Նկատի ունենալով երկրում տիրող կորոնավիրուս համաճարակից գոյացած առողջապահական ճգնաժամային իրավիճակը եւ այդ բերումով Ազգային առաջնորդարանի պաշտօնէութեան աշխատանքային ժամերի սահմանափակումը, որոշում ընդունւեց դիմողների թիւը նւազեցնելու նպատակով, բոլոր ծառայութիւնները հնարաւորինս կատարել հեռակայ կարգով, ուստի անհրաժե’շտ է ընդունելութեան ժամ ապահովելու եւ նախնական համադրումներ կատարելու համար կապւել՝ 88901634-36 հեռախօսահամարներով:
Նկատի ունենալով երկրում տիրող համաճարակային ահաւոր իրավիճակը եւ կորոնավիրուսից վարակւածների ու մահւան աճի արձանագրումը, Թեմիս հաւատացեալ եւ բարեպաշտ զաւակների ուշադրութեանն ենք յանձնում, կրօնական արարողութիւններին՝ մկրտութիւն, պսակ, հոգեհանգիստ եւ պատարագներին հնարաւորինս մասնակցել նւազագոյն թւով եւ անմիջական հարազատներով, անշուշտ նկատի առնելով առողջապահական բոլոր թելադրանքները (դիմակ կրելը եւ ընկերային հեռաւորութեան պահպանումը) արարողութեան ողջ ընթացքին։
Ամէն անգամ երբ գրիչը ձեռքս առած ուզում եմ մօր մասին ինչ որ բան գրել, դժւարանում եմ մի բան գրել, ոչ թէ որովհետեւ գրելիք չկայ կամ չեմ կարող գրել այլ պարզապէս նրա համար, որ այնքան բան կայ գրելիք մօր, մօր տիպարի եւ մայրութեան նւիրական գաղափարի մասին, որ չգիտես որտեղից սկսել եւ որտեղ վերջակէտ դնես։ Այո՛, մայրութեան խորհուրդը անսահման է եւ անհուն եւ մենք հունաւոր էակներս դժւարանում ենք բառերով, թանձրացեալ ձեւով այն արտայայտել։
Երեքշաբթի, ապրիլի 6-ի կէսօրին Թ.Հ.Թ. Թեմական խորհրդի անդամ եւ Հայոց Ցեղասպանութեան 106-ամեակի ոգեկոչման յանձնախմբի հետ կապ՝ Հարմիկ Աւետեանը եւ նոյն յանձնախմբի նախագահ՝ Ալէքս Կարապետեանը հանդիպեցին Իրանի Իսլ. Խորհրդարանում Թեհրանի եւ հիւսիսային իրանահայութեան պատգամաւոր՝ Արա Շահվերդեանին:
Շաբաթ՝ 3 ապրիլին մեր Տիրոջ Յիսուս Քրիստոսի Հրաշափառ Յարութեան Տօնի առիթով, Թեհրանի բոլոր եկեղեցիներում տեղի ունեցաւ ճրագալոյցի արարողութիւն եւ Սուրբ եւ Անմահ Պատարագ։
Ըստ ընկալեալ աւանդոյթի այս անգամ եւս Թեմիս Բարեխնամ Առաջնորդ` Գերշ. Տ. Սեպուհ Ս․ Արք. Սարգսեանը իր հոգեւոր հօտին այցելութիւն տալու նպատակով, Զէյթուն թաղամասի Ս. Գրիգոր Լուսաւորիչ եկեղեցում մատուցեց Սուրբ եւ Անմահ Պատարագ։ Արարողութեանը ներկայ էր ԻԻ խորհրդարանում հիւսիասային իրանահայութեան պատգամաւոր` Արա Շահվերդեանը։
Աւագ Ուրբաթ օրը, Թեհրանի բոլոր եկեղեցիներում կատարւեց Տեառն մերոյ Յիսուս Քրիստոսի կարգ թաղման արարողութիւնը, եւ հաւատացեալ ժողովուրդը նկատառելի թւով հաղորդակցւելով օրւայ խորհրդին, իր յարգանքը մատուցեց Տիրոջ գերեզմանը խորհրդանշող կառոյցին ու Նրա հետ թաղւելով հայցեց Նրա յարութեան կերպարակցութիւնը։
Սրբազան Հայրը ըստ աւանդոյթի այս անգամ եւս այս հոգեպարար արարողութեանը մասնակցեց եւ նախագահեց Սրբոց Թարգմանչաց եկեղեցում եւ իր յաւուր պատշաճի հայրական պատգամը փոխանցեց հաւատաւոր ժողովրդին։
Հայոց առաքելական եկեղեցին այս տարի Յիսուս Քրիստոսի երկրային կեանքի վերջին շաբաթը, Աւագ շաբաթը եզրափակող արարողութիւններից Սուրբ հաղորդութեան խորհուրդի հաստատման, Ոտնալւայի ու խաւարման կարգը վերապրեց Ապրիլի 1-ին։
Այս առիթով, Թեհրանի բոլոր եկեղեցիներում տեղի ունեցաւ յաւուր պատշաճի արարողութիւն։ Սուրբ Սարգիս Մայր եկեղեցում կրօնական արարողութեանը նախագահում էր՝ Թեմիս բարեխնամ առաջնորդ Գերշ. Տ. Սեպուհ Արք. Սարգսեանը։
Յանուն Հօր եւ Որդւոյ եւ Հոգւոյն Սրբոյ, Ամէն.
Յիսուսի յանդիմանախառն այս խօսքերը ուղղւած էին Թովմաս Առաքեալին, որ առաքեալների հետ չէր, երբ նա իր հրաշափառ յարութիւնից յետոյ, առաջին անգամ, երեւաց նրանց։ Առաքեալները գոհունակութեամբ Թովմասին ասացին.«Մենք տեսանք Տիրոջը»։ Թովմասն ասաց.«Մինչեւ որ հետքերը չտեսնեմ նրա ձեռքերի մէջ եւ մատներս չդնեմ գամերի տեղն ու ձեռքս չդիպցնեմ նրա կողին չեմ հաւատայ»(Յհ. 20։25)։ Այս դէպքից ութ օր յետոյ երբ առաքեալները նորից հաւաքւել էին ներսում եւ այս անգամ Թովմասն էլ նրանց հետ, յանկարծ հակառակ դռների փակ լինելուն, Յիսուսն եկաւ եւ կանգնելով նրանց միջեւ ողջունեց բոլորին, ու Թովմասը տեսնելով ասաց նրան.-
«Բե՛ր քո մատը, դի՛ր այստեղ եւ տես իմ ձեռքերը, բե՛ր քո ձեռքը եւ դիպցրո՛ւ իմ կողին. անհաւատ մի՛ եղիր, այլ հաւատացեալ»(20։27)։
Այսու անձնապէս եւ յանուն մեր Պատգամաւորական Ժողովի, Կրօնական, Թեմական Խորհուրդների եւ ողջ ժողովականութեան խորազգաց ցաւակցութիւնն ենք յայտնում Էլսայեան ընտանիքին եւ միւս բոլոր հարազատներին իրենց կրած ծանր ու անփոխարինելի կորստի՝ ՆՈՐԱՅՐ ԷԼՍԱՅԵԱՆ-Ի ցաւալի մահւան առթիւ:
Այսու անձնապէս եւ յանուն մեր Պատգամաւորական Ժողովի, Կրօնական, Թեմական Խորհուրդների եւ ողջ ժողովականութեան խորազգաց ցաւակցութիւնն ենք յայտնում Տիկին Ռիմա Մելքոմեանին, Մելքոմեան եւ Կարապետեան ընտանիքներին եւ միւս բոլոր հարազատներին իրենց կրած ծանր ու անփոխարինելի կորստի՝ ԲՐՇ. ՄԵԼՔՈՄ ՍՐԿ. ՄԵԼՔՈՄԵԱՆ-Ի ցաւալի մահւան առթիւ: