ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ԿՈՉ ՍԻՐՈՅ ԵՒ ԶԳԱՍՏՈՒԹԵԱՆ

Իրանահայ գաղութը եւ թեհրանահայը յատկապէս խոր մտահոգութեամբ հետեւում է Հայաստանում - Երեւան եւ այլ քաղաքներում- տեղի ունեցող դէպքերին, ցոյցերին, դժգոհութեան ձայներին, որոնք արդիւնք են երկրի ներսում տեղի ունեցող դժգոհութիւններին, արդար պահանջներին։

Բնականաբար ցանկացած երկրում եւ ժողովրդի կեանքում լինում են նման երեւոյթներ։ Հայաստանը չի բացառւում այդ բոլորից, մէկ տարբերութեամբ, որ մենք իբրեւ հայութիւն, Հայաստանում, Արցախում եւ արտասահմանում կանգնած ենք այնպիսի մարտահրաւէրների առաջ, որոնք մեզանից պահանջում են համախմբւածութիւն եւ միասնակամութիւն եւ առկայ հարցերի լուծման համար՝ անկեղծ ու սրտանց երկխօսութիւն։

Այս օրերը մեզ համար նւիրական են ու սուրբ, որովհետեւ դրանք օծուն են մեր մէկ ու կէս միլիոն սուրբ նահատակների յիշատակով, հետեւաբար յանուն մեր թեմի ողջ ժողովրդի, մշակութային, ընկերային, բարեսիրական, կանանց ու եկեղեցական միութիւնների կոչ ենք անում հայրենաբնակ մեր ժողովրդի բոլոր զաւակներին անխտիր եւ յատկապէս երիտասարդութեան, ասելով, որ բաժնելով հանդերձ մեր դժգոհութիւններն ու մտահոգութիւնները մենք մեզ յիշեցնում ենք, որ ազգովին հարցեր ունենք՝ Արցախը, Արցախի պաշտպանութեան նւիրեալ բանակը, ունենք նաեւ Ապրիլեան մեր նահատակների սրբազան կտակը, մեր հայրենիքի, ամբողջական հայրենիքի սիրով տարւող մեր պահանջատիրական պայքարը։ Հետեւաբար մեր սիրոյ օրհնախառն կոչը մեր ժողովրդի զաւակներին այն է, որ խոհեմութեամբ, համբերատար զսպւածութեամբ, մեր երկրի ու ժողովրդի անվտանգութեան հեռանկարով քով-քովի գանք առանց բեւեռացումի գնալու, քանի որ Հայաստանը մեր բոլորի հայրենիքն է, այլ խօսքով, մէկ ընտանիքի ենք պատկանում եւ հետեւաբար մեր հարցերը սեղանի վրայ լուծելու հրամայականի առաջ ենք եւ ոչ թէ փողոցում։ Համախմբւենք սիրելիներ եւ միմեանց հետ երկխօսենք փոխադարձ սիրոյ, յարգանքի ու միմեանց ընդունելու սկզբունքով, մանաւանդ որ թշնամին դարանակալ հետեւում է մեր երկրում տեղի ունեցող անցուդարձերին։

Աստւածային օրհնութիւն, սէր եւ խաղաղութիւն մեր երկրին եւ ժողովրդին։

ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ
22 Ապրիլ 2018
Թեհրան

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com