրբ Ծննդեան աւագ տօների շարքին է դասւում Սուրբ Ստեփանոս Նախավկայի տօնը, որի առիթով Թեհրանի Հայոց Թեմում, Թեմիս Առաջնորդ Գերշ. Տ. Սեպուհ Ս. Արք. Սարգսեանի կողմից յայատարարւեց, որպէս Սարկաւագաց, դպրաց եւ երգեցիկ խմբերի տօն։

Չորեքշաբթի, 25 դեկտեմբեր 2024 թւականին, Ազգ. Առաջնորդարան այցելեցին պաշտօնական այցով Թեհրան ժամանած՝ Խորվաթիայի մեծ մուֆթի Ազիզ Հասանովիչի գլխաւորած պատւիրակութիւնը՝ ուղեկցութեամբ Իսլամական մշակոյթի եւ հաղորդակցութեան կազմակերպութեան եւ Իսլամական խմբաւորումների մերձեցման կազմակերպութեան ներկայացուցիչների:

Չորեքշաբթի, 25 դեկտեմբեր 2024 թւականին Ազգ. Առաջնորդարանի դահլիճում տեղի ունեցաւ Թ.Հ.Թ. Թեմական խորհրդի եւ Իրաւաբանների կենտրոնի, Պաշտօնական փորձագէտների եւ Դատական իշխանութեան ընտանեկան խորհրդատուների (مرکز وکلا، کارشناسان رسمی مشاوران خانوادۀ قوه قضائیه) համագործակցութեամբ նախաձեռնւած՝ «Սպասարկութեան սեղան» խորագրով ժողովրդական հանդիպումը, որի նպատակն էր անվճար խորհրդատւութեամբ նպաստել հայրենակիցների իրաւաբանական հարցերի կարգաւորմանը:

Ֆաթեմէ Մոհաջերանին հինգշաբթի՝ դեկտեմբերի 26-ին, Ամանորի եւ Սուրբ Ծննդեան տօների առիթով այցելել է իրանահայ առաջին նահատակ Զօրիկ Մուրադեանի մօրը՝ Կատարինէ Հոնրաչեանին։

Երեքշաբթի երեկոյեան, սուրբ Ծննդեան տօների նախօրէին, դոկտ. Մասուդ Փեզեշքեանն այցելել է Իրան-Իրաք 8-ամեայ պատերազմի, ինչպէս նաեւ ահաբեկչական գործողութեանը զոհ գնացած երկու իրանահայ նահատակի ընտանիքներին:

Երկուշաբթի, 23 դեկտեմբեր 2024 թւականին, Ամանորի եւ Ս. Ծննդեան տօների առիթով, Իրանի Հանր. նախագահի Ռազմավարական հարցերով տեղակալ դոկտ. Ջաւադէ Զարիֆը, իր տիկնոջ եւ նրանց ուղեկցող պատւիրակութեան ընկերակցութեամբ այցելեցին Ազգ. Առաջնորդարան եւ հանդիպում ունեցան Հոգշ. Տ. Առաքել Աբղ. Գատեհճեանի, Իրանի Իսլ. խորհրդարանում իրանահայութեան զոյգ Պատգամաւորների եւ Ազգ. Իշխանութեան ու Հոգեւոր Դասի ներկայացուցիչների հետ: