Անհուն ուրախութեամբ շնորհաւորում եմ իրանցի մեր հայրենակիցներին Նոր տարւայ-Նովրուզի բարեբաստիկ տօնի առիթով եւ մաղթում, որ յառաջիկայ նոր տարին Իրանի մեր ժողովրդի եւ երկրի համար լինի խաղաղութեան, սիրոյ, եղբայրութեան եւ յաջողութեան տարի:

«Ա. Աւետիսեան» ազգ. բուժարանի Խնամակալ մարմինը համայնքին մատուցող ծառայողական աշխատանքների շարանում՝ մարտ ամսւայ ընթացքին իրականացրել է հետեւեալ աշխատանքները՝

Այսու մեր սիրելի համայնքին տեղեկացնում ենք, որ երեքշաբթի՝ 4 մարտ 2025 թւականին, ատենապետութեամբ՝ Վարուժ Յովհաննիսեանի եւ ներկայութեամբ՝ Թեմական խորհրդի անդամ եւ յանձնախմբի հետ կապ՝ պրն. Հարմիկ Աւետեանի գումարւեց Թեմական Խորհրդի կողմից կեանքի կոչւած «Ա. Մանուկեան» Ազգ. Թանգարանի յանձնախմբի Անդրանիկ նիստը, Ազգ. Առաջնորդարանի դահլիճում:

Հինգշաբթի՝ փետրւարի 27-ին տեղի ունեցաւ Թ.Հ.Թ. Կրթական խորհրդի Մշակութային յանձնախմբի կազմակերպմամբ գալա համերգ՝ 2023-2024 ուսումնական տարեշրջանի մշակութային փառատօնում ասմունքի եւ երաժշտական գործիքների բնագաւառում գերազանցիկ հանդիսացած աշակերտների մասնակցութեամբ, Հայկական Բարեգործական Ընդհ. Միութեան սրահում։

Եկեղեցու տօնացոյցը յիշեցնում է մեզ, որ արդէն Մեծ պահքի սեմին ենք։

Քրիստոնէական եկեղեցու կեանքում Մեծ պահքը գեղեցկագոյն առիթն է, որ հաւատացեալներին մղում է աղօթքով, պահեցողութեամբ եւ եկեղեցական արարողութիւնների մասնակցութեամբ վերանորոգութեան եւ հաւատքի վերակենսաւորման։

Առ այդ մեծ պահոց առաջին շաբաթից, երկուշաբթի 3 մարտ 2025 թւականից սկսեալ Թեհրանի մեր բոլոր եկեղեցիներում կատարւելու է առաւօտները՝ Արեւագալի եւ երեկոները՝ Խաղաղական ու Հանգստեան ժամերգութիւններն ըստ հետեւեալ ժամանակացոյցի.-
• Արեւագալի ժամերգութիւն՝ ամէն չորեքշաբթի եւ ուրբաթ օրերին, առաւօտեան ժամը 9։00-ին.
• Խաղաղական ու Հանգստեան ժամերգութիւններ՝ երկուշաբթիից-ուրբաթ, երեկոները ժամը 5:00-ին.

Իսկ ամէն երկուշաբթի օրերին, առաւօտեան ժամը 9-ին, տեղի է ունենալու Արեւագալի ժամերգութիւն ըստ հետեւեալ ժամանակացոյցի.-
• Ս. Սարգիս եկեղեցի, երկուշաբթի, 10 մարտ 2025թ.
• Ս. Աստւածածին եկեղեցի, երկուշաբթի, 17 մարտ 2025թ.
• Ս. Գրիգոր Լուսաւորիչ եկեղեցի, երկուշաբթի, 24 մարտ 2025թ.
• Սրբ. Վարդանանց եկեղեցի, երկուշաբթի, 31 մարտ 2025թ.
• Սրբ․ Թարգմանչաց եկեղեցի, երկուշաբթի, 7 ապրիլ 2025թ.

Մեր սիրելի հաւատացեալ ժողովրդի զաւակներին կոչ ենք ուղղում, որ ներկայ լինեն վերոյիշեալ արարողութիւններին, որպէսզի մեր հայրերի ապաշխարողական աղօթքներով, շարականներով եւ հոգեւոր երգերով առաւել եւս զօրանան իրենց հաւատքում։

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Սիրելի հայրենակիցներ,

Պօղոս առաքեալը իր հռոմայեցիներին ուղղած նամակում հետեւեալ ոգեւորիչ եւ խրախուսիչ արտայայտութիւնն է անում.-«Եթէ Աստւած մեր կողմն է, ո՞վ կարող է մեզ հակառակ լինել, ո՞վ կարող է բաժանել մեզ Քրիստոսի սիրուց, նեղութի՞ւնը, հալածանքը՞, սո՞վը, թէ սո՞ւրը: Երբ հաւատում ենք եւ ընդունում Քրիստոսին որպէս Աստծու գառը, որ երկնքից իջաւ մեր մեղքերի համար, այս կենդանի հաւատքից ո՞վ կարող է մեզ հեռացնել: Աւետարանն ասում է՝ երբ գիտենք իրականութիւնը, երբ գիտենք, որ Քրիստոս մեզ համար խաչւեց եւ իր յարութեամբ մեզ նոր կեանք տւեց, ի՞նչպէս կարող ենք թողնել այս հաւատքը»:

Ամէն տարի, Բուն Բարեկենդանին նախորդող հինգշաբթի օրը, Հայոց եկեղեցին եւ ժողովուրդը ոգեկոչում են յիշատակը «Սուրբ Վարդանանց» Զօրավարների:

«Վարդանանք» ասելով հասկանում ենք այն 1036 սուրբ նահատակները, որոնք հայոց Զօրավար՝ Վարդան Մամիկոնեանի գլխաւորութեամբ 451 թւականին Աւարայրի դաշտում իրենց կեանքը ընծայաբերեցին հայրենիքի ու հաւատքի պաշտպանութեան զոհասեղանին։

Երեքշաբթի, 25 փետրւար 2025 թւականին տօնն էր Սրբոց Ղեւոնդեանց քահանայից։ Հոգեւոր հայրեր, որ Աւարայրի մեծ ճակատամարտին՝ 451 թւականին, Ղեւոնդ երէցի առաջնորդութեամբ արիացեալ ոգով՝ զինավառեցին վասն հաւատքի եւ վասն հայրենեաց մարմնաւոր բանսարկուի դէմ դուրս եկած զօրավարներին։