Բերկրանքով և խոր գոհունակութեամբ ուրախ ենք յայտարարելու, որ՝ Տկն. Սուդաբէ և Պրն. Ռահմաթ Ֆաթեմի անուններով հայրենակիցներ, տօնական այս բարեբաստիկ օրերին, Թեհրանի հայոց թեմի առաջնորդարանին են նւիրել 100 կգ. բրինձ, 100 կգ. շաքար, 100 կգ. շաքարաւազ և 50 լիտր իւղ, համայնքիս կարիքաւոր ընտանիքներին տրամադրելու խնդրանքով:
Ամանորի կապակցութեամբ, Իրանի Իսլամական Մշակոյթի եւ Առաջնորդութեան Նախարարութեան Մշակութային Հարցերով Տեղակալ(معاون امور فرهنگی وزارت فرهنگ و ارشاد اسلامی) ՝ Սէյէդ Աբբաս Սալեհին, Հաւաքականութիւնների եւ Մշակութային Աշխատանքների Գերատեսուչ (مدیرکل مجامع و فعالیتهای فرهنگی) ՝ դոկտ. Ֆէրէյդունիի, Մշակութային Տեղակալութեան Մշակութային Հարցերի խորհրդական(مشاور فرهنگی معاونت فرهنگی) ՝ պրն. Ռէզւանիի եւ Կրօնական Փոքրամասնութիւնների Վարչութեան պատասխանատու(مسئول اداره اقلیتهای دینی) ՝ պրն. Թաղաւիի ընկերակցութեամբ այցելեց Թեհրանի Ս. Սարգիս եկեղեցի, որտեղ հանդիպում ու զրոյց ունեցաւ Թեհրանի Հայոց Թեմի բարեխնամ առաջնորդ Գերշ. Տէր Սեպուհ Ս. Արք. Սարգսեանի հետ:
Թւականիս երկուշաբթի, յունւարի 4-ին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը, Թեմական Խորհրդի ատենապետ՝ պրն. Ռուբէն Կարապետեանը, նոյն խորհրդի փոխատենապետ՝ պրն. Վարուժ Յովհաննիսեանը, Սարդարապատ, Սիփան, Հ.Ու. Չարմահալ, Նայիրի, Րաֆֆի և Արարատ միութիւնների նախագահները և նոյն միութիւններից մի խումբ երիտասարդ մարզիկներ մասնակցեցին «Իրանի Փոքրամասութիւնների և Միաստւածութեան Կրօնների Հետևորդներին Նւիրւած Համագումար»-ին:
Թեհրան նահանգի Բնական Աղբիւրների ու Ջրային Պաշարների Գերատեսչութեան Տեխնիկական հարցերով տեղակալ(معاون فنی اداره کل منابع طبیعی و آبخیزداری استان تهران)՝ ճարտգ. Հաղանին, Թեհրանի Ջրային Աղբիւրների Գերատեսչութեան Հսկիչ բաժնի պետ և Մեծայարգ Առաջնորդի ներկայացուցչութեան գրասենեակի պատասխանատու( رئیس حراست اداره کل منابع طبیعی استان تهران و مسئول نمایندگی دفتر ولایت فقیه)՝ Հոջ. Նաջջարիի, նաև Թեհրան քաղաքի Ջրի Պաշարների Ներկայացուցչութեան Գրասենեակի պատասխանատու( مسئول دفتر نمایندگی منابع طبیعی شهر تهران)՝ Հոջ. Սալարիի ընկերակցութեամբ, երեքշաբթի յունւարի 5-ին, ամանորի և Ս. Ծննդեան տօների կապակցութեամբ այցելեցին Թեհրանի Հայոց Ազգային Առաջնորդարան և հանդիպում ու զրոյց ունեցաւ Թեհրանի հայոց թեմի բարեխնամ առաջնորդ գերշ. Տէր Սեպուհ Ս. Արք. Սարգսեանի հետ:
Ամանորի առիթով ուրախ եւ նորայոյս բարեմաղթութիւնների փոխանակումները տակաւին չաւարտած, ահա մեր ժողովրդի զաւակները կրկին անգամ ցնծութեամբ եւ ուրախութեամբ պատրաստւում էին աւելի մեծ եւ սքանչելի մի Խորհուրդի յիշատակումը տօնախմբելու:
Դա այնպիսի մի Խորհուրդ է, որը թէեւ վեր էր մնում մարդկային մտքի ամէն հասողութիւնից եւ անթափանցելի ու անհասանելի էր մնում իր էութեամբ, սակայն աստւածային սիրոյ որպէս գերագոյն արտայայտութիւն, նա մեզ համար շօշափելի ու մատչելի դարձաւ իր պարզագոյն եւ ամենախոցելի իսկ վիճակում:
Թւականիս 7 յունւարի առաւօտեան ժամը 9:00-ին Թեհրանի Նոր Բուրաստանի Ս. Ստեփանոս մատուռում տեղի ունեցաւ պատարագ եւ ապա հոգեհանգիստ Հայ ազգի համայն ննջեցեալների համար:
Այսու յայտնում ենք Թեհրանի Հայոց Թեմի մեր հաւատացեալ ժողովրդին, որ շաբաթ 23 Յունւար 2016-ի Ս. Սարգիս Զօրավարի եւ իր որդուն՝ Մարտիրոսի տօնն է: Յայտնենք, որ Ս. Սարգիս Զօրավարի տօնը համընկնում է Ս. Սարգիս Առաջնորդանիստ մայր եկեղեցու անւանակոչութեան տօնին:
Արդէն գեղեցիկ աւանդութիւն է եղել 2012 թւականից, Թեհրանի երեք յարանւանական եկեղեցիների հոգեւոր Պետերի Նոր Տարւայ այցը Թեհրանի հայ Ծերանոցներին։
Միջ-Եկեղեցական Հրատարակութեան Գրասենեակի կազմակերպութեամբ եւ հովանաւորութեամբ Գրասենեակի երեք համայնքապետերի՝ Գերշ. Տ. Սեպուհ Ս. Եպս. Սարգսեան, Գրպծ. Տ. Սարգիս Արք. Դաւթեան եւ Վերապատւելի Սերգէյ Շահվերդեանի այցը նոր տարւայ առիթով Սօսէ Մայրիկ, Չիլոյեան եւ Ս. Գէորգ եկեղեցու ծերանոցները. այս առիթով նրանց ընկերակցեց Գերշ. Տ. Մակար Ս. Եպս. Աշգարեանը։
Այսօրւայ համաշխարհայնացման ժամանակահատւածում մարդ արարածը կոչւած է ինքնաճանաչումի եւ համայնաճանաչումի, այսինքն ինքնիրեն եւ իր շրջապատը ճանաչելու։ Յատկապէս միաստւածեան կրօնների հետեւորդները, եւ առաւել եւս, քրիստոնեաներն ու իսլամները կոչւած են լաւապէս միմեանց ճանաչելու, առանց մէկը միւսին հակաճառելու եւ կամ մէկը միւսը վիրաւորելու։ Ճշմարիտ ճանաչողութեամբ քրիստոնեան եւ մուսուլմանը կը դառնան իրական զաւակները տիեզերքի ստեղծիչ՝ Ամենակալ Աստծուն, որ իր անհուն սիրոյ եւ ողորմածութեան որպէս նշան դարերով ինքն իրեն յայտնեց իր գործերով, մարգարէներով, առաքեալներով ու պատգամաբերներով. սաղմոսերգու մարգարէն Դաւիթը գրում է.- «Երկինքը պատմում է Աստծու փառքը, երկնքի հաստատութիւնը յայտնում է նրա ձեռքի գործերը» (Սղ. 18.2)։ Ս. Պօղոս Առաքեալը ասում է.«Անցեալում բազում անգամներ եւ բազում ձեւերով Աստւած մեր հայրերի հետ խօսեց մարգարէների միջոցով, իսկ այս վերջին օրերին մեզ հետ խօսեց իր Որդու միջոցով» (Եբր. 1.1-2)։
Մենք խոր ցաւով իմացանք Սաուդական Արաբիոյ Իշխանութիւնների կողմից մահւան վճիռի գործադրութիւնը Շիի համայնքի հոգեւոր ղեկավարներից Շէյխ Նամըր Էլ Նամըրին։
Ներկայ ժամանակաշրջանում երբ ողջ աշխարհն խաղաղութեան, փոխադարձ յարգանքի հաստատութեան հետամուտ է Սաուդի Արաբիոյ Իշխանութիւնների այս արարքը Շիի հոգեւորականի եւ իր համախոհների նկատմամբ ինքնին դատապարտելի է եւ անարդարացի։
Մենք զգաստութեան կոչ ենք ուղղում եւ հրաւիրում Սաուդական իշխանութիւնները աւելի լայնախոհ, արդարամիտ ու աստւածահաճ գործելաոճի ի խնդիր տարածաշրջանի տագնապների լուծման։
Յանուն Թեհրանի մեր ժողովրդին եւ մեր կաթողիկոսութեան եւ Ն.Ս.Օ.Տ. Տ. Արամ Ա. Վեհափառին դատապարտում ենք ամէն տեսակի բռնարարքներ եւ խաղաղութեան, փոխադարձ յարգանքի ու սիրոյ կոչ ենք ուղղում աշխարհի եւ յատկապէս Միջին Արեւելքի ղեկավարութեան ի մասնաւորի Սաուդական Արաբիոյ Իշխանութիւններին խաղաղութեան հաստատման ի խնդիր։
ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ