ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հանդիպում Սրբազան Պաշտպանութեան Թանգարանի Լրագրողների հետ

Շաբաթ հոկտեմբերի 6-ին, Թ.Հ.Թ.-ի Թեմական խորհրդի Հայ Անձնուրացների Յանձնախմբի նախաձեռնութեամբ, Ազգային Առաջնորդարանի գրասենեակում կազմակերպւել էր հանդիպում Սրբազան Պաշտպանութեան Թանգարանի «Սարվ» միամսեայ հրատարակութեան լրագրողների հետ:

Սոյն հրատարակութիւնը, գալիք համարներում, պարբերաբար նիւթեր է տպելու Իրան-Իրաք պարտադրեալ պատերազմի (1980-1988) տարիներին, հայ նահատակների, վիրաւորների, ազատորդիների և ընդհանրապէս պատերազմի տարիներին հայերի ունեցած դերակատարութեան մասին:

Սոյն հանդիպմանը ներկայ էին Ի.Ի. Խորհրդարանում Թեհրանի և հիւսիսային իրանահայութեան պատգամաւոր՝ դոկտ. Կարէն Խանլարեանը, պրն. Վարդան Վարդանեանը, պրն. Մուշեղ Զարգարեանը և Հայ Անձնուրացների Յանձնախմբի ներկայացուցիչ՝ պրն. Արտաշէս Իսկանդարեանը: Հանդիպման աւարտին ժողովականներին միացաւ նաև պատերազմի վիրաւոր՝ Մասիս Ասատրեանը:

Հանդիպմանը, նախ դոկ. Խանլարեանը հակիրճ բացատրութիւններ տւեց՝ տարբեր ոլորտներում իրանահայութեան դերակատարութեան մասին:

Ապա պրն. Վարդանեանը, ով պատերազմի տարիներին Ի.Ի. Խորհրդարանում Թեհրանի և հիւսիսային իրանահայութեան պատգամաւորն էր, պատմեց մասնաւորապէս պարտադրեալ պատերազմում ունեցած հայերի դերակատարութեան մասին:

Այնուհետև պրն. Մուշեղ Զարգարեանը բացատրեց պատերազմի տարիներին հայ արհեստաւորների դերակատարութեան և ծանր աշխատանքների վերաբերեալ:

Հարկ է նշել, որ պարտադրեալ պատերազմում շուրջ 17000 իրանահայեր ծառայել են Իրանի բանակում, տալով 105 նահատակներ, հարիւրաւոր վիրաւորներ և ազատորդիներ: Նոյն ընթացքում հարիւրաւոր հայ արհեստաւորներ մասնակցում էին ռազմաճակատում ընթացող տարբեր աշխատանքներին:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com