Կրօնական Տօն՝

Thursday, 09 May 2024

Համբարձման Տօն

Համբարձման Տօն

Համբարձման տօն
«Ապա նրանց տարաւ հանեց մինչեւ Բեթանիա եւ, բարձրացնելով իր ձեռքերը, օրհնեց նրանց: Եւ մինչ նա օրհնում էր նրանց, բաժանւեց նրանցից եւ դէպի երկինք էր վերանում» (Ղուկ. 24.50:51):
Մեր Տէր Յիսուս Քրիստոսը Իր հրաշափառ Յարութիւնից յետոյ 40-օրերի ընթացքին ինչպէս Աւետարնն է վկայում անգամներ յայատնւեց իր առաքեալներին, ամրապնդեց նրանց հաւատքը, նրանց հետ անգամ սեղան նստեկով, հաց ու ձուկ կիսելով եւ ուտելով հաստատեց իր մարմնական յարութիւնը։ Իր առաքեակներին ուսուցանեց Աստծու արքայութեան՝եկեղեցու երկրի վրայ հաստատման կանոնները եւ վերջապէս նրանց աւետեց Սուրբ Հոգու գալուստը, որով պիտի զօրանային եւ դառնայւին Նրա վկաները աշխարհի բոլոր ծայրերում։
Արետարանում այդ մասին կարդում ենք․
«Իրեն կենդանի ներկայացրեց նրանք առաջ շատ ապացոյցներով՝ քառասուն օրերի ընթացքում խօսելով Ասուծու արքայութեան մասին» (Գործք. 1:3-4): Այնուհետեւ 40-րդ օրը, աշակերտներին օրհնելով, բարձրացաւ երկինք: Հիսուս դառնալով Իր աշակերտներին ասաց. «Խաղաղութիւն ընդ ձեզ, իմ եղբայրներ», ապա խօսեց նրանց հետ ու ասաց. «Ինձ է տրւած ամէն իշխանութիւն երկնքում եւ երկրի վրայ. ինչպէս Հայրը ինձ ուղարկեց, ես էլ ձեզ եմ ուղարկում: Գնացէք ուրեմն աշակերտ դարձրէ՛ք բոլոր ազգերին, նրանց մկրտեցէ՛ք Հօր եւ Որդու եւ Սուրբ Հոգու անունով: Ուսուցանեցէ՛ք նրանց պահել այն բոլորը, ինչ որ ձեզ պատւիրեցի: Եւ ահա ես ձեզ հետ եմ բոլոր օրերում՝ մինչեւ աշխարհի վախճանը» (Մատթ. 28 18-20): եւ երբ այս ասաց, հրեշտակների գնդերը Նրա փառքի առջեւ խոնարհւեցին, և համբարձւեց երկինք:
Ահա տեսնենք թէ ինչպէս է իմաստաւորւում Համբարձումը։
Յիսուս Քրիստոսի խաչի վրայ քաւչարար զոհագործուիւնը մեզ համար հաստատւեց Իր հրաշափառ յարութեամբ․ Նա իր յարութեամբ փաստեց Իր կատարած զոհագործութիւնը ընդունելի է Հայր Աստծու կողմից։ Ապա Իր կենդանութիւնը բոլորին փաստելուց յետոյ, ժամանակն էր հասել ելնելու Հօր մօտ, որպէսզի Իր Սուրբ մարմինն ու արիւնը երկնային ու անձեռակերտ խորանում, որպէս մշտնջենական պատարագ մատուցէր Երկնաւոր Հօրը։
Մեր Տէր Յիսուս Քրիստոսը իր խաչելութեամբ եւ յարութեամբ մեզ արդարացնելուց յետոյ, մեր մարդկային բնութիւնը համբարձմամբ նստեցրեց Հօր աջ կողմը։ Իւրաքանչիւր հաւատացեալ եւս Քրիստոսի երկրորդ գալուստի ժամանակ պիտի արժանանայ վերին կոչման եւ երկնքի արքայութեան եւ պիտի նստի Հօր աջ կողմը։