Երեքշաբթի 29 օգոստոս 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, Ազգ. Առաջնորդարանի դահլիճում հանդիպում ունեցաւ Իրանի Սրբազան Պայքարի լրագրողների կազմակերպութեան փոխնախագահ՝ պրն. Սալեհիի, ընդհանուր քարտուղար՝ դոկտ. Զաքարիայի, հանրային կապի պատասխանատու՝ պրն․ Մոլաւիի, նահատակաց կազմակերպութեան գործերի համադրիչ՝ պրն. Վահիդ Սամաւաթի, նիւթականի պատասխանատու՝ պրն. Հեսամէդին Ամիր Հոսէյնիի, յատուկ ծրագրերի համդրիչ՝ պրն. Ամիր Հոսէյն Շիր Աֆքանիի եւ արարողութեան պատասխանատու՝ պրն. Էրֆան Ամիր Հոսէյնիի հետ։
Հանդիպման սկզբում Առաջնորդ Սրբազան Հայրը ողջունեց եւ յայտնեց Իր ուրախութիւնը պատւիրակութեան ներկայութեան համար նշելով, որ այցելու կազմակերպութիւնը իսլամական յեղափոխութեան սկզբից սկսեալ եղել է նաեւ իրանահայութեան սրտի խօսքի թարգմանը․ Կազմակերպութիւն, որ միշտ իրանեան հայրենիքի եւ Իրանի ժողովրդի համար է աշխատել։ Սրբազան Հայրը յաւելեց, որ ամէն տարւայ սեպտեմբերի վերջաւորութեան մեր եկեղեցին ու իրանահայութիւնը յատուկ արարողութեամբ մեծարում է Իրան-Իրաք պատերազմի նահատակներ յիշատակը, քանի որ Իրանի նահատակները երկրի հասարակութեան ամենայ ազնիւ անձնաւորութիւններն են, որոնք իրենց նոյնականացրել են հայրենի հողի հետ եւ արիւնն են յեղել հայրենիքի պաշտպանութեան Համար։
Դոկտ․ Զաքարիային եւս իր հերթին շնորհակալական արտայայտութիւններով հանդէս գալուց յետոյ, ի հաստատում Սրբազան Հօր խօսքերի՝ ներկայացրեց իրենց կազմակերպութիւնը ու բովանդակալից բացատրութիւններ տւեց իրենց կազմակերպութեան մէջ ծաւալւող սրբազան պայքարի ու դիմադրութեան պատմութեան ոլորտում ծաւալւող լրատւական, բանաւոր պատմութեան փոխանցման ու այդ ուղղութեամբ կազմակերպւած դաստիարակչան աշխատանքների շուրջ։
Նա նաեւ յայտնեց այդ ոլորտում՝ Իրանի ազգային հեռուտացուցային եւ ձայնասփիւռային կազմակերպութիւնում ներառել հայ հայրենակիցներին, Իրանի յեղափոխութեան ու նաեւ պարտադրեալ պատերազմում հայ ժողովուրդի ներդրումների պատմութիւնը փոխանցելու նպատակով։
Առաջնորդ Սրբազան Հայրը ինչպէս միշտ հայ ժողովրդին ներկայացրեց իրանեան հայրենիքի շահերի մշտնջենական պաշտպան ու յաւերժական այդ երկրի սէրը իր սրտում փայփայող ժողովուրդ եւ յոյս յայտնեց, որ Իրանը ինչպէս միշտ թեւ ու թիկունք հանդիսանայ Հայաստանին ու Արցախին, որպէսզի միասնաբար յաղթահարեն Ադրբեջանական ու Սիոնիստական վարչակարգի հակահայ եւ հակաիրանական սադրանքներին։
Այս հանդիպման նաեւ ներկայ էին, Թեմական խորհրդի ներկայացուցիչ՝ պրն․ Հայրիկ Աղանեանը եւ հանրային կապի հոգեւոր խորհրդատու՝ Արժ․ Տ․ Գրիգորիս Քահանայ Ներսէսեանսը։
Ազգային Առաջնորդարանի Հանրային կապ
http://tehranprelacy.com/news-am/9-content-hy/news-hy/4213-2023083101?tmpl=component&print=1#sigProId55424b2abe