Աշխարհի կրօնները եւ յատկապէս Միաստւածեանները ռահվիրաններ են խաղաղութեան, սիրոյ, համերաշխութեան եւ համատեղ կեցութեան: Քրիստոնէութիւնը ըստ էութեան սիրոյ կրօնն է: Նոյնն է նաեւ իսլամութիւնը, որի անունը ցուցանիշ է խաղաղութեան:
Դժբախտաբար աշխարհը, մարդիկը խռովութիւնը եւ սպանութիւնը նախընտրում են սիրուց եւ խաղաղութիւնից: Սրա գլխաւոր պատճառը աշխարհը կրօնից եւ Աստծուց հեռացումն է: Համաշխարհայնացած եւրոպան կարծէք (խօսքի ազատութիւն) լոզունքի տակ ինքն իրեն իրաւունք է վերապահել անյարգելու կրօնն ու կրօնական ճշմարտութիւնները այլ եւ ճշմատութեան առաքեալները:
Նկատի առնելով երկրում տիրող կորոնավիրուս համաճարակի պատճառով գոյացած առողջապահական ճգնաժամային իրավիճակը եւ վիրուսի տարածման նոր թափը, ինչպէս նաեւ համայնքիս մէջ վերջին օրերի ընթացքում արձանագրւած մահացութեան եւ վարակւածների թւի աճը, կրկին անգամ կոչ ենք ուղղում մեր հայրենակիցների առաւել քան երբեւէ զգօն լինել եւ ուշիուշով հետեւել երկրի Առողջապահութեան նախարարութեան միջոցով հաղորդւող յորդորներին։
Կիրակի՝ հոկտեմբերի 25-ին Գիւտ Սուրբ Խաչի տօնին, Թեմիս Բարեխնամ Առաջնորդ՝ Գերշ․ Տ․ Սեպուհ Ս․ Արք․ Սարգսեանի նախագահութեամբ՝ եւ Կրօնական խորհրդի կազմակերպութեամբ, Թեհրանի բոլոր եկեղեցիներում տեղի ունեցաւ «ՍՈՒՐԲ ԵՒ ԱՆՄԱՀ ՊԱՏԱՐԱԳ ԵՒ ՅԱՏՈՒԿ ԱՂՕԹՔ ՀԱՅԱՍՏԱՆԻ ԵՒ ԱՐՑԱԽԻ ԽԱՂԱՂՈՒԹԵԱՆ, ԵՒ ՀԱՅՐԵՆԻՔԻ ՊԱՇՏՊԱՆՈՒԹԵԱՆ ՀԱՄԱՐ ԶՈՀՒԱԾՆԵՐԻ ՀՈԳԻՆԵՐԻ ՀԱՆԳՍՏԵԱՆ ՀԱՄԱՐ ՀՈԳԵՀԱՆԳՍԻ ԱՐԱՐՈՂՈՐԹԻՒՆ»։
Այս առիթով Առաջնորդ Սրբազան Հայրը իր հայրական պատգամն ուղղեց իրանահայութեանը, որը ամբողջութեամբ կը ներկայացնենք ստորեւ։
Շաբաթ 24 հոկտեմբեր 2020 երեկոյեան ժամը 16։30 -17։30 եւ կիրակի 25 հոկտեմբերի առաւօտեան ժամը 9։00-երեկոյեան 16:00 Թեհրանի մեր ծխական եկեղեցիներում կազմակերպութեամբ Թ.Հ.Թ. Կրօնական խորհրդի եւ Նախագահութեամբ Թեմիս Բարեխնամ Առաջնորդ Տ. Սեպուհ Ս. Արք. Սարգսեանի տեղի ունեցան կրօնական արարողութիւններ (կիրակնամուտի ժամերգութիւն եւ Ս․ Պատարագ) եւ երիտասարդական մոմավառութիւն վասն խաղաղութեան եւ հայ նահատակների հոգիների հանգստեան համար։
Այսու յայտնում ենք մեր ժողովրդի սիրելի զաւակներին, որ յառաջիկայ շաբաթ 24 հոկտեմբեր 2020 երեկոյեան ժամը 16։30 -17։30 եւ կիրակի 25 հոկտեմբերի առաւօտեան ժամը 9։00-երեկոյեան 16:00 Թեհրանի մեր ծխական եկեղեցիներում տեղի է ունենալու կրօնական արարողութիւններ (կիրակնամուտի ժամերգութիւն եւ Ս․ Պատարագ) եւ երիտասարդական մոմավառութիւն վասն խաղաղութեան եւ հայ նահատակների հոգիների հանգստեան համար, իսկ կիրակի 25 հոկտեմբերի առաւօտեան յաւարտ Ս․ եւ Անմահ Պատարագի տեղի է ունենալու հոգեհանգստեան յատուկ արարողութիւն հայ նահատակների եւ պատերազմի զոհ գնացած անմեղ քաղաքացիների հոգիների խաղաղութեան համար ինչպէս նաեւ Արցախ - Ադրբեջան, Թուրքիա պատերազմի դադարեցման ի խնդիր։
Թւականիս 21 Հոկտեմբերին, Ազգային առաջնորդարանի դահլիճում Թեմիս Բարեխնամ Առաջնորդ՝ Տ․ Սեպուհ Ս․ Արք․ Սարգսեանի նախագահութեամբ, կրօնական խորհուրդի եւ քահանայից դասի մասնակցութեամբ՝ հոգեւորականների առաւել եւս աչալուրջ կերպով հոգեւոր ծառայութիւնների մատուցման եւ Արցախում ու Հայաստանում տեղի ունեցող հակաահաբեկչական պատերազին եւ հայ ժողովրդին եւ հայ զինւորին զօրավիգ հանդիսանալու համար տեղի ունեցաւ խոհրդակցական ժողով-հանդիպում։
Սիրելի հայրենակիցներ,
Համաշխարհայնացւած-կլոբալիզացւած այսօրւայ աշխարհը կանգնած է բազմազան եւ բազմապիսի մարտահրաւէրների առաջ։ Աշխարհի այսպէս կոչւած տէրերը, աւելի ճիշտ իրենք իրենց տէր կարծողները դժւարանում են իմանալ եւ կամ ճիշտ կերպով գնահատել թէ իրականութիւնում ի՞նչ է պատահում այս պահին, իրենց շրջապատում եւ կամ որո՞նք են իրողապէս այսօրւայ մարտահրաւէրներն ու այլընտրանքները, որոնցով եւ կարողանան ճիշտ կերպով կողմնորոշւել եւ դրանք դարձնեն իրենց ուշադրութեան առանցքը։
Այսու մեր ժողորդի զաւակներին յայտնում ենք, որ մեր Ազգային իշխանութիւնը թելադրութեամբ Վեհափառ Հայրապետի ամէն հնարաւոր միջոցների է դիմում Ղարաբաղեան հարցերը պատմական ճշգրտութեամբ ներկայացնել հասարակութեան, յատկապէս՝ ոչ հայ հասարակութեան:
Առ այդ ներկայացնում ենք Վեհափառ Հայրապետի՝ Թեմիս Բարեխնամ Առաջնորդ՝ Տ․ Սեպուհ Ս․ Արք․ Սարգսեանին եւ Ազգային Իշխանութեան ուղեալ հետեւեալ շրջաբերական նամակը:
Թայլանդում հաստատւած Ասիայի Եկեղեցիների խորհրդի (CCA) ընդհանուր քարտուղար՝ դոկտ. Մատթիոս Ջորջը ընդառաջելով Թեհրահի Հայոց Թեմի առաջնորդ Սեպուհ Արք. Սարգսեանի առաջարկին յատուկ յայտարարութեամբ խստօրէն դատապարտեց թրքա-ադրբեջանական ահաբեկչական յարձակումը Արցախի վրայ:
Շղթայազերծւած յարձակումի պատճառով Լեռնային Ղարաբաղի մայրաքաղաքը Ստեփանակերտ, Շուշի եւ այլ քաղաքներ եւ գիւղեր անընդհատ ենթարկւում են ծանր հրետակոծութեան:
27 սեպտեմբեր 2020-ի առաւօտեան կանուխ ժամերից սկսեալ Արցախի խաղաղ բնակչութիւնը դաժան ու վայրագ յարձակման է ենթարկւում։ Ադրբեջանը հովանաւորւած հայ ժողովրդի ոխերիմ թշնամի Թուրքիոյ կողմից փորձում է հերոսական Արցախը գրաւել ու բնաջնջել Արցախահայութիւնը. թշնամին մոռացել էր սակայն որ հայը հաւատարիմ իր հայրենի հողին, հոգեւոր, ազգային, մշակութային արժէքներին ու կոթողներին միշտ իր կեանքի գնով պաշտպանած, պաշտպանում եւ պաշտպանելու է իր հայրենիքը։