Թեհրանի Հայոց Թեմի Առաջնորդ՝ Գերշ. Տ. Սեպուհ Արք. Սարգսեանը, Առաջնորդի օգնական՝ Հոգշ. Տ. Առաքել Աբղ. Գատեհճեանը, Հոգեւորականաց դասը, Պատգամաւորական ժողովը, Թեմական խորհուրդը, Կրօնական խորհուրդը եւ թեմի հաւատացեալ ժողովուրդը իրենց խորազգաց ցաւակցութիւններն ու վշտակցութիւններն են յայտնում Մեծի Տանն Կիլիկիոյ Կաթողիկոս՝ Ն.Ս.Օ.Տ.Տ. Արամ Ա. Վեհափառ Հայրապետին, կիլիկեան միաբանութեան եւ Գուճանեան ընտանիքին, Կիլիկեան ուխտի միաբանութեան երիտասարդ անդամներից՝ Տ. Անանիա Ծ. Վրդ. Գուճանեանի վախճանման առիթով:

Հոգելոյս Հայր Սուրբը երկար տարիներ ծառայել է Սպահանի Հայոց Թեմում: Հայր Անանիա իր ազնիւ եւ աշխոյժ ծառայութեամբ շահել է իրանահայութեան եւ յատկապէս Նոր Ջուղայի հայ ժողովրդի սէրն ու յարգանքը: Եղել է տիպար հոգեւորական, սիրալիր հայր եւ խրատող եղբայր:

Խունկ եւ աղօթք իր անմեռ յիշատակին: Յիշատակն արդարոց օրհնութեամբ եղիցի:

Դիւան Ազգային Առաջնորդարանի
Թեհրանի Հայոց Թեմի

Ուրախութեամբ յայտնում ենք Թեհրանի Հայոց Թեմի մեր ժողովրդի սիրելի զաւակներին, որ Ն.Ս.Օ.Տ.Տ. Արամ Ա. Կաթողիկոսը Լանջախաչ կրելու իրաւունք է շնորհել թեմիս առաջնորդի օգնական՝ Հոգշ. Տ. Առաքել Աբղ. Գատեհճեանին: Այս առիթով, մեր ուրախութիւնը, գոհունակութիւնն ու շնորհակալութիւնն ենք յայտնում Վեհափառ Հայրապետին:

Լանջախաչ կրելու յատուկ օրհնութեան գիրը ընթերցւելու է Ազգային Առաջնորդարանի դահլիճում՝ կիրակի, թւականիս փետրւարի 2-ի առաւօտեան, յաւարտ Սուրբ եւ Անմահ Պատարագի: Հայր Առաքելին մաղթում ենք յաջողութիւն եւ բեղուն գործունէութիւն:

Դիւան Ազգային Առաջնորդարանի
Թեհրանի Հայոց Թեմի

Չորեքշաբթի, յունւարի 22-ին Կրթական խորհրդի կողմից իրականացւող Ամանորին եւ Սուրբ Ծննդեանը նւիրւած գեղեցիկ ձեռնարկին ներկայ էին Թ. Հ. Թ. Թեմական խորհրդի ատենապետ՝ Վարուժ Յովհաննիսեանը, փոխատենապետ` Արմինէ Սէթխանեանը, նոյն խորհրդի անդամ՝ Հայրիկ Աղանեանը, քահանահայր՝ Տէր Արիստակէս Շահմիրեանը, Հայ Բարեգործական Ընդհանուր միութեան փոխնախագահ՝ Վահէ Միրզաբէգեանը, դպրոցների, մանկապարտէզների տեսուչներ, փոխտեսուչներ, ուսուցիչներ, ԿԽ-ի յանձնախմբերի անդամներ, Իրանահայ ուսուցիչների միութեան անդամներ, կրթական ոլորտի գործիչներ եւ հիւրեր: Ամէն տարի, Սուրբ Ծննդեան եւ Ամանորեայ տօներից յետոյ Կրթական խորհուրդը կազմակերպում է այս միջոցառումը, կրթութեան ոլորտում ծառայութիւն մատուցող բոլոր անհատներին հաւաքելով մի յարկի տակ, առիթ է ընձեռնում մէկ անգամ եւս շնորհաւորելու միմեանց եւ վայելելու Սրբազան Հօր օրհնութիւնները:

Մեկնարկել են Իսլամական յեղափոխութեան յաղթանակի 46-ամեակի միջոցառումները

Թեհրանի հայկական դպրոցների հարիւրաւոր աշակերտ-աշակերտուհիների խանդավառ մասնակցութեամբ թւականիս յունւարի 28-ին բացումը կատարւեց 47-րդ Համադպրոցական խաղերի, «Արարատ» մարզաւանի «Սասունցի Դաւիթ» մարզասրահում, մեծ թւով հանդիսատեսների ներկայութեամբ:

Այսու մեր սիրելի համայնքին տեղեկացնում ենք, որ երկուշաբթի՝ 9 դեկտեմբեր 2024 թւականին, Ազգային Առաջնորդարանի դահլիճում գումարւեց Թեմական Խորհրդի կողմից նշանակւած Իրան-Իրաք Պարտադրեալ Պատերազմի Հայ Նահատակների եւ Անձնուրացների Արժէքների Պահպանման Յանձնախմբի Անդրանիկ նիստը՝ ներկայութեամբ Թեմական խորհրդում յանձնախմբի հետ կապ՝ պրն. Արթին Շահբազեանի, որի ընթացքում յանձնախմբի դիւանն ընտրւեց ըստ հետեւեալի՝

Արտուշ Իսկանդարեան     Ատենապետ
Հայկ Մելքոնեան               Փոխատնապետ
Արմենուհի Դաւթեան        Ատենադպիր
Անդրանիկ Իբրանոսեան   Նիւթականի պատասխանատու
Զաւէն Աբրահամեան         Խորհրդատու
Ժորժիկ Բաբախանեան      Խորհրդատու
Այւազ Խուդավերդեան       Խորհրդատու
Գրիգոր Ղեւոնդեան            Խորհրդատու
Ռոզիթա Շահինեան           Խորհրդատու

Թ.Հ.Թ. ԹԵՄԱԿԱՆ ԽՈՐՀՈՒՐԴ

Ուրախութեամբ յայտնում ենք Իսլամական խորհրդարանում Թեհրանի եւ հիւսիսային իրանահայութեան պատգամաւոր' Արա Շահվերդեանի եւ Կրթական խորհրդի անդամ՝ Սերժ Եղիազարեանի միջնորդութեամբ «Ղալամչի» կենտրոնը հայկական մի շարք դպրոցների ներառել է բարեգործական ծրագրի մէջ եւ տրամադրել է տեխնիկական սարքաւորումներ՝ մասնաւորապէս 15 հատ դիւրակիր համակարգիչ (Lap Top), գրատախտակներ (White board) եւ տեսացրիչ (Video projection):

Այսու Թեհրանի Հայոց Թեմի մեր ժողովրդի սիրելի զաւակներին տեղեկացնում ենք, որ թեմիս առաջնորդի օգնական՝ Հոգշ. Տ. Առաքել Աբղ. Գատեհճեանին Լանջախաչի շնորհման օրհնութեան գրի ընթերցումը յետաձգւել եւ այն տեղի է ունենալու կիրակի՝ թւականիս փետրւարի 2-ին:

Դիւան Ազգային Առաջնորդարանի
Թեհրանի Հայոց Թեմի

Ուրբաթ, 24 յունւար 2025 թւականին, Թեհրանի հայոց թեմի բոլոր եկեղեցիներում, կիրակնօրեայ Ս. եւ Անմահ Պատարագի ընթացքում, յատուկ հանդիսաւորութեամբ ընթերցւեց Մեծի Տանն Կիլիկիոյ Կաթողիկոսութեան Ն.Ս.Օ.Տ.Տ. Արամ Ա. Վեհափառ Հայրապետի Հռչակագիրը՝ 2025 թւականը «Աւանդութիւնների Վերակենսաւորման տարի» հռչակելու կապակցութեամբ: