Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՀԱՆԴԻՍԱՒՈՐ Ս. ԵՒ ԱՆՄԱՀ ՊԱՏԱՐԱԳ ՍՐԲՈՑ ՎԱՐԴԱՆԱՆՑ ԶՕՐԱՎԱՐԱՑ ՏՕՆԻ ԱՌԻԹՈՎ

Ամէն տարի, Բուն Բարեկենդանին նախորդող հինգշաբթի օրը, Հայոց եկեղեցին եւ ժողովուրդը ոգեկոչում են յիշատակը «Սուրբ Վարդանանց» Զօրավարների: «Վարդանանք» ասելով հասկանում ենք այն 1036 սուրբ նահատակները, որոնք հայոց Զօրավար՝ Վարդան Մամիկոնեանի գլխաւորութեամբ 451 թւականին Աւարայրի դաշտում իրենց կեանքը ընծայաբերեցին հայրենիքի ու հաւատքի պաշտպանութեան զոհասեղանին։

Այս տարի՝ Սրբոց Վարդանանց տօնի առիթով հինգշաբթի, թւականիս փետրւարի 8-ին, Թեհրանի բոլոր եկեղեցիներում մատուցւեց Սուրբ եւ Անմահ Պատարագ: Սրբոց Վարդանանց եկեղեցում, Ս. Պատարագը մատուցւեց Ձեռամբ՝ Արժ․ Տ․ Մաշտոց քհնյ. Խաչատրեանի եւ նախագահութեամբ Թեմիս Առաջնորդ Գերշ․ Տ․ Սեպուհ Ս․ Արք․ Սարգսեանի։

Սրբազան Հայրը իր քարոզի ընթացքում Սրբ. Վարդանանց տօնին անդրադառնալով ասաց․«Վարդանանց հերոսամարտը մարդու ազատութեան, արժանապատւութեան եւ խղճի ազատութեան համար մղւած ամենասուրբ ու նւիրական մարտն է, որ երբեւիցէ տեսել է պատմութիւնը: Այո՛, Աւարայրեան հաւատամարտը հանդիսանում է մեր ժողովրդի հոգեւոր արժէքների պահպանման խորհրդանիշը: «Որովհետեւ Աւետարանն իբրեւ մեր հայրն ենք ճանաչում եւ մայրը՝ Առաքելական եկեղեցի կաթողիկէ». Այլ բառերով Վարդանանց հերոսական պայքարը խտացած է.«Վասն հաւատոյ եւ վասն հայրենեաց» կարճ նախադասութեան մէջ»»: Նա յաւելեց, որ Վարդանանաց հերոսները այս հասկացողութեամբ Աւարայրի դաշտ գնացին պաշտպանելու իրենց հաւատքն ու հայրենիքը եւ սա արդիւնքն էր քրիստոնէական հաւատքի, ինչը ժառանգել էին իրենց հայրերից ու եկեղեցու հայրապետներից։

Առաջնորդ Սրբազան Հայրը իր խօսքի միւս բաժնում ասաց, որ 451 թւականը մեր պատմութեան ամենալուսաւոր եւ ամենախորհրդանշական թւականն է, որովհետեւ այդ թւականը մեզ համար եղաւ մեր ժողովրդի գերագոյն զոհողութեան, նւիրումի թւական։ Նա նշեց.«Յաւերժական արժէքների պահպանման համար մղւած գիտակցւած պայքարը մարդուն առաջնորդում է դէպի յաւիտենականութիւն, անմահութիւն»:

Սրբազան Հայրը անդրադառնալով Հայոց արդի պատմութեանը ակնարկեց, որ Արցախը կորցնելով շատ բան կորցրեցինք, կորցրեցինք մեր հոգեւոր արժէքները եւ այդպիսով վտանգւեց մեր հայրենիքը։ Ապա յաւելեց, որ մենք Վարդան Զօրավարի ու նրա նահատակակից ընկերների ու Ղեւոնդ Երէցի ու Յովսէփ կաթողիկոսի եւ նրանց ուխտակից հոգեւորականների ժառանգորդները լինելով մոռացել ենք, որ մեր հայրենիքը կարիք ունի մեր նւիրումին, զոհողութեանը եւ միութեանն ու Քրիստոնէական հաւատքին:

Սրբազան Հայրը իր խօսքը եզրակացնելով ասաց.«Վարդանանց հերոսները այսօր մեզ պատգամում են.«Կառչեցէ՛ք ձեր եկեղեցուն, պատմութեան, մշակոյթին եւ լեզւին, որպէս պատւանդան ձեր ինքնութեան եւ գոյութեան: Որքան մօտ լինէք ձեր երեկւան, այնքան պայծառ կը լինի ձեր այսօրը եւ յուսավառ ու փայլուն ձեր վաղը: Այս օրերի Հայաստանի, թէ Սփիւռքի երկնակամարի վրայ երեւացող սեւ, մութ ամպերից չվախենաք: Հեռու վանեցէք ձեզանից թերահաւատութիւնն ու վառ յոյսով, որպէս տեսլապաշտ ժողովուրդ, նայեցէք ապագային»»:

Յաւարտ Սուրբ եւ անմահ պատարագի սրահում տեղի ունեցաւ ընդունելութիւն։
Արարողութեանը նեկայ էին Թեմական խորհրդի ատենապետ Նորայր Արամեանը եւ նոյն խորհրդի ներկայացուցիչներ՝ պարոնայք Հայրիկ Աղանեանը եւ Հայկազ Շիրւանեանը, Եկեղեցական խորհուրդը եւ հաւատացեալ ժողովուրդ:

Ազգային Առաջնորդարանի Հանրային կապ

ՏՕՆԵՐ

Կրօնական Տօների Օրացոյց


Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

Շաբաթ 29 Յունիսի 2024;
«Տօն Յիսուսի տասներկու առաքեալների եւ տասներեքերորդ առաքեալի՝ Պօղոսի»

Շաբաթ 06 Յուլիսի 2024;
Հին ուխտի տապանակի յիշատակը եւ Նոր ուխտի սուրբ եկեղեցու տօնը:

Կիրակի 07 Յուլիսի 2024;
«Յիսուս Քրիստոսի Պայծառակերպութիւնը

Շաբաթ 13 Յուլիսի 2024;
Ս.Թադէոս առաքեալի եւ Ս. Սանդուխտ կոյսի յիշատակութեան օր

Երկուշաբթի 15 Յուլիսի 2024;
Ս. Կիպրիանոս եպիսկոպոսի եւ Յուստիանէ կոյսի, Եւփիմէ կոյսի եւ Փոքր Հայքի Հայ Լեգէոնի 45 վկաների, Քրիստինէ կոյսի Յիշատակութեան օր

Երեքշաբթի 16 Յուլիսի 2024;
Տօն Աթանագինէս եպիսկոպոսը

Հինգշաբթի 18 Յուլիսի 2024;
Այսօր Տօնն է Ս. Գրիգոր Լուսաւորչի որդիների և Թոռների Յիշատակութեան օրը

Երեքշաբթի 30 Յուլիսի 2024;
Այսօր Հայոց առաքելական եկեղեցին յիշատակում է Սուրբ Վահան Գողթնեցուն:

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Չորեքշաբթի 10 Յուլիսի 2024;
Ա Կորնթացիներ 1.1‐9։ ԱՒԵՏԱՐԱՆ ԸՍՏ ՄԱՏԹԷՈՍԻ 17.21‐18.4։

Հինգշաբթի 11 Յուլիսի 2024;
Տօն՝ Սրբոյն Եսայեայ մարգարէին

Ուրբաթ 12 Յուլիսի 2024;
Ա Կորնթացիներ 1.10‐18։ ԱՒԵՏԱՐԱՆ ԸՍՏ ՄԱՏԹԷՈՍԻ 18.2‐9։

Շաբաթ 13 Յուլիսի 2024;
Սրբոցն Թադէոսի առաքելոյն մերոյ եւ Սանդխտոյ կուսին

Կիրակի 14 Յուլիսի 2024;
Բ կիր. զկնի Վարդավառի

Երկուշաբթի 15 Յուլիսի 2024;
Տօն՝ Սրբոցն Կիպրիանոսի եպիսկոպոսին և քառասուն և հինգ վկայիցն,եւ սրբոց կուսանացն Յուստինեայ, Եւփիմեայ և Քրիստինեայ

Երեքշաբթի 16 Յուլիսի 2024;
Տօն՝ Սրբոցն Աթանագինեայ եպիսկոպոսին եւ տասն աշակերտացն եւ հինգ վկայիցն

Չորեքշաբթի 17 Յուլիսի 2024;
Ա Կորնթ 2։12-3։10, Մտթ․18։15-22

Հինգշաբթի 18 Յուլիսի 2024;
Տօն՝ Սրբոց նախահարցն` Ադամայ, Աբէլի, Սեթայ, Ենովսայ, Ենովքայ, Նոյի, Մելքիսեդեկի, Աբրահամու, Իսահակայ, Յակովբայ, Յովսեփայ, Մովսիսի, Ահարօնի, Եղիազարու, Յեսուայ, Սամուէլի, Սամփսոնի, Յեփթայեայ, Բարակայ, Գեդէօնի եւ այլոց սրբոց նախահարցն

Ուրբաթ 19 Յուլիսի 2024;
Ա Կորնթ․5։9-6։10, Մտթ 18։23-35

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ