Կիրակի, 25 յունիս 2023 թւականին, Թեմիս Առաջնորդ գերշ. Տ. Սեպուհ Ս. Արք. Սարգսեանը, իր գրասենեակում ընդունեց դատախազութեան առաջին կարգի փաստաբան դոկտ. Յովիկ Բեհբուին եւ «Նայիրի» հրատարակչութեան տնօրէն Արտոյտ Զոհրաբեանին:

Այցելուները եկել էին Սրբազան Հօր հետ խորհրդակցելու եւ հրաւիրելու դոկտ. Յովիկ Բեհբուի հեղինակած եւ «Նայիրի» հրատարակչութեան հրատարակած՝ «Մուսուլմանի եւ ոչ-մուսուլմանի ժառանգութիւնը» խորագրով գրքի ներկայացման ու վերլուծութեան միջոցառմանը եւ արտայայտելու իր տեսակէտները:

Գրքի հեղինակը հակիրճ բացատրութիւններ ներկայացրեց գիրքը հեղինակելու իր մտադրութեան մասին: Նա անդրադարձաւ այն հանգամանքին, որ գրքի մէջ ներառւած են ժառանգութիւններին առնչւող իր դատական բազմամեայ փորձառութիւնները, եւ ընդգծեց, որ կրօնական ու օրէնսդրական դաշտի զանազան աղբիւրներին վկայակոչելով, փորձել է ընթերցողին իրազեկ դարձնել ժառանգութեանը առնչւող հարցերին:

Սրբազան Հայրը ջերմօրէն ողջունեց եւ մեծապէս գնահատեց նախաձեռնութիւնը եւ միաժամանակ անդրադարձաւ նման օրէնսդրական գրքի հրատարակման անհրաժեշտութեանը, որոնք մանրամասն անդրադառնում են երկրում կրօնական փոքրամասնութիւնների իրաւունքներին, ի մասնաւորի՝ ժառանգութեան բնագաւառում:

Ազգային Առաջնորդարանի Հանրային կապ