Ամանորի եւ Ս. Ծննդեան տօների առիթով, երէկ, դեկտեմբերի 27-ին, Թ. Հ. թեմի առաջնորդ Տ. Սեպուհ արք. Սարգսեանը ազգային առաջնորդարանի դահլիճում ընդունեց կանանց հարցերով Իրանի Հանր. նախագահի օգնական դոկտ. Խազալիին եւ իրեն ընկերակցող պատւիրակութեանը: Հանդիպմանը, ներկայ էին Թ. Հ. Թ. Թեմական խորհրդի անդամները եւ «Ա. Աւետիսեան» ազգային բուժարանի խնամակալ մարմնի նախագահ Արմինէ Սէթխանեանը: Հանդիպմանը թեմակալ առաջնորդը կարեւորութեամբ ընդգծեց, որ Իրանը պատմութեան ընթացքում զանազան կրօնների խաղաղ գոյակցութեան վայր է եղել եւ սա հարստութիւն է հանդիսանում Իրանի համար, որովհետեւ դրանով Իրանը իր դրական պատկերն է ցոյց տալիս աշխարհին: Դոկտ. Խազալին եւս կարեւորութեամբ անդրադարձաւ քրիստոնէութեան եւ իսլամի համամարդկային արժէքներին:
Այսու յայտնում ենք Թեհրանի մեր սիրելի ժողովրդին, որ գեղեցիկ եւ դաստիարակիչ աւանդութեան համաձայն, յառաջիկայ ուրբաթ, 31 Դեկտեմբերի կէս գիշերւայ ճիշդ ժամը 12:00-ին Նոր տարւայ առիթով մատուցւելու է հանդիսաւոր Ս. եւ Անմահ Պատարագ, Թեհրանի մեր հետեւեալ եկեղեցիներում Ս. Սարգիս, Ս. Աստւածածին, Սրբոց Վարդանանց, Սրբոց Թարգմանչաց եւ Ս. Գրիգոր Լուսաւորիչ եկեղեցիներում:
Իրանում բոլոր կրօնական ազգային համայնքները վայելում են կառավարութեան եւ գլխաւորաբար գերագոյն իշխանութեան պաշտպանութիւնն ու յարգանքը: Այդ իրողութեան կենդանի փաստերից է Ամանորեան եւ Սուրբ Ծննդեան տօներին փոքրամասութիւննեի նահատակաց ընտանիքներին եւ կազմակերպութիւններին պետական այրերի եւ հիմնարկների ներկայացուցիչների կողմից տրւած շնորհաւորական ու գօտեպնդիչ այցելութիւնները: Այս տարի եւս շարունակւեց կառավարութեան բարեբաստիկ այդ սովորութիւնը:
Այսու յայտնում ենք մեր ժողովրդի սիրելի զաւակներին, որ նկատելով աշխարհում եւ մեր երկրում տիրող համեմատաբար մեղմացող համաճարակի պարագան, Կրօնական Խորհուրդը իր վերջին նիստում գումարւած 20 դեկտեմբեր 2021-ին, Ազգային առաջնորդարանի դահլիճում եւ նախագահութեամբ թեմիս առաջնորդ Գերշ. Տ. Սեպուհ Ս. Արք. Սարգսեանի որոշեց պատշաճ ձեւով կատարել կրօնական արարողութիւնները հետեւեալ ժամանակացոյցով՝
Հայ համայնքիս կազմակերպութիւններին ու կառոյցներիս պետական այրերի կողմից տրւած այցելութիւնների շրջանկում, յատկանշական է նաեւ կառավարութեան խօսնակ Ջահրոմիի շաբաթ օրւայ այցը «Ա. Աւետիսեան» Ազգային բուժարան:
Այս տարի շաբաթ թւականիս դեկտեմբերի 25-ը համընկնում էր Քրիստոնէական Սուրբ Ստեփանոս Նախավկայ Սարկաւագի տօնին, որի առիթով նախագահութեամբ թեմիս բարեխնամ Առաջնորդ՝ Գերշ. Տ. Սեպուհ. Սրբ. Արք Սարգսեանի եւ ձեռամբ Արժ. Տ. Մաշտոց Քահանայ Խաչատրեանի Սուրբ եւ Անմահ Պատարագ մատուցւեց Թեհրանի Սրբոց Վարդանանց եկեղեցում:
Երեքշաբթի թւականիս դեկտեմբերի 21-ի առաւօտեան, Թեմիս Առաջնորդ գերշ. Տ. Սեպուհ Ս. Արք. Սարգսեանն իր գրասենեակում ընդունեց Աւետարանական համայնքի երբեմնի Վերապատւելի Արշաւիր Երիցեանի որդի՝ պրն. Արամ Երիցեանին:
Շաբաթ թւականիս դեկտեմբերի 18-ին, Թեմիս բարեխնամ Առաջնորդ Տ. Սեպուհ Ս. Արք. Սարգսեանն ընկերակցութեամբ Արժ. Տ. Գրիգորիս Քահանայ Ներսէսեանի մասնակցեց Ասորի Քաղդէական կաթոլիկ Սուրբ Աստւածածին եկեղեցու վերաբացման եւ վերաօծման առիթով մատուցւող Սուրբ եւ Անմահ Պատարագին, որը մատուցւեցՈւրմիայի Արք. Թովմաս Միրէմի ձեռամբ:
Հայ մամուլն իր ծագման օրից ի վեր դարձաւ ոչ միայն անբաժան մասնիկը հայ ժողովրդի, այլեւ դարձաւ նրա ֆիզիքական, հոգեկան ու բարոյական գոյութեան խթանիչ ներուժը, իսկ հայրենի հողից դուրս արմատացած եւ ծիլ առած մամուլն եղաւ նաեւ աշխարհասփիւռ հայ ժողովրդի հայապահպանման պատւանդանը եւ հայակերտման դարբնոցը՝ հայ լեզւի պահպանումով եւ մեր մշակութային, հոգեւոր, բարոյական եւ ազգային աւանդոյթների ու արժէքների տարածումով ու պաշտպանութեամբ եւ ամենանւիրականն ու ամենաէականը՝ մեր ժողովրդի պահանջատիրութեան ու մեր անժխտելի եւ անքակտելի իրաւունքների ձեռքբերման ի խնդիր առաջ տարւող աշխատանքով եւ ազգային գերագոյն իդէալների ու իղձերի սերունդէ սերունդ փոխանցումով:
Թ.Հ.Թ. Թեմական խորհրդի հրաւէրով, երեքշաբթի եւ չորեքշաբթի թւականիս դեկտեմբերի 14 եւ 15-ին, ատենապետութեամբ ճրտպ. Նորայր Արամեանի եւ ներկայութեամբ Թեմական խորհրդի անդամների գումարւեցին 16-րդ Պատգամաւորական ժողովի դեկտեմբերի 4-ի նիստում հաստատւած Ազգային մարմինների Անդրանիկ նիստերը, որի ընթացքում կատարւեցին դիւանի ընտրութիւնները եւ փոխանցւեցին ապագայ գործունէութեան ուղեցոյցերը, որոնք կարելի է ամփոփել ըստ հետեւեալի՝