Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՍՐԲԱԶԱՆ ՀԱՅՐՆ ԻՐ ԳՐԱՍԵՆԵԱԿՈՒՄ ԸՆԴՈՒՆԵՑ ՀԱՅ ԱՒԵՏԱՐԱՆԱԿԱՆ ԵԿԵՂԵՑՈՒ ՀՈԳԵՒՈՐ ՀՈՎԻՒ ՎԵՐԱՊԱՏՒԵԼԻ ՄԻՇԷԼ ԱՂԱՄԱԼԵԱՆԻՆ

Նկատի ունենալով պայմանների թելադրանքով դպրոցների վերադասաւորման յոյժ կարեւոր եւ այժմէական օրակարգը, ընթացիկ շրջանում Թեմական խորհրդի հիմնական մտասեւեռումն է եղել դպրոցների համակցման կապակցութեամբ Կրթական խորհրդի կողմից ուսումնասիրւած եւ ներկայացւած ծրագրի գործնական փուլին մօտեցման աշխատանքների իրագործումը, որի համար կեանքի է կոչւել Թեմական եւ Կրթական խորհուրդների ներկայացուցիչների մասնակցութեամբ յանձնախումբ, որը հետամուտ է եղել գործընթացին:

Դպրոցների վերադասաւորման ուղղութեամբ իրականացւող աշխատանքների շարանում շաբաթ, 6 մայիս 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունել է Հայ Աւետարանական եկեղեցու հոգեւոր հովիւ՝ վերապատւելի Միշէլ Աղամալեանին եւ իրեն ընկերակցող Եկեղեցու Երէց Մասիս Վարդումեանին:

Հանդիպմանը ներկայ է եղել նաեւ Թեմական խորհրդի փոխատենապետ Վահէ Թարոյեանը:

Հանդիպման հիմնական առանցքն է եղել «Գոհար» եւ «Ն. Գիւլբենգեան» դպրոցների վերադասաւորման հարցը, մասնաւորաբար «Գոհար» դպրոցի, որը պատկանում է Հայ Աւետարանական համայնքին:

Հանդիպման ընթացքում պայմանների թելադրանքը նկատի ունենալով, ընդգծւել է դպրոցների վերադասաւորման հարցին աչալրջութեամբ հետամուտ լինելու անհրաժեշտութիւնը:

Աւելի քան մէկ ժամ տեւող հանդիպումն անցել է դրական մթնոլորտում:

Ազգային Առաջնորդարանի Հանրային կապ

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ