Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Խաչվերացի երեկոյեան պատարագն ու անդաստան թափորը Ս. Խաչ մատուռի շրջափակում

Ի յիշատակ Խաչի գերեդարձին Եկեղեցին հաստատեց Խաչվերացի տօնը, որ բոլոր  եկեղեցիները այն տօնում են 14 սեպտեմբերին իսկ մենք հայերս այն տօնում ենք սեպտեմբերի 14-ի ամենամօտիկ կիրակիին, երբ այն չի համընկնի կիրակի օրւան:

Արդարեւ այս առիթով, սեպտեմբերի 15-ին Թեհրանի բոլոր եկեղեցիներում տեղի ունեցաւ հանդիսաւոր Ս. Պատարագ եւ յաւուր պատշաճի քարոզ:

Իսկ նոյն օրը երեկոյեան ժամը 5։00-ին Հ.Մ.Ա.Կ.-ի Ս. Խաչ մատուռի շրջափակում տեղի ունեցաւ հանդիսաւոր սուրբ եւ անմահ պատարագ։ Բազմահարիւր հաւատացեալներ մասնակցեցին սոյն պատարագին։ եկեղեցական արարողութեանը նախագահեց Թեմիս առաջնորդ՝ Գերշ. Տ. Սեպուհ Ս. Արք. Սարգսեանը ընկերակցութեամբ քահանայ հարերի։ Օրւայ պատարագիչն էր Արժ. Տ. Արիստակէս Քհնյ. Շամիրեանը։ Պատարագի երգեցողութիւնը կատարեց Թեհրանի եկեղեցիների երգեցիկ խմբերից կազմւած երգչախումբը ղեկավարութեամբ՝ տկն. Օֆիկ Մատթէուսեանի։

Առաջնորդ Սրբազան Հայրն իր քարոզի սկզբում շեշտեց մեր եկեղեցու ամենավաւերական, միջազգային ճանաչւած ու յարգւած սրբի՝ Ս. Գրիգոր Նարեկացու հետևեալ խօսքը՝ «Խաչը կենաց ծառն է և անմահութեան՝ պտուղը: Խաչն անմեղների խրատն է և մեղաւորների՝ քաւիչը: Խաչը նաւարկողների նաւահանգիստն է և ճանապարհորդների՝ Օթևանը: Խաչը Քրիստոսի փառքն է և քրիստոնեաների պարծանքը» : «Քրիստոնէութիւնը զգեստ չէ, որ մենք մեր վրայ առնենք և ձևականօրէն ասենք մեր քրիստոնեայ ենք: Քրիստոնէութիւնը կեանք է, պատիւ ու փառք է, բոլոր նրանց համար, որ հաւատքով են նայում նրան»- յաւելեց Սրբազան Հայրը:

Ապա անդրադառնալով սուրբ Խաչի խորհրդին եւ իւրաքանչիւր հաւատացեալի կեանքում նրա ունեցած դերակատարութեանը եւ ներազդեցութեանը, Առաջնորդ Սրբազանը դիմեց ներկաներին՝ «Մեր ժողովուրդը ապրել և տեսել է Խաչի զօրութիւնը և այսօր մնում է մեզ այդ ժառանգութեան տէր կանգնել, դրսի երևոյթներին չխաբւենք և այդ տիրութեամբ է, որ մենք կը շարունակենք մեր կեանքի գոյապայքարը»: «Ամրացնենք մեր հաւատքը, զօրացնենք մեր կապւածութիւնը մեր հայրենիքին, մեր արժէքներին, մեր ընտանեկան սրբութիւններին և վստահ եղէք, որ մեր երթը դէպի ապագայ անպայմանօրէն կը պսակւի յաղթանակով»- եզրակացրեց Սրբազան Հայրը:

Պատարագի աւարտին Առաջնորդ Սրբազանի գլխաւորութեամբ տեղի ունեցաւ Վերացման Ս. Խաչի անդաստան թափօրն ու աւանդական ռեհան օրհնութիւնը։ եւ յետ արարողութեան Արարատ մարզաւանի կանանց յանձնախումբը հիւրասիրեց ներկաներին։

Լուսանկարիչ՝ Ռեբեքա Վարդանեան

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com