Թեհրանի Հայ Դատի յանձնախումբ՝ Հայկական հարցերի Ուսումնասիրութեան կենտրոնը (ՀՈՒՍԿ) բոլորեց իր գործունէութեան 40-ամեակը:

Չորեքշաբթի, թւականիս մարտի 1-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում հիւրընկալեց Թեհրանի Հայ Դատի յանձնախմբի՝ «ՀՈՒՍԿ» հաստատութիւն նախաձեռնութեամբ կազմակերպւած «Հայ Դատն Այսօր» 14-րդ խորհրդաժողովին մասնակցելու նպատակով, Հայաստանից Թեհրան ժամանած՝ ՀՅԴ Բիւրոյի անդամ եւ Բիւրոյի Հայ Դատի ու քաղաքական հարցերի գրասենեակի պատասխանատու՝ Կիրօ Մանոյեանին, ՀՅԴ Հայաստանի Գերագոյն Մարմնի ներկայացուցի՝ Իշխան Սաղաթելեանին, ՀՀ Ազգային ժողովի պատգամաւոր՝ Աննա Գրիգորեանին, Քաղաքական գիտութիւնների թեկնածու եւ Ադրբեջանի հարցերի փորձագէտ՝ Անժելա Էլիբեգովաին, Քաղաքագէտ՝ Հրանտ Մելիք-Շահնազարեանին եւ Իրանագէտ՝ Ահարոն Վարդանեանին: Հիւրերին ընկերակցում էին Ազգային հասարակական գործիչ՝ Գառօ Յովհաննիսեանը, «Ալիք» հաստատութեան ներկայացուցիչ՝ Սեւան Դանիէլեանը, «Հուսկ» հաստատութեան Հայ դատի յանձնախմբի նախագահ՝ Իսիկ Իւնանէսեանը եւ Հայ Դատի ենթայանձնախմբի անդամ՝ Ռայմոնդ Թորոսեանը: Հանդիպմանը նաեւ ներկայ էին Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը եւ պրն. Սեւան Մուսախանեանը:

Երեքշաբթի, թւականիս փետրւարի 28-ին, Թեմական խորհրդի ատենապետ ճրտպ. Նորայր Արամեանը հանդիպում ունեցաւ դիրիժոր՝ մայեստրօ Ռազմիկ Օհանեանի հետ:

Չորեքշաբթի, թւականիս մարտի 1-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Մարմնամտային երեխաներին օժանդակող «Ակունք» կենտրոնի տեսչուհի Վանուշ Թեւանեանին, փոխտեսչուհի Լուսինէ Յովհաննիսեանին եւ նկարչութեան ուսուցչուհի Հերմինէ Ղարաբէգլուին, ովքեր եկել էին Սրբազան Հօր հովանաւորութիւնը խնդրելու կենտրոնի սաների նկարչական աշխատանքների ցուցահանդէսի կազմակերպման եւ Սրբազան Հօրն հրաւիրելու բացման ծրագրին, որը տեղի կունենայ թւականիս մայիսի 11-ին, «Նայիրի» միութեան «Արցախ» սրահում:

Երկուշաբթի, թւականիս փետրւարի 27-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Ի.Ի. Հանրապետութիւնում հաւատարմագրւած Ֆրանսիայի նորանշանակ դեսպան՝ Նիկոլա Ռոշին եւ իրեն ընկերակցող դեսպանատան պաշտօնեայ-խորհրդատու՝ Էդւարդ Դամբրին:

Շաբաթ, թւականիս փետրւարի 25-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց օր. Շարիս Մելքոմ Աբգարին, ով եկել էր Սրբազան Հօրը հրաւիրելու «ՊԱՐՏՔ» անհատական ցուցահանդէսի բացման հանդիսութեանը, որը տեղի կունենայ հինգշաբթի, թւականիս մարտի 2-ին:

Երկուշաբթի, թւականիս փետրւարի 20-ին, «Թունեան-Թովմասեան» դպրոցի սրահում, Կրթական խորհրդի նախաձեռնութեամբ տեղի ունեցաւ խորհրդակցական հանդիպում հայոց դպրոցների ծնողական խորհուրդների անդամների հետ:

Թ. Հ. Թ. Կրթական խորհրդի նախաձեռնութեամբ՝ եւ Մշակութային յանձնախմբի կազմակերպութեամբ՝ ուրբաթ, փետրւարի 24-ի առաւօտեան ժամը 10:30-ից մինչեւ ուշ երեկոյ ժամը 21:00-ը կայացաւ աշակերտական Մշակութային փառատօնի երկրորդ բաժինը՝ երաժշտական գործիքների փառատօնը:

Հինգշաբթի, թւականիս փետրւարի 23-ին, Սրբազան Հայրն ընկերակցութեամբ Ազգ. Առաջնորդարանի դիւանապետ Զօրիկ Կարապետեանի այցելեց Իրանի ոսկերչական 14-րդ միջազգային ցուցահանդէս, որտեղ «Օհանեան» ոսկերչական ընկերութեան տաղաւարը այլ ընկերութիւնների կողքին, այցելուներին է ներկայացնում երկրի նորագոյն ձեռքբերումները՝ ոսկու եւ ոսկերչական արդիւնաբերութեան ոլորտում:

Ապրիլ 24-ի 108-ամեակի ոգեկոչման եւ Հայաստանի Առաջին Հանրապետութեան 105-ամեակի տօնակատարութեան Կենտրոնական յանձնախմբերը Թեմական խորհրդի կողմից կեանքի կոչւելով, թւականիս փետրւարի 14-ին Ազգ. Առաջնորդարանի դահլիճում, ճրտպ. Նորայր Արամեանի ատենապետութեամբ գումարեցին իրենց Անդրանիկ նիստերը, որի ընթացքում կատարւեցին աշխատանքների բաժանումները: