ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Տօնակատարութիւն Հայաստանի Հանրապետութեան Հռչակման 100-ամեակի առիթով Հ.Մ.«Սիփան» Միութեան «Նորայր Էլսայեան» մարզադահլիճում

 

Երկուշաբթի մայիսի 28-ին, Հ.Մ. «Սիփան» միութեան «Նորայր Էլսայեան» մարզադահլիճը տօնական բարձր տրամադրութեամբ ունկնդրեց միութեան հայ դատի յանձնախմբի, Հայաստանի Հանրապետութեան անկախութեան հռչակման 100-ամեակի առիթով կազմակերպւած գեղարւեստական ձեռնարկը:

Երեկոն մեկնարկեց «Իմ հայրենիք» հիմներգը, միութեան «Կոմիտաս» երգչախմբի կատարմամբ:

Լուսինէ Միքայիլեանի ղեկավարութեամբ միութեան «Կոմիտաս» երգչախումբը ներկայացրեց նաև ազգային երգերի մի փունջ՝ «Գետաշէն» և «Հպարտ գնացէք»-ը: Երգչախմբին դաշնամուրի կատարմամբ ընկերակցեց տկն. Լուիզա Աւետիսեանը:

Բարիգալստեան և բացման Խօսքով հանդէս եկաւ Արգին Արիստակէսեանը, որը ներկայացրեց թեհրանահայ բանաստեղծ՝ Վարանդի խօսքը, նւիրւած Մայիս 28-ի 100-ամեակին:

Ասմունքային կատարումներով հանդէս եկան Թանիա Մինասենաը, որը ներկայացրեց Գէորգ Էմինի «Սիամանթոյի մենախօսութիւնները»:

«Հայաստան» և «Pregume» երգերի կատարմամբ ելոյթ ունեցաւ Նոր Ջուղայի «Կոմիտաս» երիտասարդական երգչախմբի երգչուհի՝ Վանա Շիրւանեանը:

Օրւայ առիթով հանդէս եկաւ «Ալիք» հաստատութեան ներկայացուցիչ՝ Սուրիկ Աբնուսեանը, որը շնորհաւորեց «Տօների Տօնը»՝ մայիս 28-ը, Հայաստանի առաջին հանրապետութեան 100-ամեակը, հայ ժողովրդին ու համայն աշխարհին: Նա իր շնորհաւորանքի խօսքն ուղղեց նաև համայն մարդկութեան, Հայաստանի հանրապետութեան, տարածաշրջանում դեմոկրատ-սոցիալական երկրի կերտման կապակցութեամբ, շեշտելով՝ «Սարդարապատի և մայիսեան յաղթանակաների արդիւնքում ծաղկեց ու զարգացաւ հայ մտաւորականութիւնը, ժողովրդին ուսուցանելով տոկունութիւն, Ինքնավստահութիւն և իրաւունքների պաշտպանութիւն: Հայ ժողովուրդը կարողացաւ էութիւն ստանալ, ինքնութիւն կերտել ու դառնալ ինքնուրոյն»:

Գեղարւեստական բաժինը շարունակւեց Լոռետա Աւետիսեանի ղեկավարութեամբ, Հ.Մ. «Սիփան» Միութեան պարախմբի «Արցախ» պարի կատարմամբ:
Ասմունքային կատարումներով հանդէս եկան Ալինա Տէր Սուքիասեանն ու Լեռնիկ Ծատրեանը, որոնք ներկայացրին Վարանդի՝ «Սլակ առաջին» և «Սլակ հինգերորդ»-ը:

Միութեան էստրադային նւագախմբի նւագակցութեամբ հնչեց «Հայաստան-Արցախ-Սփիւռք» երգը, որը կատարեց Ռոմիկ Ազիզեանը, «Երկիր Նայիրի» երգը կատարեց Նորիկ Ղարաբէգեանը, իսկ երեկոն ճոխացրեց «Դրօ»-ի երգի միասնական կատարումը:

Բեմ հրաւիրւեց Առաջնորդական փոխանորդ Գերշ. Տէր. Մակար Սրբ. Աշգարեանը օրւայ առիթով արտայայտւելու:

Սրբազան հայրը շնորհաւորելով մայիսի 28-ը, ազատութիւնը որպէս Աստծուց տրւած իրաւունք համարեց, ճշմարիտ պահանջ, որը իրագործւեց ժամանակի հերոսների հայրենիքի նկատմամբ ունեցած սիրոյ, Աստծու նկատմամբ ունեցած հաւատքի, ապագայի նկատմամբ ունեցած յոյսի շնորհիւ:

Սրբազան Հայրը կարևորելով իւրաքանչիւրի մօտ Մայիսեան յաղթանակի ոգու դրսևորումը և գոյատևումը, ընդգծեց, որ Մայիսեան յաղթանակը հայ ժողովրդի ազատատենչ ոգու դրսևորումն էր: Ապա շեշտեց՝ կառչած մնալով մեր նախնիներից ստացած արժէքներին, պէտք է շարունակենք նոյն ուղին, պահպանելով ու բարգաւաճելով ժառանգած հարստութիւնը:

Հ.Մ. «ՍԻՓԱՆ» Միութիւն

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com