ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

«Արարատ»-ի Երիտասարդ Բասկետբոլիստներն Ազգային Առաջնորդարանում

Կիրակի, 2018 թւի մարտի 4-ի երեկոյեան, Հ.Մ. «Արարատ» Կազմակերպութեան երիտասարդ բասկետբոլիստները, որոնք նւաճել էին Իրանի բասկետբոլի օմիդների լիգայի չեմպիոնի կոչումը, հիւրընկալւեցին Ազգային Առաջնորդարանի դահլիճում, նախագահութեամբ՝ Թեմիս Առաջնորդ՝ Գերշ. Տ. Սեպուհ Ս. Արք. Սարգսեանի:

Միջոցառմանը ներկայ էին Առաջնորդական Փոխանորդ՝ Գերշ. Տ. Մակար Ս. Եպս. Աշգարեանը, Պատգամաւորական Ժողովի, Կրօնական և Թեմական Խորհուրդների ներկայացուցիչները, Հ.Մ.Ա.Կ.-ի Կենտրոնական Վարչութեան անդամները, մարզիկները և ծնողները:

Նախ՝ բարի գալստեան և շնորհաւորական մաղթանքներով հանդէս եկաւ Թ.Հ.Թ.-ի Թեմական Խորհրդի ատենապետ՝ պրն. Ռոբերթ Բեգլարեանը: Ապա Հ.Մ.Ա.Կ.-ի կենտրոնական վարչութեան նախագահ՝ պրն. Գէորգ Վարդանեանը հակիրճ բացատրութիւններ տւեց Արարատ Կազմակերպութեան մարզանքի խմբերի աճման համար նախաձեռնւած աշխատանքների մասին: Այնուհետև Կազմակերպութեան կողմից պատրաստւած գնահատագրեր և «Սասունցի Դաւիթ»-ի մեդալիոնները, որպէս յուշանւէրներ յանձնւեցին մարզիկներին, մարզիչներին և պատասխանատուներին:

Ապա Առաջնորդ Սրբազան հայրն իր հայրական պատգամը փոխանցեց մարզիկներին և քաջալերելով իրենց, ասաց՝ «Մեկնելով ձեր մրցաշարքի անունից՝ «Օմիդ» (Յոյս), կուզեմ անդրադառնալ Լևոն Բաշալեանի «Ելդզ Քէօշքէն Երևան» պատմածքին, որում կը խօսի «Յոյս»-ի մասին: նա մեկնաբանում է, թէ այս 4 տառերով բառը, ժողովրդի և երկրների զօրութեան աղբիւր է: Յոյսը գաղափարական մարդու համար ներշնչման, զօրութեան աղբիւր է: Ահաւասիկ մեր «Յոյս» խումբն այդ գեղեցիկ զգացումը փոխանցեց մեզանից իւրաքանչիւրին, հպարտութեան, զօրութեան և դրանց արդիւնքը եղող յաղթանակի ապրումը»:

Սրբազան Հայրն իր հայրական խրատն տալով մարզիկներին, ասաց. «Երբ որևէ մէկը մի բարձր բան է նւաճում, դրա կողքին նաև պէտք է ունենայ բարոյական և հոգեկան գիտակցութիւն: Դուք նւաճեցիք մեզ համար աներևակայելին: Երբ խաղի մէջ էք, ամէն մարդ ձեզ կը նայի որպէս հայ երիտասարդ և իմ ու մեր բոլորի փափագն է, որ դուք այդ ձեր մարզանքի բարձրութեան կողքին նաև ձեր հայի արժանապատւութիւնը, պատիւը, տնից, «Արարատ»-ից ու եկեղեցուց ստացած ձեր դաստիարակութիւնը բարձր պահէք, որպէսզի մենք ձեզնով ուրախանանք և մեր ուրախութիւնն ամբողջական լինի»: «Դուք պիտի մնաք մեր մեծատառ Յոյսը: Այն յոյսը, որ անկարելին կարելիի կը վերածէ, այն յոյսը, որ ձեր առջև պատնեշւած ամէն տեսակ խոչընդոտ մի կողմ կը նետէ: Այն յոյսը, որ կը լինի նաև ուրախութեան աղբիւրը բոլորիս» եզրակացրեց Սրբազան Հայրը:

Վերջում Սրբազան Հօր ձեռամբ և յատուկ այս առիթով պատրաստւած գնահատագրեր բաշխւեցին մարզիկներին, իրենց մարզիչներին և «Արարատ»-ի մարզական պատասխանատուներին:

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com