Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Հ.Մ. «Արարատ» Կազմակերպութեան Մարզական միութեան նախաձեռնութեամբ՝ մեկնարկեց 46-րդ շրջանի Համադպրոցական խաղերը

Հ. Մ. «Արարատ» կազմակերպութեան հիմնադրութեան 80-ամեակին նւիրւած, եւ կազմակերպութեան Մարզական միութեան նախաձեռնութեամբ, թւականիս՝ յունւարի 24-ի երեկոյեան «Արարատ» մարզաւանի «Սասունցի Դաւիթ» մարզադահլիճում բացումը կատարւեց 46-րդ Համադպրոցական խաղերի:

Այս տարւայ Համադպրոցական խաղերին իրենց մասնակցութիւնն են բերել Թեհրանի հայոց 14 դպրոցների 556 աշակերտներ, որոնք մրցակցելու են 10 մարզաձեւերում:

Խանդավառ մթնոլորտում մեկնարկած միջոցառումը զուգորդւած էր գեղարւեստական-մարզական կատարումներով: Նախ հերթաբար մուտք գործեցին խաղերին մասնակից դպրոցների աշակերտ-աշակերտուհիները: Տէրունական աղօթքով եւ Իրանի պետական հիմնով մեկնարկած միջոցառմանը Մարզական միութեան վարչութեան խօսքը փոխանցեց Լեռնիկ Դանիէլեանը: Օրւայ ջահը օրհնեց Տ. Արիստակէս քհնյ. Շահմիրեանը, իսկ ջահակիրն էր «Մարիամեան» դպրոցի աշակերտ Վահէ Խուդավերդեանը: Մարզական խաղերի իրաւարարների երդումը կատարեց թենիսի իրաւարար՝ Արմիդա Գրիգորեանը, իսկ աշակերտների երդումը հնչեցրեց «Մարիամ» հաստատութեան տղ. դպրոցի աշակերտ Ֆաբիան Մուրադխանեանը:

Միջոցառմանը Հ.Մ.Ա.Կ.-ի խօսքը փոխանցեց վարչութեան նախագահ Սոֆի Ջաղարբէգեանը: Օրւայ առիթով հրաւիրւեց իր խօսքը փոխանցելու Իսլամական խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, որը սկզբում ընձեռնւեց մասնակից աշակերտ-ուհիների հետ, որից յետոյ փոխանցեց իր խօսքը:

Եզրափակիչ խօսքի համար հրաւիրւեց Տ. Արիստակէս քհնյ. Շահմիրեանը, ով Թեհրանի հայոց թեմի առաջնորդ Տ. Սեպուհ արք. Սարգսեանի անունից փոխանցեց ողջոյնները:

Միջոցառմանը ճարտար հաղորդավարներ Նարէ Օհանեանը՝ «Արաքս» դպրոցից եւ Արթին Մովսիսեանը «Մարիամ» հաստատութիւնից նշեցին, որ 2023 թւականի Ասիայի ռոբոտիկի մրցաշարում ոսկէ մեդալակիր է հանդիսացել Արեգ Շահվերդեանը:

Ապա հանդիսութիւնը շարունակւեց գեղարւեստական կատրումներով եւ մարզական ցոյցերով:

Լուրը՝ «Ալիք»-ից
Լուսանկարները՝ ՀԱՏԻՍԻ

ՏՕՆԵՐ

Կրօնական Տօների Օրացոյց


Երեքշաբթի 04 Յունիսի 2024;
ՍՐԲՈՒՀԻ ՆՈՒՆԷ ԵՒ ՍՐԲՈՒՀԻ ՄԱՆԷ ԿՈՅՍԵՐԸ

Հինգշաբթի 06 Յունիսի 2024;
ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

Շաբաթ 08 Յունիսի 2024;
Սուրբ Ներսէս Մեծ Հայրապետի տօնը եւ մեր թեմում Հայրերի օր է։ Շնորհաւոր հայ «Հայրերի օր»-ը

Երեքշաբթի 11 Յունիսի 2024;
Ս․ Կոստանդիանոս կայսերի եւ նրա մօր՝ Հեղինէ թագուհու յիշատակութեան օր

Շաբաթ 15 Յունիսի 2024;
ԱՅՍՕՐ ՏՕՆՆ Է Ս. Գրիգոր Լուսաւորչի ՆՇԽԱՐՆԵՐԻ ԳԻՒՏԻ ՏՕՆ՝ ԳԻԻՏ ՆՇԽԱՐԱՑ Ս․ԳՐԻԳՈՐ ԼՈՒՍԱՒՈՐՉԻ

Երեքշաբթի 18 Յունիսի 2024;
Տօն՝ Սրբոցն Դանիէլի մարգարէին եւ երից մանկանցն` Սեդրակայ, Միսաքայ եւ Աբեդնագովի

Հինգշաբթի 20 Յունիսի 2024;
Տօն Սուրբ թարգմանիչներ՝ Սահակի եւ Մեսրոպի

Շաբաթ 22 Յունիսի 2024;
Տօն Սրբոցն Տրդատ Թագաւորի ու Աշխէն Թագուհու եւ Խոսրովիդուխտի

Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ