Հինգշաբթի, 19 դեկտեմբեր 2024 թւականին, Ազգային Առաջնորդարան այցելեցին Հայաստանից Թեհրան ժամանած՝ Yerkir.am-ի գլխաւոր խմբագիր՝ Վահէ Սարգսեանը, Politik.am-ի գլխաւոր խմբագիր՝ Բորիս Մուրազին, 24News.am-ի գլխաւոր խմբագիր՝ Նարեկ Գալստեանը, TV5-ի լրատւական բաժնի գլխաւոր խմբագիր՝ Մարիաննա Ղահրամանեանը, ABC Media-ի գլխաւոր խմբագիր՝ Բեթխեհէմ Արաբեանը եւ օպերատոր՝ Սերոպ Չերչէքեանը:
Երկուշաբթի, 16 դեկտեմբեր 2024 թւականին, Ի. Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը ընկերակցութեամբ Թեմական խորհրդի ատենապետ Վարուժ Յովհաննիսեանի պաշտօնական հանդիպում է ունեցել Կրթադաստիարակչութեան նախարար՝ դոկտ. Ալիրէզա Քազէմիի հետ:
Շաբաթ, 14 դեկտեմբեր 2024 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր բնակարանում ընդունեց այցելութիւնը՝ Ի. Իսլ. Հ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանի:
Հինգշաբթի եւ ուրբաթ, թւականիս դեկտեմբերի 12-ին եւ 13-ին, Ի. Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանի հրաւէրով, երկու առանձին այցելութիւններ կատարւեցին Ս. Աստւածածին եկեղեցի եւ շրջափակում գտնւող կենտոններ:
Այսու ուրախութեամբ մեր սիրելի ժողովրդի զաւակներին յայտնում ենք, որ Ս. Աթոռիս Վեհափառ Հայրապետ Ն. Ս. Օ. Տ. Տ. Արամ Ա. կաթողիկոսի տնօրինումով չորեքշաբթի, 11 դեկտեմբեր 2024 թւականին, Թեհրան ժամանեց Հոգշ. Տ. Առաքել Աբղ. Գատեհճեանը:
Հայր Սուրբը յառաջիկայ տօնական օրերին կը պատարագի եւ մասնակից կը լինի Ամանորի եւ Ս. Ծննդեան ու Աստւածայայտնութեան կրօնական արարողութիւններին:
ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ
Ամանօրեայ եռուզեռի մթնոլորտում Թեհրանի տարբեր միութիւններ ու կենտրոններ նախաձեռնել են ցուցահանդէս-վաճառք:
Երկուշաբթի, 9 դեկտեմբեր 2024 թւականին, Ազգ. Առաջնորդարան այցելեցին Իսլամական մշակոյթի եւ հաղորդակցութեան կազմակերպութեան Կրօնների եւ մշակոյթների երկխօսութեան կենտրոնի հրաւէրով Թեհրան ժամանած՝ Ղազախստանի Հանրապետութեան մշակոյթի եւ տեղեկատւութեան նախարարութեան կրօնական հարցերի կոմիտէի տնօրէն՝ Նոկժանով Երժան Բուլատկանովիչը (رئیس کمیته امور دینی وزارت فرهنگ و اطلاع رسانی جمهوری قزاقستان), Ղազախստանի կրօնների երկխօսութեան միջազգային կենտրոնի տնօրէնի աւագ խորհրդական՝ Բոլաթ Սարսնբայֆը (مشاور ارشد رئیس مرکز بینالمللی گفتوگوی ادیان و مذاهب قزاقستان) եւ ընկերակցող պատւիրակութիւնը: Պատւիրակութեանը ուղեկցում էին՝ Իսլամական մշակոյթի եւ հաղորդակցութեան կազմակերպութեան փորձագէտ Ռաշիդ Բէյգին եւ կենտրոնի ներկայացուցիչները:
Երկուշաբթի, 9 դեկտեմբեր 2024 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանի հրաւէրով, հանդիպում կայացաւ նորանշանակ Եկեղեցական խորհուրդների ատենապետների եւ ներկայացուցիչների հետ: Սոյն հանդիպման նաեւ ներկայ էին Թեմական խորհրդում Եկեղեցական խորհրդների հետ կապ՝ պրն. Հայրիկ Աղանեանը եւ Քրիստոնէական դաստիարակութեան բաժանմունքի պատասխանատու՝ տկն. Շաքէ Եղիայեանը:
Կիրակի, 8 դեկտեմբեր 2024 թւականին, Թեհրանի հայոց թեմի բոլոր եկեղեցիներում Ս. Պատարագից յետոյ կատարւեց հոգեհանգստեան արարողութիւն, 1988 թւին Հայաստանի Սպիտակ քաղաքում աւերիչ եւ աղէտալի երկրաշարժին զոհ գնացած աւելի քան 25 հազար հայորդիների հոգիների խաղաղութեան համար:
Դեկտեմբերի սկզբին համաձայն մեր եկեղեցու ծիսական օրացոյցի՝ քրիստոնէական եկեղեցու 4-րդ դարի մեծագոյն սրբերից՝ Ս. Մինասի եւ իր նահատակակից ընկերների՝ Եւգրափոսի եւ Երմոգինէսի յիշատակի օրն է:
Սոյն տօնը համընկնում է նաեւ Վանաքի Ս. Մինաս եկեղեցու անւանակոչութեան տօնին: