Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՀԱՆԴԻՍԱՒՈՐ Ս. ՊԱՏԱՐԱԳ Ս. ՍՏԵՓԱՆՈՍ ՆԱԽԱՎԿԱՅԻ ՏՕՆԻՆ ԱՌԻԹՈՎ

Շաբաթ 26 դեկտեմբեր 2015-ին Սրբոյն Ստեփանոսի նախասարկաւագի եւ առաջին մարտիրոսի տօնն էր: Այս տօնը մեր թեմում յայտարարւած է որպէս Սարկաւագաց եւ դպրաց դասերի օր:

Այս առիթով, շաբաթ 26 դեկտեմբեր 2015-ի առաւօտեան, Զէյթուն քաղաքամասի Ս. Գրիգոր Լուսաւորիչ Եկեղեցում կատարւեց հանդիսաւոր ս. պատարագ:

Պատարագեց եւ օրւայ առիթով քարոզեց Թեմիս Առաջնորդ Գերշ. Տ. Սեպուհ Ս. Արք. Սարգսեանը:

Սրբազան Հայրը նշեց՝ «Սարկաւագութիւնը, որ կը յատկանշւի ծառայութեամբ, եկեղեցու բարձր աստիճաններից խոնարհագոյնն է: Սարկաւագութեան աւանդութիւնը սկսած է առաքելական շրջանին, երբ քրիստոնէական առաջին համայնքը, հոգատարութեան եւ սպասաւորութեան պաշտօնների համար, կարիք կզգայ ընտրելու եօթը սարկաւագներ: Ահաւասիկ այդ խումբի մէջ էր նաեւ Սուրբ Ստեփանոսը, որ նաեւ դարձաւ Քրիստոնէական Եկեղեցու անդրանիկ մարտիրոսն ու նահատակը: Հայ Եկեղեցին նշում է այս օրը, խոնարհութեամբ, ծառայութեամբ եւ նահատակութեամբ իր քրիստոնէական հաւատքը իրագործած առաջին վկային՝ Սուրբ Ստեփանոսի տօնը»:  «...Սուրբ Ստեփանոսի տօնը չի սահմանափակւում միայն սարկաւագներով, այլ տօնը իր մէջ է ներառում բոլոր նրանց, որոնք Նախավկայի օրինակով, տարբեր հանգամանքներով ու կերպերով ընտրած են ծառայութեան ճամբան եւ կը ծառայեն մեր եկեղեցուն ու ազգին»:

Սրբազան առաջնորդն իր քարոզի միւս բաժնում շեշտեց՝ «Յիսուսն ասում է՝ “Ո՛վ ինձ է ծառայում, իր ծառայութեան վարձքը անպայմանօրէն պէտք է ստանայ Աստծուց”»: «... ոչ թէ միայն Հայ Եկեղեցում, այլ քրիստոնէական բոլոր եկեղեցիներում էլ մեծ հանդիսութեամբ տօնւում է Ս. Ստեփանոսի տօնը»

Այս օրը համընկնում էր նաև այն օրւան, երբ 16 տարիներ առաջ, Սրբազան Հայրը, որպէս Թեհրանի Սրբազան Առաջնորդ, առաջին անգամ Թեհրան ժամանեց:  Այս առթիւ Սրբազան Հայրն արտայայտւեց՝ «Ահա 16 տարիներ է, ինչ ես ծառայում եմ և կը շարունակեմ ծառայել այնքան ժամանակ, որ Աստւած ինձ կեանք կը տայ:  Ես միշտ հայցել եմ Աստծու առաջնութիւնը և օրհնութիւնը և միշտ ասել եմ ես մի ծառայ եմ, իմ պարտականութիւնից աւելի ոչ մի բան չեմ կատարել:  Արդ խնդրում եմ, որպէսզի Աստծուն աղօթէք, որ ինձ առողջութիւն, մտքի պայծառութիւն և ուժ պարգևի, որպէսզի ձեզ հետ միասին շարունակենք ծառայել մեր թեմի ժողովրդին, որ մեր ազգի մի մասնիկն են, ուրեմն մենք կը ծառայենք մեր ողջ ազգին»:

Յաւարտ ս. պատարագի տեղի ունեցաւ հոգեհանգստեան յատուկ արարողութիւն ի տէր հանգուցեալ սարկաւագների, դպիրների եւ երգեցիկ խմբերի հանգուցեալ անդամ-անդամուհիների հոգիների խաղաղութեան համար:

Նոյն օրը երեկոյեան, Ս. Գրիգոր Լուսաւորիչ եկեղեցու խորհրդի կողմից Սուքերեան սրահում, տեղի ունեցաւ ընդունելութիւն: Ընդունելութեան ներկայ էին Թեմիս Առաջնորդ՝ Գերշ. Տ. Սեպուհ Ս. Արք. Սարգսեան, առաջնորդական փոխանորդ՝ Գերշ. Տ. Մակար Ս. Եպս. Աշգարեանը, Արժ. Տ. Վարազդատ Աւ. քհն. Քեշիշեանն ու քահանայական դասը:  Ներկայ էին նաև բոլոր եկեղեցիներ խորհուրդների անդամները, սարկաւագները, կիսասարկաւագները, բոլոր եկեղեցիների երգեցիկ խմբերը և ազգային իշխանութիւնների ներկայացուցիչները:

Վերջում նւէրներ, կրօնական օրացոյցներ եւ երանաշնորհ Զարեհ Ազնաւուրեանի հեղինակած՝ «Սերտողութիւն Մատթէոսի Աւետարան»-ը տրւեց նոր ձեռնադրւած կիսասարկաւագներին, սարկաւագներին և երգեցիկ խմբերին:

ՏՕՆԵՐ

Կրօնական Տօների Օրացոյց


Երեքշաբթի 04 Յունիսի 2024;
ՍՐԲՈՒՀԻ ՆՈՒՆԷ ԵՒ ՍՐԲՈՒՀԻ ՄԱՆԷ ԿՈՅՍԵՐԸ

Հինգշաբթի 06 Յունիսի 2024;
ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

Շաբաթ 08 Յունիսի 2024;
Սուրբ Ներսէս Մեծ Հայրապետի տօնը եւ մեր թեմում Հայրերի օր է։ Շնորհաւոր հայ «Հայրերի օր»-ը

Երեքշաբթի 11 Յունիսի 2024;
Ս․ Կոստանդիանոս կայսերի եւ նրա մօր՝ Հեղինէ թագուհու յիշատակութեան օր

Շաբաթ 15 Յունիսի 2024;
ԱՅՍՕՐ ՏՕՆՆ Է Ս. Գրիգոր Լուսաւորչի ՆՇԽԱՐՆԵՐԻ ԳԻՒՏԻ ՏՕՆ՝ ԳԻԻՏ ՆՇԽԱՐԱՑ Ս․ԳՐԻԳՈՐ ԼՈՒՍԱՒՈՐՉԻ

Երեքշաբթի 18 Յունիսի 2024;
Տօն՝ Սրբոցն Դանիէլի մարգարէին եւ երից մանկանցն` Սեդրակայ, Միսաքայ եւ Աբեդնագովի

Հինգշաբթի 20 Յունիսի 2024;
Տօն Սուրբ թարգմանիչներ՝ Սահակի եւ Մեսրոպի

Շաբաթ 22 Յունիսի 2024;
Տօն Սրբոցն Տրդատ Թագաւորի ու Աշխէն Թագուհու եւ Խոսրովիդուխտի

Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ