Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՀԱՄԱՅՆՔԱՅԻՆ ՀԱՄԱԽՄԲՒԱԾՈՒԹԻՒՆ ԱՐՑԱԽԱՀԱՅՈՒԹԵԱՆ ՕԳՆԵԼՈՒ ՀԱՄԱՐ

Արցախից բռնի տեղահանւած հայրենակիցներին օգնելու նպատակով՝ Թ.Հ.Թ. Թեմական խորհրդի կողմից կեանքի կոչւած յանձնախմբի անդամները եւ Թեմական խորհրդի ատենապետը, երէկ՝ հոկտեմբերի 9-ի երեկոյեան, ազգային առաջնորդարանի դահլիճում հանդիպում են ունեցել Թեհրանի հայոց թեմի եկեղեցիների Եկեղեցական խորհուրդների ատենապետերի ու անդամների հետ:

Հանդիպման սկզբում Թեմական խորհրդի ատենապետ ճրտպ. Նորայր Արամեանը նշեց, որ Թեհրանի հայոց թեմի առաջնորդ Տ. Սեպուհ արք. Սարգսեանի հովանաւորութեամբ՝ կեանքի կոչւած յանձնախումբը, որոշւեց հանդիպում ունենալ եկեղեցու Եկեղեցական խորհուրդների հետ, մի շարք աշխատանքներ համադրելու նպատակով: Նա ապա բացատրութիւններ փոխանցեց մինչ այժմ կատարւած աշխատանքների, Իրանի Իսլամական խորհրդարանում իրանահայ զոյգ պատգամաւորներ՝ Արա Շահվերդեանի եւ Ռոբերտ Բեգլարեանի ջանքների, նաեւ պետական մարմինների հետ համագործակցութեան մասին: Նա նշեց, որ մինչ այժմ Իրանի Կարմիր Մահիկի միջոցով երեք բեռնատարով, 60 տոննա օգնութիւն արդէն տեղափոխւել է Հայաստան, եւ բաժանւել է տեղահանւած մեր հայրենակիցների միջեւ:

Հանդիպմանը, յանձնախմբի ատենապետ Ալֆրէդ Քեշիշեանը մանրամասն բացատրութիւններ փոխանցեց կատարւած աշխատանքների մասին, նշելով, որ ելնելով անցեալի փորձից, որ տարատեսակ ապրանքներ փոխադրելը շատ մեծ խնդիրներ է ստեղծում, եւ նոյնիսկ մաքսատներում երկար ժամանակ մնալով, սննդամթերքի պիտանելիութեան ժամկէտը յաճախ աւարտում է, ուստի որոշւեց, որ դրամական նւիրահաւաքի արդիւնքում, եւ ՀՕՄ-ի ու Կարմիր Խաչի կողմից ներկայացւած ցանկերից ելնելով, յանձնախումբը գնի որոշակի ապրանքները, որոնց տեղափոխումը նման խնդիրներ չստեղծի: Ալֆրէդ Քեշիշեանի հաւաստմամբ՝ արդէն Իրանի Կարմիր Մահիկի գործարանից գնւել են ադիալները եւ բեռնատարներով այն ուղարկւելու են Գորիս եւ յանձնւելու են ՀՕՄ-ին: Նա նշեց, որ յանձնախմբի անդամ Վահէ Ահարոնեանը եւ մի քանի բարերաներ արդէն նւիրել են 6 տոննա բիրնձ, 150 մահճակալ եւ ներքնակներ, որոնք առաքւել են ՀՕՄ-ին: Նա ընդգծեց, որ այս աշխատանքը չի սահմանափակւելու միայն մի քանի շաբաթով, եւ լինելու է շարունակական, առնւազն մի քանի ամիս: Ապրանքների փոխադրման եւ որակների մասին բացատրութիւններ փոխանցեց յանձնախմբի անդամ Վահէ Ահարոնեանը: Նշւեց նաեւ, որ նւիրահաւաքի գումարները ըստ ներկայացւած պահանջների յատկացւելու են խոհանոցային պարագաներ, ինչպէս նաեւ ուտելիքների գնման համար:

Ապա եկեղեցու Եկեղեցական խորհուրդների անդամները փոխանցեցին իրենց տեսակէտները նւիրահաւաքին աւելի թափ հաղորդելու եւ համայնքում, ընդհուպ մինչեւ դպրոցներ տարածելու եւ հանրութեան սեփականութիւնը դարձնելու համար:

Լուրը՝ «Ալիք»-ից

ՏՕՆԵՐ

Կրօնական Տօների Օրացոյց


Երեքշաբթի 04 Յունիսի 2024;
ՍՐԲՈՒՀԻ ՆՈՒՆԷ ԵՒ ՍՐԲՈՒՀԻ ՄԱՆԷ ԿՈՅՍԵՐԸ

Հինգշաբթի 06 Յունիսի 2024;
ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

Շաբաթ 08 Յունիսի 2024;
Սուրբ Ներսէս Մեծ Հայրապետի տօնը եւ մեր թեմում Հայրերի օր է։ Շնորհաւոր հայ «Հայրերի օր»-ը

Երեքշաբթի 11 Յունիսի 2024;
Ս․ Կոստանդիանոս կայսերի եւ նրա մօր՝ Հեղինէ թագուհու յիշատակութեան օր

Շաբաթ 15 Յունիսի 2024;
ԱՅՍՕՐ ՏՕՆՆ Է Ս. Գրիգոր Լուսաւորչի ՆՇԽԱՐՆԵՐԻ ԳԻՒՏԻ ՏՕՆ՝ ԳԻԻՏ ՆՇԽԱՐԱՑ Ս․ԳՐԻԳՈՐ ԼՈՒՍԱՒՈՐՉԻ

Երեքշաբթի 18 Յունիսի 2024;
Տօն՝ Սրբոցն Դանիէլի մարգարէին եւ երից մանկանցն` Սեդրակայ, Միսաքայ եւ Աբեդնագովի

Հինգշաբթի 20 Յունիսի 2024;
Տօն Սուրբ թարգմանիչներ՝ Սահակի եւ Մեսրոպի

Շաբաթ 22 Յունիսի 2024;
Տօն Սրբոցն Տրդատ Թագաւորի ու Աշխէն Թագուհու եւ Խոսրովիդուխտի

Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ