ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ԿՈՉ

Իրանի Քերմանշահ նահանգում տեղի ունեցած աւերիչ երկրաշարժի տուժած մեր հայրենակիցներին օգնելու համար, մասնակցեն ընդհանուր օգնութեան շտապներին, կատարելով իրենց քաղաքացիական պարտականութիւնը նիւթական եւ անհրաժեշտ իրերի տրամադրութեամբ, մարդասիրական օժանդակութիւններով։

Զօրակցենք մեր աղէտահար հայրենակիցներին մեր օժանդակութիւնները կատարելով պետութեան կողմից առաջադրւած եւ յայտարարւած հնարաւորութիւնների միջոցով։

Նիւթական նւիրատւութեան պարագային հաճեցէք բանքային հետեւեալ հաշւեհամարին մուծել ձեր գումարները`

0110547278004

شورای خليفه گری ارامنه تهران – بانک ملی شعبه اردشير کد 690

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ

ԹԵՀՐԱՆԻ ՀԱՅՈՑ ԹԵՄԻ

Հանդիսաւոր Հոգեհանգիստ Իրան-Իրաք Պարտադրեալ Պատերազմի Հայ Նահատակների Հոգիների Խաղաղութեան Համար

Իրան-Իրաք պարտադրեալ պատերազմի երեսունեօթամեակի առթիվ եւ ի յարգանք մեր նահատակների, ուրբաթ 6 հոկտեմբեր 2017-ին առաւօտեան Ս. Սարգիս առաջնորդանիստ մայր եկեղեցում, պատարագի աւարտին տեղի ունեցաւ հոգեհանգստեան յատուկ արարողութիւն Իրան-Իրաք պարտադրեալ պատերազմի հայ նահատակների հոգիների խաղաղութեան համար:

Կրօնական արարողութեանը նախագահեց եւ այդ առիթով քարոզեց թեմիս Առաջնորդ Գերշ. Տ. Սեպուհ Ս. Արք Սարգսեանը:

Հոգեհանգստեան արարողութիւնից առաջ թեմակալ առաջնորդը իր քարոզի ընթացքին կարևորելով հոգևոր արժէքների պահպանման անհրաժեշտութիւնը նշել է. «Այսօր հոգեհանգստեան արարողութիւն ենք մատուցում Իրան-Իրաք պարտադրեալ պատերազմի ընթացքին նահատակւած մեր հայ զինւորների  և իսլամական յեղափոխութեան յաղթանակի տարիների թոհ ու բոհի ընթացքում զոհւած  մեր նահատակների հոգիների խաղաղութեան համար»: Թեմակալ առաջնորդն ընդգծել է. «Եթէ մեր նահատակները ընկան պատերազմի դաշտում յանուն հայրենիքի, դա նշանակում է, որ նրանք  իրենց հոգին նոյնացրել են այդ հայրենիքի հետ: Աշխարհում ամենից նւիրական սրբութիւնը հայրենիքն է, որովհետեւ հայրենիքն է որ ազգն ու ժողովուրդը պահում ու պահպանում է: Երբ անձը զոհւում է յանուն հայրենիքի դառնում է հայրենիքի սեփականութիւն: Իրան-Իրաք պարտադրեալ պատերազմի նահատակները ազգի նահատակներն են և ազգի արժէքն են»: Սրբազան Հայրը կարևորել է նաեւ Իրանի նկատմամբ հայ ժողովրդի տածած դարաւոր սէրը և յարգանքը: 

Պատարագից յետոյ, պատերազմի նահատակների ընտանիքները, անձնուրացներն ու ազատորդիները, մասնակցեցին Հ.Ուս. Չհարմահալ միութեան Յովհաննէս Թումանեան սրահում Հայ Անձնուրացների Յանձնախմբի կողմից կազմակերպւած ճաշկերոյթին:

Այստեղ նախ յանձնախմբի ատենապետ՝ Արման Բանդարին  բարի գալստեան խօսք ուղղեց ներկաներին: Ճաշելուց յետոյ, Սրբազան Հայրն իր օրհնութեան խօսքը ուղղեց ներկաներին և շեշտելով, որ միասին լինելը և միասին մտածելը մեր նահատակների մասին մեզանից իւրաքանչիւրի հոգում զօրութեան, յոյսի և հաւատքի նոր ալիք է առաջացնում: Սրբազան Հայրը շեշտեց՝ «Նահատակները մեր ազգի ամենաազնիւ տարրերն են և մի ժողովրդի ներշտնչման զուլար աղբիւրը»:

Ճաշկերոյթին ներկայ էին նաև Առաջնորդական Փոխանորդ՝ Գերշ. Տ. Մակար Ս. Եպս. Աշգարեանը, Թեմական Խորհրդի ատենապետ՝ Ռոբերթ Բեգլարեանը և նոյն խորհրդի անդամների ներկայացուցիչները, Հայ Անձնուրացների Արժէքների Պահպանման  Յանձնախմբի անդամբերը:

Ծրագրում յատուկ գնահատանքի արժանացաւ յանձնախմբի նախկին տարիների անդամ՝ Արմենակ Արթունեանը:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com