ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ԿՈՉ

Իրանի Քերմանշահ նահանգում տեղի ունեցած աւերիչ երկրաշարժի տուժած մեր հայրենակիցներին օգնելու համար, մասնակցեն ընդհանուր օգնութեան շտապներին, կատարելով իրենց քաղաքացիական պարտականութիւնը նիւթական եւ անհրաժեշտ իրերի տրամադրութեամբ, մարդասիրական օժանդակութիւններով։

Զօրակցենք մեր աղէտահար հայրենակիցներին մեր օժանդակութիւնները կատարելով պետութեան կողմից առաջադրւած եւ յայտարարւած հնարաւորութիւնների միջոցով։

Նիւթական նւիրատւութեան պարագային հաճեցէք բանքային հետեւեալ հաշւեհամարին մուծել ձեր գումարները`

0110547278004

شورای خليفه گری ارامنه تهران – بانک ملی شعبه اردشير کد 690

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ

ԹԵՀՐԱՆԻ ՀԱՅՈՑ ԹԵՄԻ

Խաչվերացի Տօնի Առիթով Պատարագ, Թափոր Անդաստան և աւանդական ռեհանի օրհնութիւն Արարատի Ս. Խաչ Մատուռի Շրջափակում

Տարիների գեղեցիկ աւանդութեան համաձայն, թւականիս կիրակի 17 սեպտեմբերի յետմիջօրէի ժամը 4:30-ին, Արարատ Մարզաւանի «Ս. Խաչ» մատուռի շրջափակում տեղի ունեցաւ Խաչվերացի տօնի առիթով Սուրբ և Անմահ Պատարագը: Պատարագը մատուցեց Արժ. Տ. Վրթանէս քհնյ. Բաբախանեանը: 

Կանուխ ժամերից արդէն հաւատացեալները ուղղւել էին դէպի մատուռ, և այդ առիթով մատռան շրջափակը ողողւել էր հաւատացեալներով և ուխտաւորներով: Պատարագին նախագահեց և յաւոր պատշաճի քարոզեց Առաջնորդական Փոխանորդ՝ Գերշ. Տ. Մակար Ս. Եպս. Աշգարեանը:  Արարողութեանը ներկայ էին նաև քահանայ հայրեր:

Օրւայ շարականի՝ «Որ զանառատ բազուկս քո ի խաչին տարածեցիր, Քրիստոս Աստուած մեր, և նշան յաղթութեան ետուր մեզ, սովաւ զկեանս մեր պահեա» համարից քաղւած բնաբանից մեկնելով՝  Սրբազան Հայրը խօսեց Խաչի պատմականի և նրա սրբազան խորհրդի մասին և թէ ինչպէս դա որպէս «զոհասեղան» իր վրայ ընդունելով աստւածային անմեղ Գառան՝ Քրիստոսի մարմնի պատարագումն ու անգին արեան հեղումը, նա Քրիստոսի զոհագործութեամբ և փրկագործութեամբ համայն հաւատացեալների և մարդկանց համար դարձաւ յաղթանակի, փառքի, զօրութեան, կեանքի, պաշտպանութեան ու առաջնորդութեան նշան, իսկ հայերիս համար ևս առաւել՝ պարծանքի և հպարտութեան, վերականգնութեան ու ազատութեան, յարութեան, յաւերժութեան, անմահութեան ու յաւիտենական կեանքի կնիք և խորհրդանիշը:

«Ս. Խաչի առջև ծնկի գալով երկրպագում ենք, հաւատով այն մեր կրծքերի վրայ ենք կախում, մեր երեսն ենք խաչակնքում, դրանով զօրացած՝ վկայում ենք մեր հաւատի հիմնադիր՝ Քրիստոսի մեր սիրոյն յանձն առած զոհողութիւնը, խաչի ճամբով մեզ փրկելը, նրա անսահման սէրը, ներողամտութիւնը, խոնարհութիւնը, զոհողութիւնն ու ինքնուրացութիւնը, որով յատկանշւելու է նաև իւրաքանչիւր քրիստոնեայ հաւատացեալի կեանքը» ասաց Սրբազան Հայրը: Նա իր քարոզում անդրադարձաւ նաև քառաթև խաչի իմաստների մասին և աւարտին էլ աղօթքով Աստծուց հայցեց Ս. Խաչի պաշտպանութիւնն ու զօրութիւնը հայ ազգի բոլոր զաւակների համար:

Պատարագի աւարտին մատուռի կողքին բուրումնաւէտ ռեհաններով զարդարւած սեղանի շուրջ կատարւեց երեկոյեան հանդիսաւոր անդաստան թափորը, որի ընթացքին նաև տեղի ունեցաւ աւանդական ռեհանի օրհնութիւնը:

Վերջում Հ.Մ. Արարատ Կազմակերպութեան Մատուռի յանձնախումբը կազմակերպել էր համեստ ընդունելութիւն ներկայ հաւատացեալների համար:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com