Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

«Մամուլի Տարւայ» Հայրապետական Կոնդակի Ընթերցում Թեհրանի Բոլոր Եկեղեցիներում

Ուրբաթ և կիրակի, 2019-ի յունւարի 25 և 26-ին, Թեհրանի մեր բոլոր եկեղեցիներում, առաւօտեան յընթացս Ս. պատարագի ընթերցւեց Ն. Ս. Օ. Տ. Տ. Արամ Ա. Կաթողիկոսի «Հայ Մամուլ»-ի տարւան նւիրւած հայրապետական մաղթանքը:

Ս. Սարգիս առաջնորդանիստ մայր եկեղեցում սրբատառ կոնդակն ընթերցեց թեմիս Առաջնորդ՝ գերշ. Տ. Սեպուհ Ս. Արք. Սարգսեանը, իսկ Ս. Գրիգոր Լուսաւորիչ եկեղեցում այն ընթերցեց Առաջնորդի օգնական՝ գերշ. Տ. Մեղրիկ Ս. եպ. Բարիքեանը:

Միւս եկեղեցիներում այն ընթերցեցին եկեղեցու քահանայ հայրերը։

Իր պատգամի մէջ Վեհափառ հայրապետը կարևորում է հայ մամուլի ունեցած դերն ընդհանրապէս մարդկութեան և այս պարագային մեր ժողովրդի կեանքում և այսօրւայ մեր իրականութեան մէջ ունեցած այժմէականութիւնը:

Այնուհետև Վեհափառն իր պատգամի մէջ թելադրում է.-
- Մեր թեմակալ առաջնորդներին, ազգային իշխանութիւններին, մեր քոյր կազմակերպութիւններին ու հայ մամուլի օրգաններին՝ հանդիսութիւնների, սեմինարների, համագումարների, դասախօսութիւնների, ցուցահանդէսների կամ հրատարակութիւնների միջոցով, լուսարձակի տակ առնել հայ մամուլի եզակի կարևորութիւնը մեր ժողովրդի կեանքում:
- Հայաստանում պետական, իսկ Սփիւռքում համայնքային պատասխանատուներին, գործնական միջոցներով նեցուկ կանգնելու հայ մամուլին, շեշտելով նրան վիճակւած բազմակողմանի դերը:
- Մեր ունևոր ազգայիններին, հայ մամուլին տրւած պատահական նւիրատւութիւններից այն կողմ, յատուկ հիմնադրամներ հաստատելու՝ հայ մամուլի արդիականացման և ընդհանրապէս վերակազմակերպման սատարող ծրագրերի իրագործման:
- Խմբագիրների ու լրագրողների պատրաստութեան ու վերաորակաւորման յատուկ դասընթացներ հաստատելու, յատկապէս Սփիւռքում: Մեծի Տանն Կիլիկիոյ կաթողիկոսութիւնը պատրաստ է նման նախաձեռնութեան դիմելու՝ գործակցութեամբ հայ մամուլի պատասխանատուների:
- Մեր ժողովրդի բոլոր զաւակներին, հեռու մնալու կայքէջերի միջոցով հրամցւող ընհանրապէս անորակ ու անդիմագիծ մամուլից և իրենց ամուր կապւածութիւնը գործնապէս արտայայտելու տպագիր հայ մամուլի նկատմամբ, բաժանորդագրւելով և հաղորդ դառնալով նրա բովանդակութեանը:

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com