Շաբաթ, 8 յուլիս 2023 թւականին, Թեմիս Առաջնորդ գերշ. Տ. Սեպուհ Ս. Արք. Սարգսեանը իր գրասենեակում ընդունեց Հայ Ճարտարապետների եւ Ճարտարագէտների Միութեան նորընտիր վարչութեան կազմի անդամներին, ովքեր եկել էին Սրբազան Հօր օրհնութիւնն ստանալու եւ խորհրդակցութիւններ կատարելու յառաջիկայ աշխատանքների մասին:
Սրբազան Հայրը ջերմօրէն ողջունեց ու շնորհաւորեց նորընտիր կազմին եւ յաջողութիւն մաղթեց իրենց աշխատանքներին միաժամանակ թելադրելով, որ հարկ է աշխատել միութեան աշխատանքների զարգացման եւ նորարարութեան ուղղութեամբ եւ առաւել ուշադրութիւն ցուցաբերել եւ քաջալերել երիտասարդ տարրը միութենական աշխատանքներում ներգրաւելու կապակցութեամբ:
Ազգային Առաջնորդարանի Հանրային կապ