ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ԱՌԱՋՆՈՐԴ ՍՐԲԱԶԱՆ ՀԱՅՐԸ ՀԱՆԴԻՊՈՒՄ Է ՍԱՐԴԱՐԱՊԱՏ ՔԱՂԱՔԱՄԱՍԻ ՍՐԲՈՑ ՎԱՐԴԱՆԱՆՑ ԵԿԵՂԵՑՈՒ ԺՈՂՈՎՐԴԻ ՀԵՏ

Երեքշաբթի, 26 դեկտեմբեր 2017-ի երեկոյեան թեմիս առաջնորդ Գերշ. Տ. Սեպուհ Ս. Արք. Սարգսեան Թեհրանի եկեղեցիների ծխական ժողովրդի հետ հանդիպելու շարանում, հանդիպեց Սարդարապատ քաղաքամասի Սրբոց Վարդանանց եկեղեցու ծխական ժողովրդի հետ։

Հանդիպման ներկայ էին ծուխի հոգևոր հովիւ՝ Արժ. Տ.  Մաշտոց Քհնյ. Խաչատրեանը, շրջանի պատգամաւորները, եկեղեցական խորհրդի անդամները, եկեղեցու բարերարներից պրն. Սամուէլ Առաքելեանը և նկատառելի թիւ հաւատացեալ ժողովրդից։

Եկեղեցական Խորհրդի ատենադպիր՝ տկն. Ալենուշ Բաղդասարեանը, բարի գալուստ մաղթեց և շնորհակալութիւն յայտնեց Սրբազան Հօրն իր այս նախաձեռնութեան համար:

Այնուհետև Սրբազան Հայրը նախ ողջունեց բոլորին, բացատրեց իր այս հանդիպման հիմնական նպատակը, որ ուրիշ բան չէ եթէ ոչ մօտկից կապ պահել իր ժողովրդի հետ, լսել նրանց և զրուցել նրանց հետ:

Ներկաներն անկեղծօրէն արտայայտւեցին ընդհանրապէս իրենց դիմագրաււած որոշ դժւարութիւնների մասին և հարց տւին թէ ինչպէս կարելի է մեր կեանքը փոխել և ապրել աւետարանական ճշմարտութիւններին համապատասխանող կեանք:

Ներկաներից ոմանք անկեղծօրէն արտայայտւեցին և դրական և ժխտական երևոյթների, թմրամոլութեան և հայոց դպրոցների դժւարութիւնների մասին:

Այս մտերմիկ և անկեղծ հանդիպումը տևեց շուրջ 2 ժամ: 

Նոյն օրը համընկնում էր Սրբազան Հօր Թեհրան ժամանելու 18-ամեակին: Նոյն առիթով եկեղեցու խորհուրդը մի ծաղկեկողով նւիրելով Սրբազան Հօրը, շնորհաւորեց և շնորհակալութիւն յայտնեց իր տարած բոլոր աշխատանքների համար:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com