Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



×

Զգուշացում

JFolder: :files: Հասցեն չի տանում դեպի պանակ։ Հասցե՝ [ROOT]/images/201604/2016042601
×

Տեղեկացում

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/201604/2016042601

«Առողջութեան զանգ»-ը հնչեց «Արաքս» օրիորդաց կրթահամալիրում

Շաբաթ ապրիլի 23-ին, Թեհրանի 6-րդ շրջանի քաղաքապետ՝ պրն. Ազիմ Բաբայիի, Թեհրանի հայոց թեմի Կրթական Խորհրդի ատենապետ՝ Սեւան Դանիէլեանի, Առողջութեան վարչութեան պետ՝ դոկտ. Էսմայիլիի, Թեհրանի 3-րդ թաղամասի քաղաքապետ՝ պրն. Աֆրաշի, «Բեհջաթաբադ» քաղաքամասի շորաեարիի քարտուղար՝ դոկտ. Մոաֆիի, Թեհրանի ուսումնա-դաստիարակչութեան գերատեսչութեան առողջութեան վարչութեան պետ՝ պրն. Սադրիի, ինչպէս նաեւ Թեհրանի ուսումնա-դաստիարակչութեան 6-րդ շրջանի տարրական ուսման, միջնակարգ ուսման եւ դաստիարակչական ու մարմնակրթական հարցերով տեղակալներ՝ տիկ. Սամադիի եւ պարոնայք Էսֆանդեարիի ու Էրֆանիի և այլ ներկայացուցիչների ներկայութեամբ «Առողջութեան զանգ»-ը հնչեց «Արաքս» օրիորդաց կրթահամալիրում:

Այս տարի առողջութեան շաբաթը նշւում է «Շաքարախտի յաղթահարում» նշանաբանով: Այդ օրւայ կարգախօսն էր «Շաքարախտի յաղթահարումը առողջ սննդի ու մարմնային ակտիւութեան միջոցով»:

Յիշեցնենք, որ նաեւ կազմակերպւել էր «Առողջ եղէք, որ չտառապէք շաքարախտով» թեմայով աշակերտների նկարչութիւնների, ինչպէս նաեւ առողջութեան ու տարբեր հիւանդութիւնների մասին գրքերի ու պրակների ցուցահանդէսներ: Դեղաբոյսերի տաղաւարում ցուցադրւել էին առողջ եւ օրգանական արտադրանքներ:

Միջոցառումը սկսւեց աշակերտութեան միջոցով տէրունական աղօթքով ու ԻԻՀ-ի հիմնի կատարմամբ: Այնուհետեւ ներկաներին ողջունեց կրթահամալիրի տեսչուհի՝ Անի Մանուկեանը:

Թեհրանի 6-րդ շրջանի քաղաքապետ՝ պրն. Ազիմ Բաբային իր արտայայտութիւններում նշեց, որ աշակերտութիւնը ապագայ կերտող սերունդն է և աւելացրեց. «Առողջութեան շաբաթւայ ընթացքում գլխաւոր գերակայութիւններն են քաղաքային կառավարումը, ինչպէս նաև քաղաքացիների ու ձեր՝ աշակերտութեան, առողջութեան հանդէպ մասնաւոր ուշադրութիւնը: Մենք ջանք ենք գործադրում ձեր՝ երեխաների, օգնութեամբ գործադրելով ՛՛Սպիտակ գիծ՝ կապոյտ երկինք եւ մաքուր Երկիր՛՛ և ՛՛Անվտանգութեան գօտու ամրացման՛՛ երկու կարգախօսներն առաւել լաւ պայմաններ ստեղծել քաղաքում»:

Այնուհետեւ աշակերտները հանդէս եկան սննդի առողջութեան թեմայով ներկայացումներով ու արտասանութիւններով: Վերջում աշակերտութեանը բաժանւեցին առողջ նախաճաշի փաթեթներ ու համապատասխան պրակներ: Նաև դպրոցի ուսուցիչներն ու ներկայ ծնողները ենթարկւեցին արեան ճնշման ու արեան շաքարի ստուգման քննութեան: 

{gallery}201604/2016042601{/gallery}

 

ՏՕՆԵՐ

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ