Չորեքշաբթի, 20 սեպտեմբեր 2023 թւականին, Թեմական խորհրդի ատենապետ ճրտպ. Նորայր Արամեանի հրաւէրով եւ նախագահութեամբ թեմիս Առաջնորդ գերշ. Տ. Սեպուհ Ս. Արք. Սարգսեանի տեղի ունեցաւ 17-րդ շրջանի Պատգամաւորական ժողովի եւ Թեմական խորհրդի դիւանային միասնական հանդիպումը:

Հանդիպման հիմնական օրակարգում անդրադարձ կատարւեց կառոյցիս նիւթա-տնտեսական իրավիճակին առնչւող դժւարութիւններին, որոնք հիմնականում առաջանում է տարբեր գործօնների ազդեցութեամբ յատկապէս երկրում տիրող սղաճի եւ համայնքում գործող կառոյցները համայնքիս ներկայ թւին անհամապատասխան լինելու պատճառով, որի համար արդէն իսկ հրամայական է գործնական ծրագրերի եւ լուծումների դիմել:

Հանդիպման ընթացքին խորհրդակցութիւն եւ քննարկում եղաւ միասնաբար նիւթական խնդիրներին դիմակայելու եւ ներկայ դրութեամբ դժւարութիւնները փարատելու ուղղութեամբ:

Ազգային Առաջնորդարանի Հանրային կապ