1918 թւականի Մայիսեան յաղթանակի106-րդ տարեդարձը նշւեց, Հ. Ուս. «Չհարմահալ» միութեան նախաձեռնութեամբ, միութեան «Յովհ. Թումանեան» դահլիճում: Մայիսի 30-ին կազմակերպւած բանախօսական-գեղարւեստական միջոցառման բանախօս էր հրաւիրւել Պատմական գիտութիւնների թեկնածու, Դերենիկ Մելիքեանը:

Միջոցառման բացման խօսքը միութեան անունից ներկայացրեց Հայրիկ Աղանեանը ընդգծելով, որ Մայիսի 28-ի ճակատամարտը համայն աշխարհին փաստեց, որ հայը յաւիտենական է, հայը կշարունակի ապրել, ստեղծագործել ու պայքարել յանուն հայրենիքի ամբողջականութեան, յանուն հերոսների թափւած արեան եւ յանուն լինելիութեան:

Ապա բեմ հրաւիրւեց օրւայ բանախօս Դերենիկ Մելիքեանը: Բանախօսը համապարփակ գծերով ներկայացրեց Մայիսեան յաղթանակին յանգեցրած իրադարձութիւններին, ՀՀ Առաջին Հանրապետութեան անժխտելի դերը հայ ժողովրդի ու Հայաստան աշխարհի գոյութեան առումով եւ անդրադարձաւ Հայաստանի ներկայի իշխանութիւնների հակաարժէքային գործընթացներին: Միջոցառմանը մեներգերով ելոյթ ունեցան միութեան «Ուրարտու» երգչախմբի անդամ-անդամուհիները, իսկ ասմունքով հանդէս եկաւ Լորետա Ղեւոնդեանը:
Հանդիսութիւնը եզրափակւեց ընդունելութեամբ:

Լուրը՝ «Ալիք»-ից