Նկատի առնելով երկրում տիրող կորոնավիրուս համաճարակի պատճառով գոյացած առողջապահական ճգնաժամային իրավիճակը եւ պետութեան կողմից սահմանւած երթեւեկութեան եւ բազմամարդ վայրերում ներկայութիւն չունենալու արգելքները` մեր սիրելի հայրենակիցների ուշադրութեան ենք յանձնում, որ երկու շաբաթով՝ մինչեւ դեկտեմբերի 7-ը, թեհրանի բոլոր եկեղեցիներում դադարեցւում են կրօնական արարողութիւնները:
Սիրելի Հայրենակիցներ,
Վերջին օրերի ընթացքում, ամբողջ երկրի մասշտաբով համավարակի տարածման զգալիօրէն աճի հետեւանքով, կորոնավիրուսի դէմ պայքարի շտաբի կողմից կիրառւել են խիստ սահմանափակումներ։
Արդ նկատի ունենալով, որ վերջին մէկ ամսում, մեր համայնքում նաեւ համավարակի հետեւանքով, մահացութեան դէպքերի կտրուկ աճ է արձանագրւել, յորդորում ենք, որ առաւել աչալրջութեամբ եւ բծախնդրութեամբ հետեւել հակահամավարակային անվտանգութեան կանոնները՝ մնանք տանը եւ խուսափենք բազմամարդ վայրերում գտնւելուց, յաճախակի լւանանք ձեռքերը, պահպանենք սոցիալական հեռաւորութիւնը, և կրենք դիմակ:
Ի հետեւութիւն երկու վեհափառ հայրապետների տնօրինումին, այսուհետ 22 նոյեմբերը հաստատւեց որպէս Արցախեան գոյամարտի նահատակների օր։ Այդ իսկ առիթով կիրակի, յետ Ս. եւ անմահ պատարագի, Թեհրանի մեր բոլոր եկեղեցիներում տեղի ունեցաւ հանդիսաւոր հոգեհանգստեան արարողութիւն Արցախեան 44 օրեայ գոյապայքարի ընթացքին զոհւած հայ նահատակների հոգիների խաղաղութեան համար։
Շաբաթ առաւօտեան 21 Նոյեմբերին, տօնն էր Ս․ Կոյս Մարիամ Աստւածածնի երից ամաց տաճար ընծայեման։ Աւանդութեան համաձայն, երբ Սուրբ Կոյս Մարիամ Աստւածածինը երեք տարեկան եղաւ, իր բարեպաշտ եւ աստւածավախ ծնողները՝ Յովակիմն ու Աննա, նրան ընծայեցին Աստծու տաճարին, ուր մնաց մինչեւ իր նշանախօսութիւնը։
Ի հետեւութիւն երկու վեհափառ հայրապետների տնօրինումին, յառաջիկայ կիրակի 22 նոյեմբեր 2020, յետ Ս. եւ անմահ պատարագի, Թեհրանի մեր եկեղեցիներում տեղի է ունենալու հանդիսաւոր հոգեհանգստեան արարողութիւն Արցախեան 44 օրեայ գոյապայքարի ընթացքին զոհւած հայ նահատակների հոգիների խաղաղութեան համար։
Իւրաքանչիւր տարի Իրանի Կարգապահական ուժերի շաբաթւայ առիթով, երկրի փոքրամասնութիւնների նախաձեռնութեամբ նշւում է Կարգապահական ուժերի օրը, ինչը այս տարի կորոնաժահրի բերումով առաջացած առողջապահական ճգնաժամային պայմաններում չիրականացաւ։
Առ այդ երկուշաբթի թւականիս նոյեմբերի 16-ին, Թեմական խորհրդի ատենապետ Նորայր Արամեանը ընկերակցութեամբ Ազգ. Առաջնորդարանի դիւանապետ Զօրիկ Կարապետեանի, Թեհրանի Կարգապահական ուժերի հրամանատարութեան շտաբ այցելելով հանդիպում են ունեցել հրամանատար գեներալ Ռահիմիի հետ։
Արցախեան 45-օրեայ պատերազմի հանգուցալուծման կապակցութեամբ, թւականիս նոյեմբերի 10-ին ստորագրւած սահմռկեցուցիչ համաձայնագիրը ցնցեց բոլորիս հոգին։
Համաձայնագիր, որը գաղտնի բանակցութիւնների արդիւնքում, միանձնեայ պատասխանատւութեամբ, առանց ազգային, եկեղեցական եւ քաղաքական գործիչների նաեւ հասարակութեան տեղեկացնելու, դրոշմւեց ՀՀ վարչապետ Նիկոլ Փաշինեանի ստորագրութեամբ՝ թշնամուն սկուտեղի վրայ յանձնելով 30 տարիների ընթացքում մեր հայորդիների արեան գնով ազատագրւած հազարամեայ պապենական հողերը եւ ընդունելով թշնամու բոլոր նւաստացուցիչ պայմանները, որից կարեւորագոյնը կարելի է համարել Թուրքիայի եւ Ադրբեջանի տարիների նպատակը՝ Ադրբեջանի Հանրապետութեան արեւմտեան շրջանների եւ Նախիջեւանի ինքնավար Հանրապետութեան միջեւ երկու ուղղութիւններով կապ հաստատելու հնարաւորութիւնը, որի համար բացւելու են Հայաստանի հարաւային դարպասները։
Շաբաթ նոյեմբերի 7-ին՝ Ղոմում տեղի ունեցաւ «Յարգանք այլ կրօնների նկատմամբ եւ խօսքի ազատութիւն» խորագրով հեռավար առցանց լրատւական նիստը։ Այս նիստը գումարւել էր ի պատասխան իսլամի մարգարէ Մոհամադի հասցէին հնչեցւած անարգանքի, որն ուղիղ եթերով սփռւեց մի շարք առցանց հեռուստակայաններից։
Նիստին իր մասնակցութիւնն էր բերել Թեմիս Բարեխնամ Առաջնորդ՝ Գերշ. Տ. Սեպուհ Ս. Արք. Սարգսեանը «Կոչ խաղաղութեան եւ դատապարտութեան» խորագրով դասախօսութեամբ։
Մուհամէտ մարգարէի ծննդեան տօնի առիթով շնորհաւորում ենք Իսլամական աշխահի մեր եղբայրներին ու քոյրերին եւ յատկապէս իրանի Իսլամական հանրապետութեան քաղաքացի մեր եղբայրներին ու քոյրերին ու երկրի հոգեւոր ու աշխարհիկ ղեկավարութեան եւ բոլորին մաղթում առողջութիւն, յաջողութիւն եւ երկար կեանք։
Կրօնների հիմնադիրները իրենց ուսուցումներով մարդկութեան առաջնորդներն ու լուսաւոր ճանապարհ ցոյց տւողներն են եւ մարդկութիւնը պարտի միշտ յարգալից վերաբերմունք ունենայ նրանց նկատմամբ։ Ոչ միայն այդքան այլ կրօնների նւիրական սրբութիւններն ու նշանները նոյնքան պէտք է զերծ պահւեն անարգական արտայայտութիւններից, արարքներից։
Ուրբաթ, հոկտեմբերի 30-ին, երեկոյեան Արեւելեան Ասորի եկեղեցու յատուկ հրաւէրով Ս. Գէորգիս առաջնորդանիստ եկեղեցում տեղի ունեցաւ մամլոյ ասուլիս Կրօնական սրբութիւնների նկատմամբ անարգալից վերաբերմունքը դատապարտելու նպատակով:
Այս ասուլիսին ներկայ էին՝ ասորի, քաղդէական կաթոլիկ եկեղեցու ներկայացուցիչ՝ Հայր Վանիա Սարգիսը, Ասորի Աւետարանական հոգեւոր հովիւ՝ Նինուս Մողադասնիան, հրեայ համայնքի հոգեւոր հովիւ՝ Հախամ Համամի Լալեզարը եւ Իսլամական մշակոյթի ու քարոզչութեան փոքրամասնութիւնների պատասխանատու՝ Ալիփուրը եւ հիւրընկալ Մար-Ներսէյ Բենիամին արքեպիսկոպոսը: Հանդիպմանը Թեհրանի հայոց թեմի առաջնորդ Տ. Սեպուհ արք. Սարգսեանի կողմից ներկայ էր Տ. Գրիգորիս քհնյ. Ներսիսեանը։