Իսլամական մշակոյթի եւ առաջնորդութեան նախարարութեան մշակութային աշխատանքների, համագումարների եւ կազմակերպութիւնների գերատեսչութեան նախաձեռնութեամբ եւ Թեհրանի հայոց թեմի ազգային իշխանութեան համագործակցութեամբ չորեքշաբթի 19 յուլիս 2023 թւականի երեկոյեան ազգային առաջնորդարանի դահլիճում կայացաւ Աստւածային կրօնների միջեւ երկխօսութեան այս տարւայ ընթացքում երկրորդ համագումարը՝ «Աստւածային կրօնների դիտանկիւնից հաւատքը եւ հասարակութեան բարեկարգումը» խորագրով:

Չորեքշաբթի, 19 յուլիս 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց համայնքիս մի խումբ հայրենասէր կանանց ներկայացուցիչներին, ովքեր Արցախում տիրող իրավիճակից եւ ժողովրդի հանդէպ կիրառւող Ադրբէյջանի անմարդկային վերաբերմունքից ազդւած ու մտատանջ, դիմել էին Սրբազան Հօրը յանձնել տեսակէտներ պարունակող մի նամակ, Արցախին զօրակցելու եւ Արցախի անպաշտպան ժողովրդի ձայնը միջազգային կազմակերպութիւնների առջեւ բարձրացնելու ուղղութեամբ:

Չորեքշաբթի, 19 յուլիս 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց՝ շրջանաւարտ Պատգամաւորական Ժողովի Դիւանի գործօն ներկայացուցիչներ՝ պրն. Վահիկ Աղաքեանին եւ պրն. Յարութիւն Եղնազարեանին, ովքեր քաղաքավարական ացելութեամբ Սրբազան Հօրը հանդիպեցին եւ իրենց երախտագիտութիւնն ու շնորհակալութիւնը յայտնեցին վեց տարիների գործունէութեան ընթացքում Սրբազան Հօր հայրական հոգածութեան եւ խորհուրդների համար, որոնք օգտակար հանդիսացան աշխատանքների սահուն ընթացքին:

Երեքշաբթի, 18 յուլիս 2023 թւականի երեկոյեան, Ազգային Առաջնորդարանի դահլիճում գումարւեց 17-րդ շրջանի նորընտիր Պատգամաւորական ժողովի Անդրանիկ նիստը, հրաւէրով եւ նախագահութեամբ Թեմիս Առաջնորդ Գերշ. Տ. Սեպուհ Ս. Արք. Սարգսեանի:

Երեքշաբթի, 18 յուլիս 2023 թւականին, Թեմական խորհրդի ատենապետ ճրտպ. Նորայր Արամեանը, Ազգ. Առաջնորդարանում հանդիպում ունեցաւ Թմրամիջոցների դէմ պայքարի շտաբի մշակութային ու կանխալգելման գլխաւոր տնօրինութեան ներկայացուցիչներ` պրն. Բահրամի եւ պրն. Մոստաղիմի հետ:

ԹԵՀՐԱՆԻ «ԱԶԱՏ» ՀԱՄԱԼՍԱՐԱՆԻ ՀԱՅՈՑ ԼԵԶՒԻ ԵՒ ԳՐԱԿԱՆՈՒԹԵԱՆ ԱՄԲԻՈՆԻ ՀՈՎԱՆԱՒՈՐ ՀԻՄՆԱԴՐԱՄԻՑ ՍՏԱՑԱԾ ԵՐԱԽՏԱԳԻՏՈՒԹԵԱՆ ԵՒ ՇՆՈՐՀԱԿԱԼԱԿԱՆ ԳՐՈՒԹԻՒՆՆ ՈՒՂՂՒԱԾ ԹԵՄԱԿԱՆ ԽՈՐՀՐԴԻՆ՝ ԱՄԲԻՈՆԻ ՈՒՍԱՆՈՂՆԵՐԻՆ ՆԻՒԹԱԿԱՆ ՕԺԱՆԴԱԿՈՒԹԻՒՆ ՑՈՒՑԱԲԵՐԵԼՈՒ ԿԱՊԱԿՑՈՒԹԵԱՄԲ

17 յուլիսի 2023

Ն. Ս. Օծութիւն
Տ. Տ. Արամ Ա. Կաթողիկոս Մեծի Տանն Կիլիկիոյ
Անթիլիաս.

Վեհափառ Տէր,
Սրտի դառն կսկիծով լսեցինք մահւան գոյժը Ձեր սիրեցեալ կրտսեր եղբօր Հրաչ Քեշիշեանի համեմատաբար երիտասարդ տարիքի:
Խորապէս ցաւում ենք Վեհափառ տէր, սիրելի Հրաչի վաղահաս մահւան առիթով եւ անձնապէս ու յանուն մեր ազգային իշխանութեան հոգեւորական եւ աշխարհական դասի մեր խորազգաց վշտակցութիւնն ենք յայտնում Ձեզ, հանգուցեալի տիկնոջ, Ձեր եղբայրներին, Քեշիշեան ընտանիքին եւ բոլոր հարազատներին:
Աղօթում ենք իր հոգւոյն խաղաղութեան համար, հայցելով միաժամանակ Ս. Հոգւոյ մխիթարութիւնը՝ Ձեզ, հանգուցեալի տիկնոջ, ընտանեկան բոլոր պարագաներին:
Աղօթում ենք նաեւ Ձերդ սրբութեան արեւշատութեան, առողջութեան եւ բարւօք գործերի յաջողութեան համար:
Մնամք մատչելով ի համբոյր Ձերդ սրբութեան Օծեալ Ս. Աջոյն:

ԽՈՆԱՐՀԱԲԱՐ`
ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

Կիրակի թւականիս յուլիսի 16-ին, Թեհրանի բոլոր եկեղեցիներում տօնակատարւեց Յիսուս Քրիստոսի պայծառակերպութեան տօնը:

Սուրբ Սարգիս եկեղեցում Կրօնական արարողութիւնը նախագահում էր Թեմիս Առաջնորդ Գերշ. Տ. Սեպուհ. Ս. Արք. Սարգսեանը: Սուրբ եւ Անմահ Պատարագ մատուցւեց ձեռամբ Արժ. Տ. Արիստակէս. Քհնյ. Շահմիրեանի։

Այսու ուրախութեամբ մեր սիրելի ժողովրդի զաւակներին յայտնում ենք, որ յառաջիկայ կիրակի 23 Յուլիս 2023-ին, յընթացս Ս. պատարագի Թեհրանի մեր բոլոր եկեղեցիներում, ընթերցւելու է Ս. Աթոռիս Վեհափառ Հայրապետ Ն. Ս. Օ. Տ. Տ. Արամ Ա. կաթողիկոսի Կոնդակը՝ նւիրւած Հայ եկեղեցու մեծանուն Հայրապետ Ս. Ներսէս Շնորհալու վախճանման 850-ամեակին:

Մեր հաւատացեալ ժողովրդին հրաւիրում ենք, որ այդ օրը անպայմանօրէն եկեղեցիներում ներկայ լինեն եկեղեցական արարողութեանց լսելու Վեհափառ Հայրապետի Կոնդակը եւ հաղորդւելու Ս. Ներսէս Շնորհալի Հայրապետի կեանքի խորհուրդով:

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Ազգի գոյութիւնն ու ինքնութիւնը պայմանաւորւած է նրա հողով, հայրենիքով, պետականութեամբ, լեզւով ու մշակոյթով։ Լեզուն ազգի հիմքն է։ Ամէն ազգ ապրում է իր լեզւով։ Սա միակ տարրն է, որը տարբերութիւն է դնում ազգերի միջեւ:

Սփիւռքում մեծագոյն մարտահրաւէրը լինելու է՝ մնալ հայ, պահել մեր ինքնութիւնը եւ գոյատեւել որպէս հայ ազգի արժանաւոր զաւակներ, որը կիրականանայ միայն ու միայն Հայեցի Դաստիարակութեամբ: