ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Համբարձման Տօնակատարութիւն Թեհրանի Հայոց Եկեղեցիներում

Մեր եկեղեցու տօնացոյցի համաձայն, թւականիս հինգշաբթի մայիսի 10-ը մեր Տիրոջ Յիսուս Քրիստոսի երկինք Համբարձման տօնն էր:

Այդ ուրախ առիթով Թեհրանի եկեղեցիներում հինգշաբթի առաւօտեան մատուցւեց Քրիստոսի երկինք համբարձման տօնի առիթով սուրբ պատարագը:

Համբարձումը քրիստոնէական կրօնը իմաստաւորող և արժևորող կարևորագոյն տօներից մէկնն է, ընդ որում պարփակւում են յաւիտենական կեանքի գերագոյն եւ անխորտակելի յոյսը, Քրիստոսի երկրորդ գալստեան երաշխիքն ու մարմինների յարութեան ու երկնքի արքայութիւն մուտք գործելու բացարձակ ճշմարտութիւնը և Քրիստոսի իր հաւատացեալներին տւած լիարժէք խոստումների մեկնարկը:

Համաձայն Ս. Աւետարաններին, Քրիստոս յարութիւն առնելուց յետոյ փառաւորեալ մարմնով քառասուն օրեր երկրի վրայ մնաց, բազմիցս երևաց իր աշակերտներին, նրանց մտքերը բացեց Հին Կտակարանի Օրէնքի և մարգարէութիւնների լոյսի տակ և ապա բոլորի աչքերի առաջ Ձիթենեաց լեռից ամպերի վրայ դէպի երկինք համբարձաւ և նստեց Հօր աջ կողմում:

Այդ առիթով Ս. Սարգիս Առաջնորդանիստ եկեղեցում արարողութեան նախագահեց և յաւուր պատշաճի քարոզեց՝ Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը: Սրբազան Հայրն իր քարոզի ընթացքին շեշտեց՝ «Հրաշափառ Համբարձումը, վկայութիւնն է, որ Աստւած ինքն է աղբիւրն ամէն ինչի, սկիզբը և վախճանը: Աստւած մեզ հետ է, Յիսուսը մեզ հետ է մինչև աշխարհի վերջը: Բոլոր նրանք, ովքեր հաւատացին և ապրեցին Յիսուսի ներկայութիւնն իրենց մէջ, նրանք երբեք չվհատւեցին»:

Մի այլ բաժնում ասաց՝ «Համբարձման տօնը, մեզանից իւրաքանչիւրի համար նաև առիթ է, որ մենք մեր նայւածքները միշտ վեր բարձրացնենք, նայենք Աստծուն և միշտ հայցենք իր օրհնութիւնը, գութը, սէրը»: «Համբարձման տօնը մեր նայւածքները կենտրոնացնում է մեր երկնային Աստծու և երկնային ճշմարտութիւնների վրայ, այն յոյսով և հաւատքով, որ մենք էլ մի օր պիտի արժանանաք իր տեսութեան, իր օրհնութեան և շնորհքին և դրանցով զօրացած պիտի փառաւորենք զինքը» աւարտեց Սրբազան Հայրը:

Պատարագի աւարտին բոլոր եկեղեցիների եկեղեցական խորհուրդները պատրաստել էին Համբարձման յատուկ հիւրասիրութեան սեղաններ, որոնք օրհնւելուց յետոյ հրամցւեցին եկեղեցիների բակում հաւաքւած ժողովուրդին:

Պատրաստւել էին նաև ջանգիւլումներ, որոնք մեծ խանդավառութեամբ կիրառւեցին համաձայն մեր ժողովրդական աւանդութեան:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com