ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ՔՐԻՍՏՈՍԻ ԱՅԼԱԿԵՐՊՈՒԹԵԱՆ ՏՕՆԸ ԹԵՀՐԱՆԻ ԵԿԵՂԵՑԻՆԵՐՈՒՄ

Կիրակի 8 Յուլիս 2018-ի առաւօտեան Թեհրանի բոլոր եկեղեցիներում մատուցւեց հադիսաւոր Ս. պատարագ Յիսուս Քրիստոսի հրաշափառ Այլակերպութեան (Պայծառակերպութեան) տօնի առիթով։

Ս. Սարգիս Առաջնորդանիստ Մայր Եկեղեցում պատարագեց և յաւուր պատշաճի քարոզեց Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը:

Իր քարոզում Սրբազան հայրը շեշտելով թէ Յիսուս Քրիստոսի Այլակերպութեան կամ Պայծառակերպութեան տօնը, մեր ժողովրդի մեծագոյն տօներից է ասաց՝ «Եկեղեցական հայրերը, այդ տօնը մեկնաբանել են որպէս Քրիստոսի կեանքի ամենանւիրական և ամենաէական պահը, երբ Քրիստոս կամաւորապէս ինքն իրեն բացայայտեց իր աշակերտների դիմաց: Իր Աստւածային փառքը յայտնեց իրենց, հաստատելու և փաստելու, որ ինքը եկած է ոչ թէ երկրաւոր թագաւորութիւն հաստատելու, այլ եկած է, որպէսզի մարդկանց առաջնորդէ երկնքի արքայութեան»:

Սրբազան Հայրը նաև բացատրեց թէ Ս. Գրիգոր Լուսաւորիչը, քրիստոնէութեան պետականացումից յետոյ, բազմաթիւ ազգային տօներ, նոր իմաստով կապեց քրիստոնէութեան, որոնցից մէկն է Վարդավառը, այսինքն վարդերի կամ ծաղիկների տօն, որը կապւեց Պայծառակերպութեան տօնին: Ապա բացատրեց՝ «Ջուրը քրիստոնէական հասկացողութեամբ նոր իմաստ է ստացել: Ջուրը մաքրութեան խորհրդանիշ է և հետևաբար Ս. Գրիգոր Լուսաւորիչը կազմակերպեց, որ Այլակերպութեան տօնին նաև մեր ժողովրդի զաւակները ջրացան կազմակերպեն եկեղեցական արարողութիւնից յետոյ, ասելով՝ թող Աստւածային այս ջուրը սրբի քո մեղքերը, քեզ Աստւածահաճ կեանքով զօրացնի»:

Առաջնորդ Սրբազանը յորդորեց մեր ժողովրդին, որպէսզի պահպանեն թէ քրիստոնէական և թէ ազգային աւանդութիւններն ու սովորութիւնները, շեշտելով՝ «Դրանցով է, որ մի ժողովուրդ հոգեպէս հպարտանում և զօրանում է ու կապւում իր անցեալին»:

Վերջում Սրբազան Հայրը շնորհաւորելով բոլորին Պայծառակերպութեան տօնը, աղօթեց բարձրեալ Աստծուն, որպէսզի իր պայծառակերպութեամբ բոլորին պայծառակերպի և սրբի բոլոր մեղքերից:

Եկեղեցում ներկայ հաւատացեալները, մեծ թէ փոքր, Սուրբ Հաղորդութիւն ստանալուց յետոյ, արարողութեան աւարտին, Վարդավառի աւանդութիւնը վառ պահելով, խանդավառութեամբ եկեղեցիների բակում միմեանց վրայ ջուր թափեցին և ուրախ ժամեր անց կացրին: Այդ առիթով բոլոր եկեղեցիների եկեղեցական խորհուրդները պատշաճ հիւրասիրութիւն էին պատրաստել, որը օրհնւելուց յետոյ հիւրասիրւեց ժողովրդին:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com