Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՍՏԵՓԱՆԱԿԵՐՏԻ ԵՒ ԱՍԿԵՐԱՆԻ՝ ՀՕՄ-ի «ՍՕՍԷ» ՄԱՆԿԱՊԱՐՏԷԶՆԵՐԻ ՏՆՕՐԷՆՈՒՀԻՆԵՐԻ ԱՅՑՆ ԱԶԳԱՅԻՆ ԱՌԱՋՆՈՐԴԱՐԱՆ

Երեքշաբթի թւականիս յուլիսի 5-ին, Ազգային Առաջնորդարանի դահլիճում Թեմական խորհրդի կողմից հիւրընկալւեցին՝ Հ.Մ. «Արարատ» կազմակերպութեան 78-ամեակի տօնակատարութեան մասնակցելու համար յատուկ հրաւէրով Արցախից Թեհրան ժամանած Ստեփանակերտի եւ Ասկերանի՝ ՀՕՄ-ի «Սօսէ» մանկապարտէզների տնօրէնուհիներ՝ Նելլի Ղուլեանը եւ Սուսաննա Գրիգորեանը եւ իրենց ընկերակցող Իրանահայեր՝ տկն. Անի Զաքարեանը եւ տկն. Ալինա Նազարեանը:

Թեմական խորհրդի ատենապետ ճրտպ. Նորայր Արամեանը ջերմօրէն ողջունելով, բարի գալուստ մաղթեց հիւրերին: Նա որպէս սկիզբ անդրադարձ ունենալով Իրանահայ համայնքին յայտնեց, որ Իրանում, որպէս կայուն եւ կատարելապէս ձեւաւորւած մի համայնք աշխատում են՝ Ատրպատականի, Սպահանի եւ Թեհրանի երեք թեմերը եւ համապարփակ բացատրութիւն ներկայացրեց Կառոյցիս ընդհանուր դրւածքի եւ համայնքիս աշխատող դպրոցների, եկեղեցիների եւ միութիւնների աշխատանքների վերաբերեալ:

Սոյն հանդիպման նաեւ ներկայ էին Թեմական խորհրդի անդամ պրն. Աշոտ Սինանին եւ Ազգային Առաջնորդարանի դիւանապետ Զօրիկ Կարապետեանը:

Պրն. Սինանին իր արտայայտութիւնների ընթացքում յայտնեց, որ հայ ժողովուրդն ընդմիշտ ամենադժւարին պայմաններում տոկացել, դիմացել, արարել եւ ստեղծագործել է եւ եթէ մենք այսօր Սփիւռքում վայելուչ կեցւածք ունենք, դա եղել է գոյատեւման գաղտնիքը, որը մեզ է ժառանգւել մեր նախնիներից, որոնք իրենց աշխատունակ կեցւածքով վաստակել են յարգանք եւ վաստակած արժէքների շնորհիւ ստեղծւել է մի կառոյց, որը գոյատեւել է մինչ այսօր եւ վստհաբար դեռ երկար տարիներ կը յարատեւի եւ կը կարողանայ նեցուկ հանդիսանալ Հայրենիքին:

Տկն. Նելլի Ղուլեանը խոր յուզմունքով, զարմանքով եւ միաժամանակ ուրախութեամբ իր գնահատանքն յայտնեց այս քանի օրերի ընթացքին համայնքումս ականատես եղած ազգային ոգու, կենսունակութեան եւ եռանդին: Նա յաւելեց, որ այս օրերի ընթացքին երբեւիցէ չի զգացել, որ գտնւում է Հայրենիքից դուրս, քանի որ իր շրջապատում խորապէս զգացել է առկայ ազգային ոգին եւ հայկական մշակոյթը:

Տկն. Սուսաննա Գրիգորեանը եւս իր հերթին գնահատանքով անդրադարձաւ Սփիւռքի ազդեցիկ դերակատարութեանը եւ ներդրումին: Նա յաւելեց, որ Սփիւռքում առաւել բարձր պէտք է գնահատել ազգային ոգու եւ հայապահպանման գործողութիւններն, քանի որ դա կատարւում է երկու ճակատում՝ տւեալ երկրի օրէնքների եւ հայապահպանման սահմաններում: Տկն. Գրիգորեանը անդրադառնալով Արցախի յետպատերազմեան իրավիճակին յայտնեց, որ դժւարութիւններն յաղթահարելով, աշխատում են վերադառնալ բնականոն կենցաղային իրավիճակին եւ եռանդով ու միասնական ուժերով վերականգնել իրենց հայրենի բնօրրանը:

Հանդիպման աւարտին, պրն. Նորայր Արամեանը յաջողութիւն մաղթեց իրենց աշխատանքներին եւ յայտնեց, որ փոխյարաբերութեամբ եւ միասնական ջանքերով հնարաւոր կը լինի ամենաբարին արարել եւ միմեանց նեցուկ հանդիսանալ:

Ազգային Առաջնորդարանի Հանրային կապ

 

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Շաբաթ 26 Նոյեմբերի 2022;
Սրբոյն Նիկողայոսի Զմիւռնացւոյ Սքանչելագործ հայրապետին Եզեկիէլ 3.16-19։ Բ Տիմոթէոս 3.10-15։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 10.11-16։

Կիրակի 27 Նոյեմբերի 2022;
Ա կիր. Յիսնակի Եսայի 36.1-9։ Ա Թեսաղոնիկեցիներ 1.1-10։ ԱՒԵՏԱՐԱՆ ԸՍՏ ՂՈՒԿԱՍԻ 12.13-31։

Երկուշաբթի 28 Նոյեմբերի 2022;
Սրբոց կուսանացն՝ Յուլիանեայ եւ Վասիլուհւոյ, Աբրահամու եւԽորենայ եւ անարծաթ բժշկացն՝ Կոզմայի եւ Դամիանոսի, եւ Աստուածատրոյ վկային ԵՐԳ ԵՐԳՈՑ 8.14։ Օսէէ 14.6-8։ Բ Կորնթացիներ 6.16-7.1։ ԱՒԵՏԱՐԱՆ ԸՍՏ ՂՈՒԿԱՍԻ 8.1-3։

Երեքշաբթի 29 Նոյեմբերի 2022;
Սրբոցն Ղունկիանոսի քահանային, Տարագրոսի, Պրօպոսի, Անդրոնիկոսի, Ոնեսիմեայ եւ այլոց աշակերտացն սրբոյն Պօղոսի Իմաստութիւն Սողոմոնի 9.9-12։ Եսայի 41.15-19։ Բ Կորնթացիներ 2.14-17։ ԱՒԵՏԱՐԱՆ ԸՍՏ ՂՈՒԿԱՍԻ 6.13-20։

Չորեքշաբթի 30 Նոյեմբերի 2022;
Պահք Ա Թեսաղոնիկեցիներ 2.1-12։ ԱՒԵՏԱՐԱՆ ԸՍՏ ՂՈՒԿԱՍԻ 12.41-48։

Հինգշաբթի 01 Դեկտեմբերի 2022;
Սրբոցն Կղեմայ հայրապետին եւ Բագարատայ Տոռոմենոյ եպիսկոպոսին Առակներ 8.33-36։ Եսայի 66.18-21։ Փիլիպեցիներ 4.1-7։ ԱՒԵՏԱՐԱՆ ԸՍՏ ՂՈՒԿԱՍԻ 9.1-6։

Ուրբաթ 02 Դեկտեմբերի 2022;
Ա Թս 2.17-19։ Ղկ 12.49-59։

Շաբաթ 03 Դեկտեմբերի 2022;
Տօն սրբոց առաքելոցն եւ առաջին լուսաւորչացն մերոց Թադէոսի եւ Բարդուղիմէոսի Իմս 9.13-10.2։ Եր 16.16-19։ Ա Կր 12.26-13.10։ Մտ 9.35-10.7։

Կիրակի 04 Դեկտեմբերի 2022;
Բ. կիր. Յիսնակի Եսայի 36.22-37.11։ Ա Թեսաղոնիկեցիներ 4.1-11։ ԱՒԵՏԱՐԱՆ ԸՍՏ ՂՈՒԿԱՍԻ 13.1-9։

Երկուշաբթի 05 Դեկտեմբերի 2022;
Սրբոցն Գենարիոսի եպիսկոպոսին եւ Մերկերիոսի զինաւորին, Յակովկայ եւ Իրաւափառայ Եսայի 35.4-8։ Բ Կորնթացիներ 3.18-4.6։ ԱՒԵՏԱՐԱՆ ԸՍՏ ՂՈՒԿԱՍԻ 21.12:19

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ